Ərdoğan səmimi deyil

Türkiyənin İsveç və Finlandiyanın NATO üzvlüyünə qarşı olmasını Avropa Birliyində həmin dövlətlərin Turkiyəyə münasibətinə diqqət yetirsək, hardasa Ərdoğanın siyasətinə don geyindirmək bəhanəsi yarana bilər . Ancaq, Ərdoğanın İsveç və Finlandiyanın NATO üzvlüyünə qarşı olmasını pkk ilə bağlamasını Rusiyaya qarşı böyük bir cəbhənin yarandığı dövrdə düzgün hesab etmirəm. Rusiyanın, əsasən də putin rejiminin dəstəkçisi olmaq Rusiyanın cinayətlərinə şərik olmaqdır.

Məsləyə diqqətlə yanaşsaq görərik ki, Rusiyanın pkk – ya dəstəyi bütün ölkələrdən daha çoxdur. pkk terror təşkilatının təməlini rus KQB – sinin qoyduğu heç kimə sirr deyil. Gələk bu günki Rusiyanın pkk ilə bağlı mövqeyinə;

Rusiya Xarici İşlər Nazirliyi rəsmən pkk və pyd-ni terror təşkilatı saymadıqlarını bəyan edib.
Rusiya Xarici İşlər Nazirliyinin 4-cü Avropa Departamentinin rəhbəri Aleksandr Botsan-Xarçenkonun pkk və pyd ilə bağlı qısa mövqeini təqdim edirəm:

“Moskvada hesab edirlər ki, Kürdüstan İşçi Partiyası və Suriyada fəaliyyət göstərən kürd xalqının özünümüdafiə dəstələri terror təşkilatları deyil. Rusiyada bu təşkilatlar rəsmi olaraq terror təşkilatlarının sırasına aid edilməyib. Bu, faktdır, vəziyyət bu cürdür”.

Hətta, Türkiyə cümhuriyyətinin parlamenti Rəcəb Tayyib Ərdoğanın Rusiyanı pkk -nı silahlandırmaqda ittiham etdiyi faktlardan birini qısa olaraq təqdim edirəm;
Türkiyə prezidenti Rəcəb Tayyib Ərdoğan Rusiyanı terrorçu Kürd Fəhlə Partiyasını silahlandırmaqda ittiham edib.

Ərdoğan bu barədə Türkiyənin “Star” qəzetinə müsahibəsində deyib.
“Hazırda PKK terrrorçuları Rusiyanın verdiyi zenit qurğuları və raketlərdən istifadə edirlər. Bu silah terror təşkilatına Suriya və İraq vasitəsilə çatdırılır”.

Hətta, Rusiya qondarma “erməni soyqırımı” nı ilk tanıyan dövlətlər sırasındadır.
Rusiya – əvvəl 1995-ci ilə, sonra da 2005-ci ildə “soyqırımı” qəbul edib.
Qarabağ probleminində başında Rusiyanın durması heçkimə sirr deyil.
Göründüyü kimi Rusiyaya qarşı yaranan güc Azərbaycanın strateji siyasətinə uyğundur. Azərbaycanın müstəqilliyinin və demokratiyanın ölkəmizdə bərqərar olmasının ən böyük problemi Rusiya olduğu üçün, Ərdoğanın Rusiyanı müdafiə siyasəti Azərbaycan üçün, o cümlədən Türkiyə üçün yanlış siyasi mövqedir.

Rusiyanın zəifləməsi, Türkiyənin regionda əsas güc sahibi olacağına da ciddi təkan verəcəyini nəzərə alsaq, Ərdoğanın Putin rejimini canla-başla müdafiə etməsini səbəblərini anlamaq heç də çətin olmaz. Azda olsa siyasi təhlili olan hər kəs bilir ki, Putin rejiminin çöküşü ən azından region dövlətlərində olan diktatorların , yarimdiktatorların, ümumiyyətlə hakimiyyəti tək əldə cəmləyən rejimlərin sonu olacaq. Ərdoğanın da narahatçılığı məhs bu səbəbdəndir. Yanı pkk , pyd məsələsi sadəcə kütləni yanlış siyasəti dəstəkləmək üçün ortaya atılan bəhanələrdən biridir.

Elşən Əlisoy

Facebook Comments