Yalnız sərt təzyiq Kremli güzəştə getməyə məcbur edə bilər və ABŞ prezidenti Donald Tramp buna qadirdir. Sozcu.az xəbər verir ki, bu fikri New York Post-a müsahibəsində Vladimir Zelenski səsləndirib. Zelenskinin sözlərinə görə, Rusiya prezidenti Vladimir Putin silahlı münaqişəyə son qoymaq üçün kompromisə hazır deyil. Eyni zamanda, o vurğulayıb ki, Tramp Rusiya liderini “diz çökdürmək” gücünə malikdir və bu, Rusiyada “ictimai partlayış”a səbəb ola biləcək sərt məhdudlaşdırıcı tədbirlərin sürətləndirilməsi ilə mümkün ola bilər. “O, bunu hiss etməlidir”,- deyə Zelenski bildirib. Zelenski həmçinin qeyd edib ki, Ağ Ev rəhbərinə sanksiyalara verdiyi dəstəyə görə çox minnətdardır.bakupost)

İsrailin daxili təhlükəsizlik xidməti Şin Bet, polis və hərbi kəşfiyyatın birgə əməliyyatı nəticəsində İranın kəşfiyyat xidmətləri ilə əlaqədə şübhəli bilinən bir İsrail əsgəri saxlanılıb. Sozcu.az Əl Ərıbiyyə telekanalına istinadən xəbər verir ki, saxlanılan hərbçi pul qarşılığında İran tərəfinə dövlət təhlükəsizliyi ilə birbaşa əlaqəli olmayan məlumatlar ötürüb. Bu məlumatlara İsrail ərazisinə düşən raketlərin fotoşəkilləri və hərbi dinləmələrin videoyazıları da daxildir. İsrail rəsmiləri hadisəni ciddi casusluq faktı kimi qiymətləndirərək istintaqın davam etdiyini bildiriblər. Eyni gün ərzində daha bir casusluq hadisəsi qeydə alınıb. Negev bölgəsindən olan 33 yaşlı bir müəllimin də İran kəşfiyyatı ilə əməkdaşlıq etdiyi və onların tapşırıqlarını yerinə yetirdiyi bildirilir.

Ukraynaya əlavə "Patriot" hava hücumundan müdafiə sistemlərinin tezliklə yerləşdirilməsi üçün hazırlıqlar gedir. Sozcu.az xəbər verir ki, bunu NATO-nun baş komandanı Aleks Qrinkeviç bu gün "Reuters"ə bildirib. Almaniyanın Visbaden şəhərində keçirilən konfransda o, "Patriot"ların mümkün qədər tez Ukraynaya çatdırılmasına çalışdıqlarını vurğulayıb. ABŞ prezidenti Donald Tramp bu həftə Ukraynadakı müharibə ilə bağlı Rusiyaya qarşı daha sərt mövqe nümayiş etdirdiyini açıqlayıb və Kiyevə daha çox raket və digər silahlar vəd edib. O, çərşənbə axşamı bildirib ki, Almaniyadan bir neçə "Patriot" raketi artıq Ukraynaya gedir.

Ukrayna Ali Radası Denis Şmıxalın müdafiə naziri təyin edilməsinə səs verib. Sozcu.az xəbər verir ki, bu barədə Ukraynanın xalq deputatı Yaroslav Jeleznyak Telegram-da bildirib. O qeyd edir ki, Şmıxalın namizədliyini 267 xalq deputatı dəstəkləyib. Xatırladaq ki, Denis Şmıxal dünənə qədər baş nazir postunu tuturdu.

Gəncədə bıçaqlanma hadisəsi baş verib. Sozcu.az-ın məlumatına görə, şəhər sakinin 1982-ci il təvəllüdlü A. İbrahimova bıçaq xəsarəti ilə xəstəxanaya yerləşdirilib. Qadın əməliyyat edilib. Hadisənin hansı şəraitdə baş veridiyi məlum deyil. Faktla bağlı araşdırma aparılır.

Azərbaycan Respublikasının Əmək Məcəlləsinin 233-cü maddəsinə əsasən, işçilər havanın temperaturu azı 41 dərəcə selsidən çox olan isti və açıq şəraitli iş yerlərində işləyərkən onlara müəyyən olunmuş qaydada fasilələr verilir və iş dayandırılır. Bu barədə Modern.az-ın sorğusuna cavab olaraq Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidmətindən məlumat verilib. Bildirilib ki, fasilələr iş vaxtına daxil edilir və bu fasilələr zamanı əmək haqqı işçilərin tarif maaşına görə ödənilir. Məlumatda qeyd olunub ki, iş dayandırıldıqda, boşdayanma vaxtının haqqı işçinin təqsiri üzündən baş verməyən boşdayanma kimi, tarif maaşının üçdə iki hissəsindən az olmayaraq ödənilir. Həmçinin, işəgötürən ilin isti vaxtlarında açıq havada və isti sexlərdə çalışan işçilərin istirahəti üçün otaqlar da hazırlamalıdır. Qurumdan əlavə edilib ki, istehsalın fasiləsiz xarakterli olması ilə əlaqədar işi dayandırmağın qeyri-mümkün olduğu yerlərdə işin dayandırılması bir-birini əvəz edən növbələr müəyyən olunması ilə əvəz edilir. Belə ki, növbələrin bir-birini əvəz etməsi isə həmkarlar ittifaqları təşkilatının razılığı ilə işəgötürən tərəfindən müəyyən olunur.  “İşlərin dayandırılması və fasilələr verilməsi, habelə bu fasilələrin sayının və müddətinin müəyyən edilməsi işəgötürənlə həmkarlar ittifaqları təşkilatının birgə qərarı ilə həyata keçirilir”,- qurumdan bildirilib. Qeyd edək ki, Milli Hidrometeorologiya Xidmətinin sön günlərə dair hava proqnozlarında istilərin şiddətləndiyi bildirilib. İyulun 13-də isə Azərbaycanın bəzi yerlərində temperatur 41 dərəcəyə çatıb.

ABŞ 150-yə yaxın kiçik ölkədən idxal edilən mallara 10-15% idxal rüsumları tətbiq etməyi planlaşdırır. Sozcu.az xəbər verir ki, bunu ABŞ Prezidenti Donald Tramp deyib. “Yəqin ki, bu, 10% və ya 15% olacaq. Hələ qərar verməmişik”, - o bildirib.

İran Prezidenti Məsud Pezeşkian bu yaxınlarda Təbrizə qeyri-rəsmi səfəri zamanı qeyri-adi vəziyyətlə üzləşib. Onun kortejindəki hər üç avtomobildə Qəzvin əyalətinə gedən yolda nasazlıq yaranıb. Sozcu.az "Azad İran" Teleqram kanalına istinadla xəbər verir ki, bu barədə prezidentin xüsusi müfəttişi Mustafa Moulavi məlumat verib. Moulavinin sözlərinə görə, avtomobil kolonu Rəşt magistralının çıxışına yaxın yanacaqdoldurma məntəqəsində dayanaraq benzin doldurub, lakin sonradan yanacağın su ilə qarışdırıldığı məlum olub. Hər üç avtomobilin hələ Takestan şəhərinə çatmamış mühərriki dayanıb. Yoxlama göstərib ki, bu yanacaqdoldurma məntəqəsində əvvəllər də oxşar qanun pozuntuları qeydə alınıb, lakin o, fəaliyyətini davam etdirib. İnsidentə baxmayaraq, Pezeşkian əyalət rəhbərliyinə müraciət etməyib və rəsmi araşdırma başlatmayıb. Əvəzində taksi ilə Təbrizə yolunu davam etdirib. Mustafa Moulavi qeyd edib ki, bu hadisə məsuliyyətsizliyin və yanacaqdoldurma məntəqəsində nəzarətin olmamasının nümunəsidir və adi vətəndaşları da təhdid edə bilər.

DİN-in Baş Dövlət Yol Polisi İdarəsi nasaz avtomobillərlə bağlı sürücülərə xəbərdarlıq edib. İdarədən Sozcu.az-a verilən məlumata görə, xəbərdarlıqda deyilir ki, isti hava nasaz avtomobildə yanğın ehtimalını dəfələrlə artırır: "Yay mövsümü üçün xarakterik olan isti hava texniki-təhlükəsizlik baxımından nasaz, istismara yararsız nəqliyyat vasitələrində yanğın ehtimalını dəfələrlə artırır. Avtomobilin mühərrik sistemində, elektrik naqillərində, təkər və ya şinlərində mövcud olan nasazlıqlar isti hava şəraitində özünü daha tez biruzə verir ki, bu da yanğınla müşahidə edilən ağır fəsadlara, yolda ləngimələrə, ətraf mühitin çirklənməsinə gətirib çıxarır. Baş Dövlət Yol Polisi İdarəsi son günlər bu qəbildən olan hadisələrin sayının artmasını nəzərə alaraq, bir daha sürücülərə avtomobilin texniki sazlığını daim nəzarətdə saxlamağı, texniki-təhlükəsizlik baxımından yararsız nəqliyyat vasitələri ilə yola çıxmamağı, uzaq məsafələrə səfərlər zamanı avtomobili texniki müayinədən keçirməyi, avtomobili standartlara uyğun və yararlı odsöndürənlə təchiz etməyi və ondan istifadə qaydalarını mənimsəməyi tövsiyə edir".

"Nə lazımdırsa bütün işləri görmüşəm. Amma o demək deyil ki, qane olmalısan". Sozcu.az xəbər verir ki, bu sözləri müğənni İzzət Bağırov dicey Kazım Sübhanın 106.3 FM-də qonağı olarkən deyib. Sənətçi aktyorluq etməsini qınayanlara cavab verib: "Aktyorluq sənətini bitirib, diplomum olduğu üçün haqqımdı aktyorluq etmək". İ.Bağırov küsülü olduğu Əməkdar artist Qorxmaz Əlilicanzadə ilə bağlı "Qorxmaz Əlilicanzadə möhtəşəm prodüsserdir. Prodüserlik işini mükəmməl bilir. İndi o qədər öz qabında olmayanlar gəlib keçib ki, qabağa... O, əsəbiləşib efirdə danışır. Bilirəm niyə əsəbiləşir"  sözlərini deyib.  Bayağı ifaçılardan danışan Bağırov "Şikayət etmirəm. Şikayətçi olsam da kimlərin haqqında danışım? Hamısı dostumuzdur. Və də nəticə verməyəcək. Həmin insanların pərəstişkarları səni sürüməyə başlayacaq" sözlərini əlavə edib. axşam.az)

"Qarabağ"ın Çempionlar Liqasının 2-ci təsnifat mərhələsində "Şelburn"a (İrlandiya) qarşı keçirəcəyi matçların vaxtı açıqlanıb. Sozcu.az xəbər verir ki, bu barədə UEFA-nın saytı məlumat yayıb.  İlk görüş iyulun 23-də İrlandiyada oynanılacaq və Bakı vaxtı ilə saat 22:45-də başlayacaq. Cavab matçı isə iyulun 30-da Tofiq Bəhramov adına Respublika stadionunda keçiriləcək və saat 20:00-da start götürəcək. Qeyd edək ki, "Şelburn" ötən gecə ÇL-in 1-ci təsnifat mərhələsinin cavab oyunları çərçivəsində "Linfild"lə heç-heçə edib (1:1, ilk görüş - 1:0) və 2 oyunun cəmində mərhələ adlayaraq "Qarabağ"a rəqib olub.

Bakı şəhərinin Suraxanı rayonunda yanğın olub. Sozcu.az FHN-ə istinadən xəbər verir ki, ümumi sahəsi 240 m² (hər mərtəbəsi 120 m²) olan ikimərtəbəli 7 otaqlı evin ikinci mərtəbəsində 4 otağın yanar konstruksiyaları və dam örtüyü 120 m² sahədə yanıb. Evin qalan hissəsi və bitişik tikililər yanğından mühafizə olunub. Yanğın yanğından mühafizə bölmələri tərəfindən söndürülüb.

İraq Bağdadın cənubunda Kut şəhərində ticarət mərkəzində baş verən güclü yanğında həlak olan təxminən 50 nəfərin xatirəsinə üçgünlük matəm elan edib. Sozcu.az xəbər verir ki, bu barədə Vasit vilayətinin qubernatoru Məhəmməd Cəmil əl-Mayya bildirib. "Biz yanğın nəticəsində təxminən 50 nəfəri itirdik. Səlahiyyətli orqanlar yanğının səbəblərini araşdırmağa davam edir, ilkin nəticələr tam şəffaflıq təmin edilməklə 48 saat ərzində ictimaiyyətə açıqlanacaq", - o vurğulayıb. Vasit polis komandanlığı hipermarketdəki yanğını söndürmək üçün əyalətin mülki müdafiə qüvvələrinin tam səfərbərliyini elan edib.

Mərkəzi Bankın bu günə olan rəsmi valyuta məzənnəsinə görə, dollarının məzənnəsi dəyişməyərək 1,7000 manat olub. Sozcu.az xəbər verir ki, lirənin manat qarşısında dəyəri 0.23% artaraq 0.0423 manatda sabit qalıb. Avronun məzənnəsi 0.04% artaraq 1 avro 1.9762, rublun məzənnəsi isə 0.03% ucuzlaşaraq 100 rubl 2.1788 manat olub.

Laçın rayonunun Hoçaz və Mollalar kəndləri ətrafında dağlıq ərazidə baş vermiş meşə yanğını ilə bağlı aparılmış araşdırmalar nəticəsində yanğın hadisəsinin ehtiyatsız davranış nəticəsində törədildiyi müəyyən olunub. Sozcu.az xəbər verir ki, bu barədə Daxili İşlər Nazirliyi və Fövqəladə Hallar Nazirliyi birgə məlumat yayıb. Qeyd edilib ki, Laçın rayon Sus kənd sakini olan 3 nəfərin dağlıq ərazinin meşə massivində yandırdıqları ocaq çətin relyefli 14 hektar sahəyə yayılıb. Faktla bağlı başlanmış cinayət işi üzrə yanğın hadisəsini törətməkdə şübhəli bilinən şəxslər polis əməkdaşları tərəfindən saxlanılaraq cinayət məsuliyyətinə cəlb edilib. Cinayət işi üzrə istintaq hərəkətləri davam etdirilir. Hazırda FHN-in Dövlət Yanğından Mühafizə Xidməti tərəfindən ərazidə yanğının söndürülməsi istiqamətində müvafiq tədbirlərin icrası davam edir.

ABŞ İsrailin Suriya ərazisinə endirdiyi zərbələrdən dərin narahatlığını ifadə edib. Sozcu.az xəbər verir ki, ABŞ Dövlət katibi Marko Rubio bildirib. “Biz bütün maraqlı tərəflərlə əlaqə saxlayırıq və hərbi əməliyyatların dayandırılması üçün səylər göstəririk”, - Rubio qeyd edib.

Ağdaşda 17 yaşlı gənc - Süleymanlı Dəniz Nəsib oğlu Yuxarı Şirvan kanalında boğulub. Sozcu.az xəbər verir ki, hadisə həmin şəxs kanalda çimərkən baş verib. Hazırda onun sudan çıxarılması istiqamətində işlər görülür.

Təhqir və böhtan ittihamları ilə həbs edilmiş tanınmış vəkil Adəm Məmmədov və qardaşı Xəyyam Məmmədovun apellyasiya şikayətinə baxılıb. Sozcu.az xəbər verir ki, Bakı Apellyasiya Məhkəməsində keçirilən sonuncu iclasda qərar açıqlanıb. Məhkəmə Adəm Məmmədov və qardaşına verilmiş cəzanı qanuni hesab edərək hökmün qüvvədə saxlanılmasına qərar verib. Bununla hökm qanunu qüvvəyə minmiş hesab olunur. Adəm Məmmədov yaxın günlərdə cəzasının qalan hissəni çəkmək üçün cəzaçəkmə müəsisəsinə köçürülməlidir. Qeyd edək ki, Adəm Məmmədov və Xəyyam Məmmədov birgə rəhbərlik etdikləri saytda tanınmış vəkil Ceyhun Yusifovu ağır cinayətdə ittiham etmişdilər.C. Yusifovun xüsusi ittiham qaydasında məhkəməyə müraciəti əsasında Adəm Məmmədov 6 ay müddətinə azadlıqdan məhrum edilib. Onun qardaşı Xəyyam Məmmədova isə 1 il müddətinə islah işləri cəzası verilib. Məlum qalmaqaldan sonra Vəkillər Kollegiyasının Rəyasət Heyyətinin qərarı ilə A.Məmmədovun vəkillik fəaliyyəti də dayandırılmışdı.

Rusiyanın Voronej şəhərində azərbaycanlılara qarşı daha bir təhqiramiz davranış qeydə alınıb. Sozcu.az Haqqın.az-a istinadən xəbər verir ki, Rusiya təhlükəsizlik qüvvələri yenidən Voronejdə bazarda azərbaycanlıları saxlayıb. Hadisə yerində olan şahidlərin sözlərinə görə, Rusiya hüquq-mühafizə orqanlarının əməkdaşları bazarda reyd keçirib və saxlanılan şəxsləri bir-birinin çiynindən tutaraq yeriməyə məcbur ediblər. Məlumata görə, saxlanılanlar arasında azərbaycanlılarla yanaşı, tacik və özbək əsilli şəxslər də var.

Ermənistan ərazisində ikinci dövlətin mövcudluğuna imkan verməyəcəyik. Sozcu.az xəbər verir ki, bunu Ermənistanın Baş naziri Nikol Paşinyan İrəvandakı Qarabağ separatçılarının “nümayəndəliyi”nin binasının ləğv edilməsi təşəbbüsü fonunda deyib. “Birbaşa dedim ki, Ermənistanda ikinci dövlətin olmasına icazə verə bilmərəm. Bu barədə əvvəllər də danışmışam və mesajın başa düşüləcəyinə ümid edirdim. Bir, iki, üç... Dövlət tədbir görməlidir”, - o bildirib. Paşinyan əlavə edib ki, bu mülk Ermənistana məxsus olmalıdır. Qeyd edək ki, Ermənistan Baş Prokurorluğu İnzibati Məhkəmədə Kadastr Komitəsinə qarşı iddia qaldıraraq qondarma “Qarabağ nümayəndəliyi”nin yerləşdiyi binaya mülkiyyət hüququnun etibarsız hesab edilməsini tələb edib.

14:10 İsrail ordusu Suriya Baş Qərargahının Dəməşqdəki kompleksinə zərbə endirib. Sozcu.az xəbər verir ki, bu barədə İsrail ordusunun mətbuat xidməti məlumat yayıb. Suriya mediası isə şəhərə endirilən zərbələr nəticəsində iki nəfərin yaralandığını vurğulayıb. *** İsrailin Dəməşqə endirdiyi zərbələr nəticəsində 5 nəfər ölüb. Bu barədə Suriyanın Səhiyyə Nazirliyi məlumat yayıb. Hücum nəticəsində 18 nəfərin də yaralandığı bildirilib.

Dünən ABŞ Nümayəndələr Palatasında kriptovalyuta ilə bağlı qanun layihələrinin prosedur səsverməsinin uğursuzluqla nəticələnməsi Bitkoinin qiymətinə mənfi təsir göstərib. Sozcu.az “Forbes”ə istinadla xəbər verir ki, səhər saatlarında gündəlik maksimum dəyəri 120 min 482 dollar olan Bitkoin günortaya doğru 117 min dollara qədər enib. Bitkoində baş verən 2,8%-lik azalma ABŞ Prezidenti Donald Trampın dəstəklədiyi kriptovalyuta qanunlarının bloklanması fonunda qeydə alınıb. Nümayəndələr Palatasında keçirilən prosedur səsvermədə 196 nəfər lehinə, 223 nəfər isə əleyhinə səs verib. Əleyhinə səs verənlər arasında 13 respublikaçı da olub. Bloklanan qanun layihələri arasında stabilkoinlərin tənzimlənməsi, kripto aktivlərin qiymətli kağız və ya əmtəə kimi təsnifləşdirilməsi, həmçinin Federal Ehtiyat Sisteminin rəqəmsal valyuta buraxmasına məhdudiyyətlər qoyulması ilə bağlı təkliflər yer alırdı. Tramp eyni gün “Truth Social” platformasında paylaşım edərək respublikaçıları bu qanunlara dəstək verməyə çağırmışdı: “Nümayəndələr Palatası Amerikanı rəqəmsal aktivlərin lideri edəcək nəhəng qanun layihəsinə səs verməlidir”. Qanun layihələrinin bloklanması təkcə Bitkoinə deyil, həm də kriptovalyuta ilə əlaqəli səhmlərə mənfi təsir göstərib. Mədən şirkətləri olan “Riot Platforms” və “Mara Holdings”in səhmləri müvafiq olaraq 3,3% və 2,3% ucuzlaşıb. “Coinbase” birjasının səhmləri isə 1,5% dəyər itirib. Ekspertlər qeyd edirlər ki, son günlərdə Bitkoinin qiymətindəki artım, birja fondlarının (ETF) kriptovalyuta alışı və qanunvericilikdə irəliləyişlərə dair gözləntilərlə əlaqədar idi. Lakin qanun layihələrinin bloklanması investor optimizmini zəiflədib.

Goranboy rayonunda kütləvi dava olub. Sozcu.az Report-a istinadla xəbər verir ki, hadisə rayonun Veyisli kəndində qeydə alınıb. İlkin məlumata görə, kənd sakinləri E.Abuzərov, T.Zeynalov və E.Mustafayev mübahisə zəminində bir-birilərinə müxtəlif alətlərlə xəsarət yetiriblər. Hər üçü xəstəxanaya yerləşdirilib. Mübahisənin səbəbi hələ məlum deyil. Faktla bağlı araşdırma aparılır.

Birinci Qarabağ müharibəsində itkin düşən daha bir şəxsin qalıqları dəfn olunacaq. Sozcu.az xəbər verir ki, bu barədə Əsir və itkin düşmüş, girov götürülmüş vətəndaşlarla əlaqədar Dövlət Komissiyası məlumat yayıb. Məlumata görə, itkin düşmüş hərbçi Kərimov Məzahir Xalıq oğlunun qalıqları iyulun 18-də Xaçmaz rayonu Usta Cəlilli kənd qəbiristanlığında dəfn olunacaq.