Rusiya Putinin Ukraynada törətdiyi hərbi cinayətləri xalqdan gizlətməyə cəhd edir…

Rusiya “Vikipediya”dan Putin haqqında məlumatı silməyi tələb edib.

“Roskomnadzor” (Rabitə, informasiya texnologiyaları və kütləvi kommunikasiyalara nəzarət üzrə Federal xidmət- red.) “Vikipediya”dan Rusiya ptezidenti Vladimir Putin haqqında maddəni, o cümlədən Ukraynaya hücum barəsində məlumatı düzəltməyi tələb edib.

Sozcu.az xəbər verir ki, bu barədə “Vikipediya”nın rusdilli birliyi “Twitter” səhifəsində məlumat verib.

“Roskomnadzor”un iddiaları “Putin, Vladimir Vladimiroviç” məqaləsi və onun “Ukrayna ilə münasibətlər (2012-ci ildə hal- hazıra kimi)” və “Ukraynaya müdaxilədən sonra (2022)” bölmələrinə aiddir.

“Vikipediya”da dəqiqləşdiriblər ki, Roskomnadzor məqalədə “Rusiya Federasiyası Silahlı Qüvvələrinin Donetsk və Luqansk xalq respublikalarının müdafiəsi üzrə xüsusi hərbi əməliyyatının məqsədləri və forması haqqında yanlış informasiya məlumatları”nı aşkar edib.

“Belə materiallar Rusiya Federasiyası ərazisində sabitliyin, ictimai asayişin və ictimai təhlükəsizliyin kütləvi şəkildə pozulmasına gətirib çıxara bilər”, – idarənin məlumatında belə deyilir.

“Vikiediya”nın özünün verdiyi məlumata görə, göstərilən bölmələr Rusiyada artıq qadağan edilib, onları məhdudiyyətlər qoyulan informasiya reyestrinə daxil edilib. Bu reyestrə həmçinin ensiklopediyanın Ukraynadakı müharibəyə aid bir sıra başqa məqalələr də salınıb.

Onların arasında “Kiyev uğrunda döyüş” (bu məqalədə Ukraynanın qələbəsi göstərilib), “Rusiyanın Ukraynaya müdaxiləsi dövründə hərbi cinayətlər”, “Mariupolda xəstəxana atəşə tutulub”, “Mariupol teatrı dağıdılıb” və “Buçada qətliam” məqalələri də var.

Facebook Comments