ÖZÜMDƏN GETMƏYİM GƏLİR -ŞEİR

Tökülür bağrımın qanı,

Ağrıyır ağrımın canı.

Sənsiz qalan bu dünyanı,

Tərk edib getməyim gəlir.

***

Ömür məndən kənar keçir,

Saat ölçür, zaman biçir,

Ölüm də yaxşını seçir,

Ölümdən içməyim gəlir.

          ***

Gündən günə dəyişirəm,

Gözdən yanağa düşürəm,

Əllərimdən sürüşürəm,

Əlimdən düşməyim gəlir.

***

Ah çəkirəm, yanır ahım,

Acıdan ağlar günahım,

Bağışla məni, Allahım,

Özümdən getməyim gəlir.

Reyhana ASLAN

Facebook Comments