​Al rəngli səhərtək ötən günlərim, Atalı, analı, qayğısız anlar... Uzaq üfüqlərdə uçardı ruhum, Uşaqlıq anlarım - gözəl zamanlar. ​Qayğısız yaşardım, gözümdə gülüş, Nə çörək, nə də su dərdi çəkərdim. Atamın, anamın çəkdiyi dərdi, Sən demə, özümçün mən də əkərdim. ​Qabaqda böyük bir həyatım vardı, Dünya dağılsa da, vecə almazdım. Anamın, atamın çəkdiyi dərdi, Uşaq olduğum an mən anlamazdım. ​Yetişdi ömrümün xəzan sarısı, Aynada kölgəmə baxıb üşəndim. Bir anlıq qəlbimin tutdu ağrısı: "İlahi, görəsən, bu mən, o məndim?" ​Baharlı yağışdan yağmura düşdüm, Tozlu albom kimi heç açılmadım. Gənclikdə şəfəqtək nur verən Zakir, Qocalıq nuruyla heç saçılmadım. ​Tökülən yarpaqtək seyrəldi saçım, Üzümdə qırışlar şırıma döndü. Bilmirəm nədəndir bu dərd, bu acım, Payız yetişdikdə günəşim söndü. ​Qalmışam qapıda paslı açartək, Mən həmən mənəmmi, yoxsa deyiləm? Bilmirəm cəftəmi kimlər çəkəcək, Qərib kölgə kimi, mən də sönürəm. ​ Zakir İsmayıl

Cənab Prezident İlham Əliyev. Sizi həyat yoldaşınızla qonağ dəvət edirəm. Mən, şair-jurnalist Rəhimli Xatirə Əziz qızı (XATİRƏ ƏZİZ) Bakı şəhərində yaşayıram.   25 ildir ki, mətbuat sahəsində jurnalist kimi fəaliyyət göstərirəm. Şair-jurnalist kimi xalqımın haqq səsiyəm. Ədəbiyyat adamı kimi haqqı qələmə alıram. Mənzilim yoxdur. Ailə üzvlərimlə birgə uzun illər ərzində 39 dəfə kirayə mənzillərə köçmüşük. Kirayədə ömür yaşamaq isə çox ağrı-acılıdır, çox dözülməzdir. Neçə ildir ki, sizi, həyat yoldaşınız, Birinci vitse-prezident Mehriban Əliyeva ilə birgə ailə üzvlərimlə birlikdə ömür yaşadığım zirzəmiyə qonağ dəvət edirəm.  Amma çox-çox təəssüf ki, gəlmirsiniz.  Xahiş edirəm ki, budəfəki təklifimi qəbul edin, Novruz bayramında qonağımız olun. Şair-jurnalist olaraq düşünürəm ki, yəqin Azərbaycanın maddi baxımdan ən kasıb şairi olduğum üçün, ən kasıb jurnalisti olduğum üçün bizə qonağ gəlmirsiniz? Rayonlarda, qəsəbələrdə, kəndlərdə vətəndaşların qonağı olursunuz, onları ziyarət edirsiniz. Mənim ailəmin niyə qonağı olmursunuz? Prezident İlham Əliyev. Zirzəmidə sosal-iqtisadi baxımdan səfalət içində yaşadığım üçünmü bizə qonağ gəlmək istəmirsiniz?  Şair-jurnalist kimi sizdən bir daha xahiş edirəm ki, Bahar bayramı günlərində-Novruz byramında yaşadığım zirzəmiyə gəlin, bizim də qonağımız olun. Gəlişiniz əlbəttə, bizlər üçün də çox xoş olar. Böyük məmnuniyyətlə Mehriban Əliyeva ilə birgə ailə üzvlərimlə yolunuzu gözləyəcəyik. Qonağımız olsanız, ailəmlə birlikdə hansı çətinliklər içində, hansı ağrı-acılarla, hansı əzab-əziyyətin içərisində, hansı dözülməz vəziyyətdə yaşadığımızı da görərsiniz. Yəqin ki, məni də mənzillə təmin edərsiniz. Mən də sizin mənə hədiyyə edəcəyiniz mənzildə ailə üzvlərimlə birlikdə ömür yaşayaram və rahat şəkildə şair kimi, jurnalist kimi yaradıcılığımı da davam etdirərəm.  Prezident İlham Əliyev.  Bir məsələni də vurğulayım ki, Azərbaycan xalqının 80 faizi bir çox problemlərlə üz-üzə qalıb. Uzun illərdir xalqın yanında olan jurnalist kimi bu problemləri də sizə və Birinci vitse-prezident Mehriban Əliyevaya  çatdıraram. Siz də xalqın neçə ildir üzləşdiyi bir çox problemlərdən xəbardar olarsınız. Hörmətlə: şair-jurnalist XATİRƏ ƏZİZ Rəhimli

İsrail və ABŞ mənbələrinə görə, müharibənin başladığı 3 həftə ərzində 3000-dən çox təhlükəsizlik qüvvəsi öldürülüb, 48 siyasi lider qətlə yetirilib, 20 hərbi təyyarə vurulub, 1 sualtı qayıq batırılıb. Sozcu.az xəbər verir ki, bu barədə politoloq Heydər Oğuz qeyd edib. O bildirib ki, ən azı 1 F-4E, 2 F-5E, 2 Su-22M4 və Qətərin məlumatına görə, 2 Su-24MK məhv edilib: “İran Qırmızı Aypara Cəmiyyətinin məlumatına görə, ölü sayı 555, yaralı sayı isə 787-dir. İran Siyasi Haqları Aktivistlərinin (HRANA) iddiasına görə isə ən azı 4765 nəfər öldürülüb. Bunların böyük əksəriyyəti yüksək rütbəli zabitlərdir. Aralarında onlarla general da var. İsrail və ABŞ-a görə İsraildə: 12 nəfər həlak olub, 11 nəfər itkin düşüb, 1473 nəfər yaralanıb. ABŞ: 13 hərbçi həlak olub, ən azı 150 nəfər yaralanıb, 3 F-15E vurulub (Dost atəşi ilə), bir F-35-ə zərər dəyib. İrana görə: ABŞ - 650 hərbçi həlak olub və ya yaralanıb”. Politoloq vurğulayıb ki, bu statistika kimin nə qədər üstün olduğunu açıq şəkildə ortaya qoyur.

18:42 Ukrayna ordusu Rusiyanın Belqorod vilayətinə zərbə endirib. Sozcu.az xəbər verir ki, bu barədə TASS məlumat yayıb. Məlumata görə, ticarət mərkəzinə endirilən zərbə nəticəsində 2 nəfər ölüb, 1 nəfər isə yaralanıb. Dağıntılar altında qalanların olduğu ehtimal olunur. *** Belqorod endirilən zərbə nəticəsində ölənlərin sayı 4-ə çatıb. Bu barədə vilayət qubernatoru Vyaçeslav Qladkov məlumat yayıb.

ABŞ 1 aylıq İran neftinə qoyulan sanksiyaları ləğv etdi: bir tərəfdən İranla müharibə etmək, digər tərəfdən isə sanskiyaları ləğv etmək məntiqə nə dərəcədə uyğundur? Sozcu.az xəbər verir ki, bu barədə politoloq Kamran Cəfərov qeyd edib. O bildirib ki, ABŞ-ın İran neftinin satışına 30 günlük lisenziyası 20 mart 2026-cı il tarixinə qədər tankerlərə yüklənmiş İran neftinin alınmasına, daşınmasına və satışına icazə verir: “ABŞ-ın İrana qarşı maliyyə sanksiyaları qüvvədə qalır və satılan neftdən əldə olunan vəsaitlər İrana yox, ABŞ Maliyyə Nazirliyinin nəzarətində olan xüsusi hesablara (eskrou-hesablar) keçiriləcək. Bu vəsaitlərin gələcəkdə (məsələn, rejim dəyişikliyindən sonra) İrana ötürülməsi mümkündür. Başqa sözlə, İran neftinin satışına 1 aylıq lisenziyanın verilməsindən sonra satılan neftdən (söhbət dənizdə olan 140 milyon barreldən gedir) İran rejimi 1 dollar da qazanmayacaq”

ABŞ və İsrailin xüsusi xidmət orqanları İranın yeni ali lideri Müctəba Xameneinin yerini müəyyənləşdirməyə çalışır. Sozcu.az xəbər verir ki, bu barədə “Axios” məlumat yayıb. ABŞ kəşfiyyatının məlumatlarında bir neçə iranlı məmurun ali liderlə görüş təşkil etməyə cəhd göstərdiyi, lakin bu təşəbbüslərin uğursuz olduğu bildirilir.

Sozcu.az xəbər verir ki, politoloq Şahin Cəfərli İranın siyasi və hərbi rəhbərliyində baş verən son hadisələri şərh edib. Onun sözlərinə görə, Əli Laricani və “Bəsic” komandanı, general Qulamhüseyn Süleymanidən sonra “Ettelaat”ın rəhbəri İsmayıl Xətib də öldürülüb. Bu hadisələr İranın ali siyasi və hərbi elitasına qarşı həyata keçirilən hücumların ikinci dalğası kimi qiymətləndirilir. Politoloq qeyd edir ki, Əli Laricani ölkə daxilində mühüm nüfuza malik fiqur idi və sistem daxilində balans yaradan əsas şəxslərdən biri sayılırdı. Onun aradan götürülməsi, eləcə də Əli Xamenei kimi liderlərin yoxluğu rejim daxilində konsensusun qorunmasını çətinləşdirə bilər. Ekspertin fikrincə, “İranda sistem şəxslərdən asılı deyil” yanaşması reallığı tam əks etdirmir. Formal olaraq vəzifələrə yeni şəxslər təyin etmək mümkün olsa da, uzun illər ərzində formalaşmış təcrübəli siyasi və hərbi kadrları qısa müddətdə əvəz etmək olduqca çətindir. Şahin Cəfərli vurğulayır ki, İranda tez-tez “Mossad agenti” ittihamı ilə edamların həyata keçirilməsi fonunda son hadisələr Mossadın ölkə daxilində geniş kəşfiyyat imkanlarına malik olduğunu göstərir. Hətta rejimin təhlükəsizliyinə cavabdeh olan şəxslərin belə qoruna bilməməsi ciddi suallar doğurur. Politoloq hesab edir ki, müharibənin uzanması İran üçün daha ağır nəticələr vəd edir. Bu vəziyyət ABŞ üçün müəyyən iqtisadi üstünlüklər yaratsa da, İranın daxili sabitliyini ciddi şəkildə sarsıdır. Uzanan qarşıdurma İsrailə İran daxilində müxtəlif hədəflərə zərbə endirmək imkanı verir. Ekspert həmçinin xəbərdarlıq edir ki, enerji infrastrukturu hədəfə alınarsa, xüsusilə “Cənubi Pars” kimi strateji obyektlərə zərbələr İran iqtisadiyyatını çöküşə sürükləyə bilər. Bu halda dövlət maaşlarının ödənilməsində problemlər yarana və bu da geniş narazılığa səbəb ola bilər. Sonda politoloq qeyd edir ki, mövcud vəziyyətdə İran rəhbərliyində rasional düşünən qüvvələr diplomatiyaya üstünlük verməli və ABŞ-la anlaşma yollarını axtarmalıdır. Əks halda, ölkənin “süquta uğramış dövlət” vəziyyətinə düşməsi riski artır.

ABŞ administrasiyası İrana qarşı hərbi əməliyyatda mümkün iştirak da daxil olmaqla, Yaxın Şərq regionuna əlavə minlərlə Amerika hərbçisinin göndərilməsi məsələsini nəzərdən keçirir. Sozcu.az xəbər verir ki, bu barədə "Reuters" agentliyi mənbələrə istinadən məlumat yayıb. Məlumata görə, Amerika tərəfi Yaxın Şərqdəki fəaliyyətləri dəstəkləmək məqsədilə minlərlə ABŞ hərbçisinin yerləşdirilməsi variantlarını təhlil edir. Nəşr qeyd edib ki, bu addım xüsusilə Birləşmiş Ştatlara Hürmüz boğazından neft tankerlərinin maneəsiz keçidinin təminində kömək edə bilər. Nəşr bildirib ki, bu planları həyata keçirmək üçün ABŞ öz hərbçilərini İran sahillərində yerləşdirməyə cəhd edə bilər. Vaşinqton administrasiyasının silahlı qüvvələrin İranın Xarq adasına mümkün göndərilməsini müzakirə etdiyi də əlavə olunub. Daha əvvəl "Axios" portalı xəbər vermişdi ki, ABŞ ölkənin xam neft ixracının 90 %-ə qədərinin keçdiyi İranın Xarq adasındakı strateji neft terminalını ələ keçirməyi planlaşdırır. Nəşr qeyd edib ki, söhbət konkret tapşırıqları yerinə yetirmək üçün kiçik xüsusi təyinatlı qrupların reydlərindən gedir. Daha sonra "The Wall Street Journal" (WSJ) qəzeti yazıb ki, Pentaqon rəhbəri Pit Heqset ABŞ Silahlı Qüvvələrinin Mərkəzi Komandanlığının Yaxın Şərqə Hərbi Dəniz Qüvvələri və Dəniz Piyadaları Korpusunun əlavə bölmələrinin göndərilməsi ilə bağlı sorğusunu təsdiqləyib.

Birləşmiş Ştatlar İsrailin İranın "Cənub Pars" qaz yatağına hücumundan əvvəlcədən xəbərdar olmayıb. Sozcu.az xəbər verir ki, bu barədə Amerika lideri Donald Tramp "Truth Social" sosial şəbəkəsində yazıb. "Yaxın Şərqdə baş verənlərlə əlaqədar qəzəblənən İsrail böyük bir obyektə - İrandakı "Cənub Pars" qaz yatağına güclü zərbə endirib. Bütün kompleksin nisbətən kiçik bir hissəsi vurulub. Birləşmiş Ştatlar bu konkret hücum barədə məlumatlı deyildi, Qətərin isə buna heç bir aidiyyəti yox idi və hazırlanan zərbə haqqında hər hansı bir məlumata malik deyildi", - o qeyd edib. Tramp həmçinin bildirib ki, buna cavab olaraq İran Qətərin mayeləşdirilmiş təbii qaz (MTQ) istehsal edən obyektinə qeyri-mütənasib zərbə endirib. "İsrail bu son dərəcə vacib "Cənub Pars" yatağına artıq zərbə endirməyəcək, bir şərtlə ki, İran buna qətiyyən aidiyyəti olmayan Qətərə hücum etmək qərarına gəlməsin. Əks təqdirdə, ABŞ İsrailin köməyi və razılığı ilə və ya bunlar olmadan bütün "Cənub Pars" yatağını tamamilə məhv edəcək", - Ağ Evin rəhbəri vurğulayıb. Bununla belə, Tramp öz yanaşmasını İranın gələcəyi üçün uzunmüddətli mənfi nəticələrlə əsaslandıraraq bu səviyyədə dağıntıların olmasını istəmədiyini əlavə edib. Çərşənbə günü İsrail tərəfindən endirilən zərbələr nəticəsində "Cənub Pars" qaz yatağının bir sıra obyektlərində yanğınlar baş verib. Xatırladaq ki, ABŞ və İsrail fevralın 28-də İrana qarşı hərbi əməliyyata başlayaraq respublikanın şəhərlərinə hava zərbələri endirib. İran da cavab olaraq İsrail ərazisinə raketlər buraxıb. Bundan əlavə, İran qüvvələri ABŞ-nin Fars körfəzi ölkələrində yerləşən hərbi bazalarına hücum edib. Yaxın Şərqdəki vəziyyətlə əlaqədar regionun bəzi ölkələri hava məkanını müvəqqəti bağlayıb. Həmin gün İranın ali dini rəhbəri Əli Xamenei ABŞ və İsrailin hücumları nəticəsində öldürülüb.

Qətər xilasediciləri İran raketinin Ras Laffan sənaye zonasına düşməsindən sonra baş verən yanğınla mübarizəni davam etdirirlər. Sozcu.az xəbər verir ki, bu barədə Qətərin Daxili İşlər Nazirliyinin açıqlamasında deyilir. "Yanğınsöndürənlər İran raket zərbəsindən sonra Ras Laffan sənaye zonasında başlayan yanğını söndürməyə davam edirlər. Tələfat yoxdur", - açıqlamada deyilir. Qeyd edək ki, Qətər Müdafiə Nazirliyi Ras Laffan sənaye şəhərinə ballistik raket atıldığını və raketin partlamasının dağıntıya səbəb olduğunu açıqlayıb.

Böyük Britaniya Hörmüz boğazını açmaq üçün plan hazırlamaq məqsədilə ABŞ-a hərbçilərdən ibarət kiçik bir qrup göndərib. Sozcu.az xəbər verir ki, bu barədə “The Times” qəzeti Böyük Britaniya Müdafiə Nazirliyindəki mənbələrə istinadən məlumat yayıb. Britaniyalı mütəxəssislərin Yaxın Şərqdə hərbi əməliyyatlara cavabdeh olan ABŞ Mərkəzi Komandanlığının (CENTCOM) qərargahının yerləşdiyi Florida ştatının Tampa şəhəri yaxınlığındakı MakDill Hərbi Hava Qüvvələri Bazasına getdiyi bildirilir. Qəzetin məlumatına görə, Britaniya mütəxəssislərindən gəmilərin boğazdan təhlükəsiz keçməsini təmin etmək üçün planlaşdırma və variantların hazırlanmasında kömək tələb olunub.

İranın Xəzər dənizi sahilində yerləşən liman şəhəri Bəndər-Ənzəlidə İsrail Hərbi Hava Qüvvələrinin bölgədə zərbələr endirməsi fonunda bir neçə partlayış baş verdiyi bildirilir. Sozcu.az xəbər verir ki, bu barədə “Times of İsrael” məlumat yayıb. Məlumata görə, zərbələr İran Hərbi Dəniz Qüvvələrinə məxsus gəmiləri hədəf alıb.

"Biz öz milli qürurumuzu bərpa etdik, ədaləti, ərazi bütövlüyümüzü bərpa etdik, düşməni torpaqlarımızdan qovduq. Allah bütün şəhidlərimizə rəhmət eləsin. Silahlı Qüvvələrimiz həm 2020-ci ildə, həm 2023-cü ildə böyük qəhrəmanlıq göstərmişdir. Bunun nəticəsində biz bu gün bu torpaqlardayıq və biz bu torpaqların əsl sahibləriyik". Sozcu.az xəbər verir ki, bu sözləri Azərbaycan Respublikasının Prezidenti İlham Əliyev martın 18-də Xocavənd rayonunun Xanoba kəndinin sakinləri ilə söhbəti zamanı deyib. "Çünki Ermənistan buranı viran qoymuşdu. Yəni bütün kənd, qəsəbə, şəhər - hamısını dağıtmışdı. Burada bir neçə daxma tipli ev qalmışdı, amma indi baxın. Ağdam, Füzuli, Zəngilan, Cəbrayıl, Qubadlı nə gündə idi, yerlə-yeksan etmişdilər. Xaricdən gələn erməniləri Laçında, Kəlbəcərdə qanunsuz məskunlaşdırmışdılar, ora da bərbad vəziyyətdə idi. Yəni hamısını biz yenidən qururuq. Cəmi 5-6 il ərzində Qarabağda və Şərqi Zəngəzurda 80 mindən çox insan yaşayır, çalışır, təhsil alır. Demək olar ki, hər ay, bəlkə də hər həftə keçmiş köçkünlər "Böyük Qayıdış" Proqramı çərçivəsində öz doğma diyarlarına qayıdırlar. Siz də artıq üç-dörd gündür ki, buradasınız", - deyə dövlətimizin başçısı qeyd edib.

Paytaxtdakı "xruşovka"ların dəqiq statistikası aparılmayıb, lakin təqribi hesablamalara görə 4 minə yaxın belə tikili mövcuddur". Bunu Baku.ws-ə açıqlamasında Azərbaycan Qiymətləndiricilər Cəmiyyətinin (AQC) sədri Vüqar Oruc bildirib. Onun sözlərinə görə, ilkin mərhələdə bu tikililərdən təqribən 1 500-ə yaxını söküləcək: "Təbii ki, bütün "xruşovka"lar bir anda sökülməyəcək, iş mərhələli şəkildə həyata keçiriləcək. Söküntü layihələri adətən tikililərin tipi ilə deyil, istismar müddəti və mərtəbə sayı əsasında qruplaşdırılır. "Xruşovka"lar bazarda hələ uzun müddət alqı-satqı predmetləri olaraq qalacaq. Hazırda bazarda bu binaların qiymətləri digər tikililərə nisbətən yüksəkdir və söküldükdən sonra onların yerində inşa olunacaq yeni tikililər qiymət baxımından daha çox olacaq. Ən çox bu tip binalar Yasamal, Nəsimi, Xətai rayonlarında, qismən isə Nərimanov rayonunda yerləşir. Burada yerləşən ərazilər mərkəzi və infrastrukturu inkişaf etmiş bölgələr olduğu üçün söküntü və yenidənqurma işləri əhəmiyyətlidir".

Təhsil sahəsində aparılan sertifikasiya imtahanlarından təxminən 13 min müəllim kəsilib, onlardan 1000-ə yaxını daha sonra işlə təmin olunub.  Sozcu.az məlumatına görə, bunu Milli Məclisin Elm və təhsil komitəsinin bu gün keçirilən “İncəsənət məktəblərinin mövcud vəziyyəti və inkişaf perspektivləri” mövzusunda ictimai dinləmədə deputat Ceyhun Məmmədov bildirib. Deputat qeyd edib ki, təhsil sahəsində olduğu kimi mədəniyyət sahəsində fəaliyyət göstərən müəllimlərə ikinci şans verilməlidir.  C. Məmmədov həmçinin vurğulayıb ki, musiqi məktəblərinə qəbul yerlərinin azaldılmasında daha ehtiyatlı yanaşma lazımdır.  “İşğaldan azad olunmuş ərazilərdə yeni musiqi məktəblərinin açılması da diqqətdə saxlanılmalıdır. Təmsil etdiyim  Cəbrayıl rayonunda belə bir problem var. Gələcəkdə bu məqamları diqqətdə saxlamaq lazımdır” – deyə o bildirib.  Nazir Adil Kərimli isə  qeyd edib ki, indiyədək incəsənət sahələrində dərs deyən müəllimlər attestasiya imtahanından keçirilirdiyindən onların nəticələri ya məqabul sayılır, ya da əmək müqaviləsinə xitam verilirdi. Lakin buna baxmayaraq Mədəniyyət Nazirliyinin təşəbbüsü ilə onlar ixtisasartımı və təlimlərə qoşularaq ikinci şans əldə edirdilər. Bundan sonra bu sahədə çalışan müəllimlərin də sertifikasiyadan keçməsi qaldırlan problemləri tənzimləyə bilər. 

Martın 18-də Quba rayonunun Zizik kəndində ağır cinayət hadisəsi qeydə alınıb. Sozcu.az xəbər verir ki, 1966-cı il təvəllüdlü Ağasiyev Ceyhun İsmayıl oğlu ailə münaqişəsi zəminində həyat yoldaşı, 1970-ci il təvəllüdlü Ağasiyeva Gülgəz Rahib qızını qətlə yetirib. Hadisədən qısa müddət sonra Ceyhun Ağasiyevin özünün də cansız bədəni aşkar edilib. Hazırda faktla bağlı hüquq-mühafizə orqanları tərəfindən təhqiqat aparılır, hadisənin baş vermə şəraiti və səbəbləri araşdırılır. (Apa)

Bir qrup Avropa Parlamentinin üzvü ABŞ Prezidenti Donald Tramp və Çinin ticarət siyasətinə həddindən artıq təzyiq göstərməsinin qarşısını almaq üçün AB liderlərini Yaponiya, Kanada və Cənubi Koreya ilə ticarət razılaşması əldə etməyə çağırıb. Sozcu.az xəbər verir ki, bu barədə “Politiko” nəşri yazıb. "Artıq çəkindirmə yalnız hərbi deyil, həm də iqtisadi məsələdir. Geosiyasi gərginlik dövründə AB sammitindən əvvəl liderlərlə görüşümüzdə yeni bir ittifaq formatı üçün təzyiq göstərəcəyik”, - bunu "Yenilənmiş Avropa" qrupunun prezidenti Valeri Qayer bildirib.

İran Səudiyyə Ərəbistanının paytaxtı Ər-Riyad şəhərinin bir neçə bölgəsinə raket zərbələri endirib. Sozcu.az xəbər verir ki, bu barədə "Röyters" agentliyi məlumat yayıb. Qeyd edək ki, daha öncə İran Səudiyyə Ərəbistanı, Qətər və BƏƏ-də neft obyektlərinin yerləşdiyi ərazilərə zərbə endiriləcəyi barədə xəbərdarlıq edib.

ABŞ Dövlət Departamenti ölkənin bütün səfirliklərinə və diplomatik nümayəndəliklərinə təhlükəsizlik vəziyyətini dərhal qiymətləndirməyi və ABŞ-İsrail hərbi əməliyyatı fonunda əlavə tədbirləri nəzərdən keçirməyi əmr edib. Sozcu.az xəbər verir ki, bu barədə "The Washington Post" qəzeti ABŞ Dövlət Departamentinin daxili yazışmalarına istinadən məlumat yayıb. Qeyd olunub ki, müvafiq göstəriş "Yaxın Şərqdəki mövcud və inkişaf edən vəziyyət və onun mümkün nəticələri" ilə bağlıdır. Nəşrin məlumatına görə, ABŞ dövlət katibi Marko Rubio diplomatik nümayəndəliklərə potensial təhdidləri müəyyən etmək və cavab planları hazırlamaq üçün xüsusi qruplar yaratmaq tapşırığı verib. Son həftələrdə oxşar təlimatların yalnız Yaxın Şərqdəki Amerika diplomatik nümayəndəliklərinə göndərildiyi bildirilir. İndi isə bu əmr dünyanın bütün ABŞ səfirliklərinə şamil edilib. Nəşrin vurğuladığı kimi, bu, ilk dəfədir ki, dünya üzrə bütün Amerika diplomatik nümayəndəliklərinə İrandakı müharibə ilə əlaqədar təhlükəsizlik tədbirlərini nəzərdən keçirmək əmri verilib.

İran ordusunun buraxdığı raketi Birləşmiş Ərəb Əmirliklərindəki Əl-Minhad hava bazasının yaxınlığında düşüb və bütün Avstraliya əsgərləri təhlükəsiz yerdədir. Sozcu.az xəbər verir ki, bu barədə Avstraliyanın Baş naziri Entoni Albaneze jurnalistlərə açıqlamasında bildirib. Avstraliya Baş naziri Tasmaniyaya səfəri zamanı qeyd edib ki, mərmi bazaya aparan yola düşüb: "Nəticəndə kiçik bir yanğın başlayıb. Yaşayış binasına və tibb müəssisəsinə kiçik ziyan dəyib".

ABŞ-nin Nyu-Meksiko ştatındakı Holloman Hərbi Hava Qüvvələrinə məxsus bazada baş verən atışma nəticəsində bir nəfər ölüb, bir nəfər yaralanıb. "Report"un "Associated Press"ə istinadən verdiyi məlumata görə, hadisə yerli vaxtla təxminən saat 17:30-da qeydə alınıb. Qeyd olunub ki, yaralı şəxs lazımi tibbi yardım göstərilir, hazırda hərbi obyekt daxilində heç bir təhlükə yoxdur. Atışmada iştirak edənlərin şəxsiyyəti, eləcə də hadisənin səbəbləri barədə hələlik məlumat açıqlanmayıb.

ABŞ-da benzin qiymətləri 2023-cü ilin payızından bəri ən yüksək səviyyəyə çatıb. Sozcu.az xəbər verir ki, bu barədə Amerika Avtomobil Assosiasiyasının məlumatında bildirilir. Məlumata görə, ABŞ-da bir qallon (3,785 litr) benzinin qiyməti 3,79 dollara yüksəlib. Qeyd olunur ki, bir ay əvvəl, yəni münaqişə başlamazdan öncə bu göstərici 2,9 dollar səviyyəsində olub. Ən yüksək qiymətlər Kaliforniya ştatında qeydə alınıb, burada bir qallon benzinin qiyməti 5,54 dollara çatır.

İran hakimiyyəti Milli Təhlükəsizlik Şurasının katibi Əli Laricaninin ölümünü təsdiqləyib. Sozcu.az xəbər verir ki, bu barədə onun ofisi teleqramda məlumat yayıb. “Milli Təhlükəsizlik Şurasının baş katibi Laricani səhər saatlarında baş verən hücumda oğlu Murtəza, müavini Əlirza Beyat, Şura Katibliyinin əməkdaşları və bir neçə mühafizəçisi ilə birlikdə öldürülüb”, - məlumatda deyilir. İran Prezidenti Məsud Pezeşkian Laricaninin ölümünə görə sərt qisas alınacağına söz verib. O, həmçinin Təhlükəsizlik Şurası katibinin vəfatı ilə bağlı başsağlığı verib. Qeyd edək ki, martın 17-də İsrailin müdafiə naziri İsrael Katz Laricaninin İrana hava hücumu nəticəsində öldüyünü açıqlamışdı. Bunun ardınca İran Milli Təhlükəsizlik Şurası katibinin teleqram kanalında ABŞ sualtı gəmisi tərəfindən İrana məxsus “İRİS Dena” freqatının batması nəticəsində həlak olan iranlı dənizçilərlə vida mərasimi öncəsi Laricaninin əlyazmasının fotosu yayılmışdı.

Rusiyanın Labinsk şəhərində neft anbarında güclü yanğın baş verib. Sozcu.az xəbər verir ki, yanğının söndürülməsi üçün müvafiq tədbirlər görülsə də, güclü külək səbəbindən yanğın digər neft çənlərinə də yayılıb. Qeyd edək ki, yanğın martın 16-na keçən gecə Labinsk sənaye zonasındakı neft anbarına PUA-nın qəlpələrinin düşməsi nəticəsində baş verib. Martın 15-i və 16-sı Rusiya Ukraynaya məxsus 170-dən çox dronu vurub.