Baydenlə danışdım, proses uzana bilər – Ərdoğan

Cənab Baydenlə səmimi və konstruktiv görüşümüz oldu. Təbii ki, bizim NATO müttəfiqliyi və strateji tərəfdaşlıq kontekstində atılacaq addımlarla bağlı məsləhətləşmələr aparmaq imkanımız oldu. Hər şeydən əvvəl, əlbəttə ki, bizim F-35 məsələmiz var.

Sozcu.az xəbər verir ki, bu sözləri jurnalistlərə açıqlamasında Türkiyə Prezidenti Rəcəb Tayyib Ərdoğan deyib.

“Bildiyiniz kimi, bizim 1 milyard 400 milyon dollar ödənişimiz var. Bununla əlaqədar biz F-16-ların tədarükü ilə bağlı danışıqlar apardıq. Onlardan bununla bağlı mənfi münasibət görməmişəm. Əksinə, iki ölkə arasında münasibətlərə aid bu həssas məsələni xarici işlər nazirlərimizlə görüşərək yekunlaşdıracağımıza ümid edirik. Bayden bildirdi ki, tezliklə nəticələr əldə etməyə də bilərik.

Bilirsiniz ki, proses Nümayəndələr Palatası və Senatdan keçir. Vəziyyət əlli əlliyədir, amma əlimdən gələni edəcəm.

İnşallah, müdafiə nazirlərimiz bir-biri ilə danışıqlarını davam etdirəcəklər. Bugünkü toplantıda iştirak edən dostlarımızın köməyi ilə bunu yekunlaşdıra bilsək, burada iki mühüm mövzumuz olacaq: biri təchizat, digəri isə əlimizdə olan F-16-ların modernləşdirilməsidir”, – deyə Ərdoğan bildirib.

Facebook Comments