Türkiyə güneyli məhbuslara dəstək kampaniyası keçirilib

Türkiyə sosial şəbəkə istifadəçiləri İran hökuməti tərəfindən ədalətsiz hökmlərlə həbs cəzasına məhkum edilmiş Güney Azərbaycanın milli fəallarına dəstək məqsədilə kampaniyaya başlayıb.

Kampnaiya dünən axşam, oktyabrın 11-dən başladılıb. Türk sosial media fəalları dəstək kampaniyasını #SoydaşlarımızıÖzgürBırakın adlı həştəqlə aparıb.

Qısa zaman ərzində Türkiyə, Azərbaycan və türkiyəli jurnalistlər, siyasətçilər və sıravı vətəndaşlar tərəfindən rəğbətlə qarşılanıb.

Bu kampaniya İran məhkəməsinin 12 ərdəbilli fəalı Qarabağın azadlığına dəstək verdikləri üçün 180 ay zindan və 888 qamçı zərbəsinə məhkum etməsinə etiraz olaraq həyata keçirilib.

Qeyd edək ki, İran hökumətinin ədalətsiz qərarı Türkiyə və Quzey Azərbaycan mediasında geniş şəkildə yayılıb.

Facebook Comments