“Azad edilmiş ərazilərimizə təhlüksəsiz səfər turları təşkil edilsin” – Elgün Gəncimsoy

“Mən bir vətəndaş kimi təklif edirəm ki, ərazilərə təhlükəsiz səfər turları təşkil edilsin və bərpa fondu yaradılaraq qazanılan pullar ora verilsin” – Elgün Gəncimsoy

“Ümumiyyətlə Kəlbəcərə səfər hansı şəkildə tənzimlənir? Bu məsələyə əsas cavabdeh adam kimdir ki, hər gün İstisunun ətrafı istirahət edənlərlə dolu olur.

Bəzən əraziyə keçmək üçün yaxşı məbləğdə pul ödənildiyini deyirlər. Təbii ki, görüb şahidi olmamışam. Amma maşınların buraxılmasını görmüşəm. Əgər belə bir hal varsa, insanlar bu qədər həvəslə pul verib gedirsə bu pulları yönəltmək və rəsmiləşdirmək lazımdır. Şəxsən mən bir vətəndaş kimi təklif edirəm ki, ərazilərə təhlükəsiz səfər turları təşkil edilsin və bərpa fondu yaradılaraq qazanılan pullar ora verilsin”.

Sozcu.az xəbər verir ki, bunu tanınmış jurnalist Elgün Gəncimsoy deyib. Jurnalist qeyd edib ki, ödənişli təhlükəsiz səfərin təşkil edilməsi qanunsuz səfərlərin də qarşısın alar.

“Təkcə Ağdama təhlükəsiz səfər turları təşkil edilsə və turun qiyməti əlli manat təyin edilsə gün ərzində ən azı yüz nəfər müraciət edəcək. Bu da bir gün üçün beş min manat , bir ay üçün on beş min manat olacaq. Digər rayonların səfər qiymətləri müəyyən edildikdə orta hesabla bu məbləğ ay ərzində 150 min manat olar. Bu pulların hesabına isə hökumət ölkədəki bütün qazilərin problemini cəmi bir ilə aradan qaldırar.
Bütün bunlardan başqa ödənişli təhlükəsiz səfərin təşkil edilməsi qanunsuz səfərlərin də qarşısın alar”.

Facebook Comments