Milli fəal Mehrdad Şeyxiyə qarşı təzyiqlər davam edir

Cinayətlərin ayrılması prinsipinə zidd və siyasi məhbusa təzyiq olaraq, onun yeri yenidən dəyişdirilərək bu bölmədən oğurluq əməllərinə görə məhkum olunan məhbusların saxlanıldığı 2-ci bölməyə köçürülüb.

Ərdəbilin mərkəzi həbsxanasında saxlanılan Milli-mədəni fəal Mehrdad Şeyxi bundan pncə mayın 23-də Abbas Lisaninin də saxlanıldığı 7-ci karantin bölməsindən başqa bölməyə köçürülmüşdü.

Cinayətlərin ayrılması prinsipinə zidd və siyasi məhbusa təzyiq olaraq, onun yeri yenidən dəyişdirilərək bu bölmədən oğurluq əməllərinə görə məhkum olunan məhbusların saxlanıldığı 2-ci bölməyə köçürülüb.

Mayın 24-də Ərdəbil şəhərinin bir çox parklarında Evin və Ərdəbil həbsxanalarında saxlanılan milli-mədəni fəallar Behnam və Mehrdad Şeyxi qardaşlarının ədalətsiz həbsinə etiraz və onlara dəstək nişanəsi olaraq şəhərin bütün parklarının oturacaqlarında “Behnam Şeyxi, Mehrdad Şeyxi” qrafitləri yapışdırılmışdı.

Aprel ayının 27-də isə Ərdəbil həbsxanasının məsulları Yusif Kari və Mehrdad Şeyxi ilə görüşərək mili fəallara bildirmişdilər ki, onların həbs cəzasının qalan hissəsi bağışlana və azad olunmaları barədə qərar verilə bilər. Lakin onlar bundan sonra milli fəaliyyət göstərməyəcəklərinə dair öhdəlik götürməlidirlər.

Hər iki siyasi fəal bu təklifi rədd edib və fəaliyyətlərinin qanuni, onlara qarşı irəli sürülən ittihamların isə əsassız olduğunu bildirilər. Milli fəallar məhkəmə proseslərinin ədalətsiz keçirildiyini deyiblər.

Milli mədəni fəal Mehrdad Şeyxi fevralın 27-də məhkəmə qərarlarının icrası idarəsindən aldığı bildiriş əsasında 6 aylıq həbs cəzasını çəkmək üçün Ərdəbil həbsxanasına yollanıb.

Mehrdad Şeyxi 2019-cu ildə yanacaq qiymətlərinin bahalaşmasına etiraz olaraq başlanan aksiyalarda iştirak etdiyinə görə saxlanılıb.
O, 2019-cu il, noyabrın 20-də Ərdəbildə atası evində təhlükəsizlik qüvvələri tərəfindən saxlanıb, 11 gün təcridxanada saxlanıldıqdan sonra 30 milyon tümən mülki vəsiqə qarşılığında müvəqqəti sərbəst buraxılıb.

Ərdəbil İnqilab Məhkəməsi M.Şeyxiyə “sistemə qarşı təbliğat aparmaq” ittihamı ilə 1 il həbs cəzası verib. Lakin Apellyasiya Məhkəməsi bu müddəti 6 aya endirib.

Xatırladaq ki, Mehrdad Şeyxi milli-mədəni fəal Behnam Şeyxinin kiçik qardaşıdır. Behnam Şeyxi hal-hazırda Tehranın Evin zindanının 8-ci bəndində saxlanılır. Milli fəala Beynəlxalq Ana Dili Günü tədbirlərinə qatıldığı üçün 2 illik həbs cəzası verilib.

Facebook Comments