“Şadlıq sarayları açıq havada keçiriləcək toylardan sui-istifadə etməyə çalışır”-Sosioloq

“İnsanlar açıq havada, hərəkətli olanda, günəş şüası qəbul edəndə onlarım immuniteti artır və xəstəliyə də sürətlə yoluxmur. Bunun təsdiqi kimi rayon kəndlərində virusa yoluxanların az olmasını misal çəkmək olar. Deməli biz bir təcrübə qazandıq ki, təmiz hava olanda immunitet yüksək, hərəkətlilik, günəş enerjisi olanda bu ümumən o immuniteti möhkəmlədir”

Bunu Moderator.az-a açıqlamasında sosioloq Əhməd Qəşəmoğlu deyib:

“Karantin qaydalarının yumşalması çox yaxşıdır. Əvvəla ötən il bu vaxt sərt karantin rejimi idi və onda virusa yoluxanların sayı da bundan çox idi. Həmin vaxt hökumət düzgün olaraq sərt karantin rejiminə getdi. Çünki buna ehtiyac var idi. İnsanlar açıq havada, hərəkətli olanda, günəş şüası qəbul edəndə onlarım immuniteti artır və xəstəliyə də sürətlə yoluxmur. Bunun təsdiqi kimi rayon kəndlərində virusa yoluxanların az olmasını misal çəkmək olar. Deməli biz bir təcrübə qazandıq ki, təmiz hava olanda immunitet yüksək, hərəkətlilik, günəş enerjisi olanda bu ümumən o immuniteti möhkəmlədir. Hələ koronavirus dünyada təzə yayılmağa başlayanda müsahibəm zamanı dedim ki, bizim qarşımızdakı ən böyük vəzifə ölkədə əhalinin immunitetini qaldırmaq və maarifləndirməkdir. İndi yenə də o fikirdəyəm”.

Sosioloq əhalinin kənd təsərrüfatı məhsulları ilə qidalanması üçün bunun əlçatan olmasını təklif edib:

“Biz indi elə bir mezanizm yaratmalıyıq ki, kəndlilərin həyətində olan məhsul Bakıya daşınsın və şəhər əhalisi onları münasib qiymətə ala bilsin. Onda kəndlinin də 190 manat birdəfəlik ödəməyə ehtiyacı olmayacaq”.

Əhməd Qəşəmoğlunun sözlərinə görə yumşalmalarla bərabər, əhalini də maarifləndirmək vacibdir:

“Yumşalmalar getdikcə, paralel olaraq əhalinin maariflənməsiylə də məşğul olmaq lazımdır. İnsanların da məsuliyyəti artmalıdır. Bu istiqamətdə də biz iş aparmalıyıq. İlk növbədə ictimai qınağı gücləndirməliyik. Mayın 31-dən açıq havada maska taxmaq qadağası aradan götürülüb, amma maska taxmaq qadağan olunmayıb axı. İnsanın öz təhlükəsizliyini qorumaq mədəniyyəti olmalıdır. Bir sözlə, yumşalmalar çox yaxşıdı, amma əhalini bu günün tələblərinə uyğun maarifləndirmək lazımdır”.

Sosioloq toyların açıq havada keçirilməsi məsələsindən də danışıb və şadlıq saraylarının indi də bundan sui-istifadə etmək istədiyini bildirib:

“Bir müddət əvvəl sizinlə söhbətimiz zamanı açıq havada toyların keçirilməsini danışmışdıq və indi bu təklif müzakirə olunur. İnsanlar bu barədə fikirləşirlər. Şadlıq saraylarının sahibləri isə yenə də bundan sui-istifadə etməyə çalışırlar. Deyirlər ki, açıq havada xərcimiz daha çox olacaq, məsələn 100 manat olan stul, bu dəfə 150 manat olacaq. Bu nə deməkdi? Mən sizinlə söhbətimiz zamanı bunu təklif edəndə dedim ki, əvvəlki, dədə-baba adət-ənəməmizə qayıtmalıyıq. Köhnə toylar ölkədə kriminal vəziyyəti artırır. Çünki o toylara getmək üçün əhalinin maddi imkanı olmur və məcbur olub kriminal işlərlə məşğul olur ki, pul qazanıb toya salsın. Onda da cəmiyyətdə gərginlik artır. Digər tərəfdən başqa insanlar maddi vəziyyəti yaxşı olmadığı üçün toya gedə bilmir, psixoloji zərbə alır, qohumlar arasında inciklik olur. Bir “şadlıq sarayı mafiyası” var və onlar bu işlə məşğul olub illərdir bu toydan qalan yeməyi sabahkı toya verirlər və varlanırlar. Bütün bunlar ölkə üçün böyük bir təhlükədir. Biz açıq havada toy etməklə israfçılığın qarşsını almaq istəyirik, amma şadlıq sarayları dövlətlənmək üçün can atırlar”.

Facebook Comments