ABŞ-ın Texas ştatında daşqınlar nəticəsində ən azı 82 nəfər ölüb. Sozcu.az xəbər verir ki, bu barədə CNN məlumat yayıb. Bildirilib ki, qurbanların sayı artmağa davam edir.

18 yaşlı fransalı velosipedçi Leonar Monterloz İranda iyunun 16-dan itkin düşüb. Sozcu.az xəbər verir ki, bu haqda Fransa mənbələri məlumat yayıb. Bildirilib ki, onun barəsində hər hansı məlumat almaq mümkün olmayıb və bu, Monterlosun taleyi ilə bağlı narahatçılığı artırır. Qeyd edək ki, bir müddət əvvəl Fransa hökuməti vətəndaşlarına İrana getməmək barədə xəbərdarlıq edib.

“LC Waikiki” mağazalar şəbəkəsinin anbarında yanğın baş verib. Sozcu.az Musavat.com-a istinadla xəbər verir ki, hadisə iyulun 6-da gecə saat 02:00 radələrində olub. Hadisə mağazalar şəbəkəsinin Binəqədidə yerləşən anbarında yaşanıb. Yanğın nəticəsində xeyli miqdarda ziyan dəyib. Şirkətin xeyli sayda geyim əşyaları yanaraq məhv olub. İlkin məlumata görə hadisə qısapanmadan baş verib.

ABŞ Prezidenti Donald Tramp İlon Maskın yeni siyasi partiya yaratmaq planlarını tənqid edərək, onları gülünc və Vaşinqtonun siyasi sistemi üçün faydasız adlandırıb. Sozcu.az xəbər verir ki, bu barədə Tramp jurnalistlərə açıqlamasında deyib. “Hesab edirəm ki, üçüncü partiyaya başlamaq gülüncdür. Respublikaçılar Partiyası ilə çox böyük uğurlar əldə etmişik. Sistem həmişə iki partiya üzərində qurulub - üçüncü partiyalar heç vaxt işləməyib. O, əylənə bilər, amma bu, sadəcə, xaos əlavə edəcək”, - o bildirib. Qeyd edək ki, daha sonra Tramp sosial mediadakı paylaşımında Maska qarşı “hücum”unu gücləndirib: “Maskın tamamilə “relsdən çıxdığını” və mahiyyətcə QATAR olduğunu görmək məni kədərləndirir”. Xatırladaq ki, Mask Amerika Partiyasının yaradıldığını elan edib.

Ağ günə həsrətli talelər... Ağrılı-acılı ötən ömürlər... Qələmə aldığım bu yazıda bəzi ciddi məsələlərdən söz açmaq istəyirəm.  Mən, Rəhimli Xatirə Əziz qızı ( Xatirə Əziz) şair-jurnalistəm. Azərbaycan Yazıçılar Birliyinin və Jurnalistlər Birliyinin üzvüyəm.  Ali təhsilliyəm. Bir neçə ixtisas üzrə təhsilim var, yenə oxuyuram, digər bir universitetdə  "sinema, radio, televiziya proqramçılığı" fakültəsində ödənişli distant təhsil alıram.  Qeyd edim ki, oxuduğum müddətdə təhsil haqqımı vaxtlı-vaxtında ödəmişəm. Deməli, dünən və bu gün imtahanlarım oldu, amma  imtahanların heç birinə buraxılmadım.  Çox təəssüflər olsun ki, imtahanlarım başlayana qədər təhsil haqqımı ödəyə bilmədim. Onu da deyim ki, imtahana buraxılmadığıma görə elə üzgünəm ki... Çox çarəsiz qaldım... Qismətmi beləymiş? Milyonlar səltənəti, neft-qaz ölkəsi olan Azərbaycanın mənəvi baxımdan çox-çox zəngin, amma maddi baxımdan isə ən kasıb, ən yoxsul VƏTƏNDAŞıyam...  Böyük Allah saysız-hesabsız təbii sərvətləri Azərbaycana niyə qismət etdi? Çünki Vətənimizin sərvətlərindən dövlət büdcəsinə gələn maliyyə vəsaiti, milyonlar, milyardlar ancaq və ancaq bu ölkədə bir qrup adamın, yüksək vəzifəli şəxslərin və məmurların cibinə axıb dolur... Çox təəssüf. Neçə illərdir kasıblıq içində yaşadığımız əzab-əziyyətli, dərdli günlərdən, ağrılı-acılı ömrümüzdən görürük ki, ağ günlər, xoş günlər Azərbaycan XALQından çox-çox uzaqlardadı... Elə bil ki, kimlərsə bizləri qarğıyıb. Yəni səfalət içində ac-yalavac qaldığımız, dilənçi günündə yaşadığımız qəm-qüssəli ömürdən-gündən məlum olur ki, ölkəmizin sərvətlərindən gələn pul-paranın bu XALQa heç bir aidiyyatı yoxdur. Amma bu ölkənin təbii sərvətləri bu XALQa məxsusdur axı... Azərbaycan xalqı isə təəssüf ki, çox kasıb və çox yoxsul günlərdə yaşayır. Bəxtsiz-talesiz zavallı XALQımız. Yerlərin-Göylərin Sahibi olan Sahiblər Sahibi ey Böyük Allah! Nə üçün bu XALQı bu qədər bəxtsiz, talesiz yaratdın? Bu necə taledir axı yazdın qismətimizə? Belə əzablı tale, belə ağrı-acı dolu yazı, belə kədərli həyat olarmı, İlahi? Taleyimiz niyə bu qədər əzablı oldu? Hardasa belə bir atalar məsəli oxumuşam. "Allahın qırx il (40) səbri var". Allahın da nə qədər çox səbri varmış... Amma mənim səbrim tükənib, bitib daha... Vallah-billah dözə bilmirəm bu qədər haqsızlığa, bu qədər ədalətsizliyə.  Doğma yurdumdan, elimdən, obamdan baş götürüb getməyə yer axtarıram. Bu ölkədəki ədalətsizlik, haqsızlıq məni çox usandırır, bezdirir. Uca, Böyük Yaradan kaş ki, bir möcüzə etsin, bu ölkədən köçüm gedim. Ədalətsizliyə, haqsızlığa küskün, kövrək, duyğulu şair ürəyim daha dözə bilmir... Ana dediyimiz, çox sevdiyimiz Vətənimizdə diri gözlü, gözlərimiz baxa-baxa həyatımız, ömrümüz-günümüz məhv olub gedir... Ürəyimiz əsəbdən, gərginlikdən, ağrı-acıdan, ədalətsizlikdən, haqsızlıqdan çatlayıb min bir yerə bölünür. Şair-jurnalist kimi mənə çox qəribə gəlir ki, bu ölkədəki ədalətsizliyi, haqsızlığı ölkə vətəndaşları sanki görmür, ədalətsizlikləri, haqsızlıqları sakitcə seyr edirlər...  Çox sevdiyim doğma ana Vətənim Azərbaycanda yaşamağa mənzilim yoxdur, işləməyə də iş yerim yoxdur. Təəssüflər... Cənab məmurlar, bu ölkədə necə yaşayım mən? Xahiş edirəm, sualımı cavablandırın... Nə deyim daha?... Necə deyərlər, sözün bitdiyi yerdi. XATİRƏ ƏZİZ Rəhimli Şair-jurnalist

Livanın "Hizbullah" Hərəkatı tərksilah olmaqdan imtina edib. Sozcu.az xəbər verir ki, bunu bu gün "Hizbullah"ın lideri Naim Qasım bəyan edib. Naim Qasım deyib ki, İsrailin təhdidlərinə və artan beynəlxalq təzyiqlərə, o cümlədən Livan hökumətinin çağırışına baxmayaraq Hizbullah silahı yerə qoymayacaq və təslim olmayacaq. Hizbullahın lideri Livan hökumətini atəşkəs razılaşmasına baxmayaraq İsraiin davam edən hücumları qarşısında susmaqda da günahlandırıb.

Rəsmi İrəvan üçüncü dövlətlərin Ermənistan ərazisindən digər ölkələrə qarşı hərbi əməliyyat üçün istifadə olunması ehtimalını rədd edib. Sozcu.az Report-a istinadən xəbər verir ki, bu barədə Ermənistan Xarici İşlər Nazirliyinin mətbuat katibinin sosial şəbəkələrdə dərc etdiyi bəyanatında deyilir. “Mətbuatda yer alan bəzi uydurma məlumatlara cavab olaraq Ermənistan öz prinsipial mövqeyini bir daha təsdiqləyir: ölkə ərazisi üçüncü dövlətlər tərəfindən heç bir qonşu ölkəyə qarşı hərbi əməliyyatlar həyata keçirmək üçün istifadə edilə bilməz”, - bəyanatda vurğulanır.

Pəncə-Kilid hərəkat zonasında Türkiyə ordusunun 19 hərbi qulluqçusu metan qazından zəhərlənib. Dərhal xəstəxanaya yerləşdirilmələrinə baxmayaraq, onlardan 5-i şəhid olub. Sozcu.az xəbər verir ki, bu barədə Türkiyə Milli Müdafiə Nazirliyinin məlumatında deyilir. Bildirilib ki, terrorçular tərəfindən öldürülən Nuri Melih Bozkurtun nəşinin tapılması üçün mağarada aparılan əməliyyat-axtarış tədbiri zamanı sözügedən hadisə baş verib. Ərazidə xilasetmə tədbirləri Türkiyə Fövqəladə Halların İdarəolunması Agentliyi (AFAD) və ordu qüvvələri tərəfindən davam etdirilməkdədir.

Milyarder İlon Mask ABŞ-ın Federal Seçki Komissiyasına Amerika siyasi partiyasını qeydiyyatdan keçirmək üçün ərizə verib. Sozcu.az xəbər verir ki, müvafiq sənəd agentliyin portalında yerləşdirilib. Məlumata görə, partiya Amerika (America Party, AMEP) Partiyası adlanacaq. Ərizə iyulun 6-da təqdim olunub. Qeyd edək ki, iyulun 5-də Mask siyasi partiya yaradacağını bəyan edib.

ABŞ Prezidenti Donald Tramp təbii fəlakətdən dolayı Texas ştatının Kerr dairəsində fövqəladə vəziyyət elan edib. Sozcu.az xəbər verir ki, bu barədə Ağ Ev rəhbəri sosial şəbəkədə yazıb. Amerika lideri qeyd edib ki, fövqəladə vəziyyətin elan edilməsi təcili yardım xidmətlərinə dərhal lazımi resursları ayırmağa imkan verəcək. Qeyd edək ki, leysan yağışlar və Qvadalupe çayının daşması nəticəsində sözügedən bölgədə fəlakətli vəziyyət yaradıb. Son məlumatlara görə, Texasın mərkəzində daşqınlar nəticəsində azı 59 nəfər ölüb, 850-dən çox insan təxliyə edilib.

ABŞ-ın yüksək rütbəli hərbçiləri belə qənaətə gəliblər ki, bu həyati vacib silahların Ukraynaya verilməsi Amerikanın döyüş hazırlığını təhlükə altına qoymur. Buna görə də administrasiyanı silah axınının bərpasına dərhal başlamağa çağırıram. Sozcu.az xəbər verir ki, bunu ABŞ-ın respublikaçı konqresmeni Maykl Makkol Ukraynaya silah tədarükündə yaranmış fasilə barədə danışarkən bildirib. “Pentaqonun silah tədarükünü dayandıran məmurları Prezident Trampın sülhə nail olmaq istiqamətində göstərdiyi nəcib səyləri sadəcə zəiflədir”, – deyə Makkol vurğulayıb. Qeyd edək ki, Pentaqon bəzi zenit raketlərinin və digər yüksək dəqiqlikli sursatların Ukraynaya tədarükünü dayandırıb.

Ukrayna müharibənin 1229-cu günü üçün Rusiya ordusunun itkiləri haqda məlumatı yeniləyib. Sozcu.az xəbər verir ki, bu barədə Ukrayna Baş Qərargahı məlumat yayıb. Məlumata əsasən, Rusiya indiyə qədər 1 026 440 hərbçi, 10 992 ədəd tank, 22 956 ədəd zirehli döyüş maşını, 29 960 ədəd artilleriya sistemi, 1 430 ədəd RYAS (reaktiv yaylım atəş sistemi), 1 192 hava hücumundan müdafiə sistemi, 421 ədəd hərbi təyyarə, 340 ədəd helikopter, 54 252 ədəd avtomobil texnikası, 43 825 ədəd PUA, 3 439 qanadlı raket, 28 gəmi/kater, 1 sualtı qayıq, 3 925 xüsusi avadanlıq itirib.

Rusiyanın Zabaykalye diyarında An-2 təyyarəsi qəza enişi edib. Sozcu.az xəbər verir ki, bu barədə diyarın qubernatoru Aleksandr Osipov məlumat yayıb. Onun sözlərinə görə, təyyarə havaya qalxdıqdan 16 dəqiqə sonra Çita rayonunda sərt eniş edib. Təyyarədə 10 paraşütçü və 1 pilot olub. 9 nəfər xəstəxanaya yerləşdirilib. Onlardan üçünün vəziyyəti ağırdır. Məlumata görə, havada olarkən təyyarənin mühərriki dayanıb.

Şəmkirdə ölümlə nəticələnən yol-nəqliyyat hadisəsi baş verib. Sozcu.az xəbər verir ki, "Toyota" və VAZ-2106 markalı avtomobillərin toqquşması nəticəsində Şəmkir rayon sakini, 1990-cı il təvəllüdlü Əli İsmayılov aldığı xəsarətdən dünyasını dəyişib. Daha bir neçə nəfər isə xəsarət alıb. Faktla bağlı araşdırma aparılır.

Laçında "HOWO" markalı yük maşını dərəyə aşıb. Sozcu.az xəbər verir ki, hadisə nəticəsində xəsarət alan olmasa da, avtomobilə ciddi ziyan dəyib. Faktla bağlı araşdırma başlanıb.

Azərbaycanda 2025-ci il üzrə ümumi təhsil üçün ayrılmış büdcə 2 milyard 347 milyon manatdır. Bu vəsaitin təxminən 400 milyon manatı – yəni 17 faizi – məhz rus bölməsində təhsilin saxlanmasına sərf olunur. Halbuki bu qədər vəsaitlə dövlət dilində tədrisin keyfiyyətini yüksəltmək, müəllim hazırlığını gücləndirmək, dərsliklərin məzmununu yeniləmək, məktəbləri yeni tədris resursları ilə təmin etmək mümkün olardı. Söhbət rus dilindən yox, təhsil siyasətində prioritetlərin düzgün qurulmamasından gedir. Əgər dövlət dili Azərbaycan dilidirsə, o zaman büdcədən maliyyələşən ümumi təhsil də yalnız dövlət dilində olmalıdır. Təhsil haqqında Qanunun 19.2-ci maddəsinə görə, ümumi təhsil Azərbaycan dilində aparılmalıdır. Digər dillərdə təhsil yalnız xüsusi zərurət olduqda, mədəni və etnik azlıqlar üçün nəzərdə tutulub. Amma Bakı və digər şəhərlərdə rus bölməsi artıq alternativ yox, paralel sistemə çevrilib və bu, həm hüquqi, həm maliyyə, həm də strateji baxımdan ciddi uyğunsuzluq yaradır. Rus bölməsinə ayrılan vəsaitin təyinatını dəyişmək siyasi yox, elmi-pedaqoji yanaşmadır. Əgər həmin 400 milyon manat yerli müəllimlərin ixtisasartırma proqramlarına, məktəb avadanlıqlarının yenilənməsinə, müasir tədris vəsaitlərinin hazırlanmasına və yeni nəsil dərsliklərə yönəlsəydi, nəinki azərbaycan bölməsi güclənərdi, həm də cəmiyyətin içindəki “rus bölməsi daha keyfiyyətlidir” stereotipi ciddi şəkildə sarsılardı. Çünki bu mifin kökündə məhz keyfiyyət fərqi durur – yoxsa dil yox. Bu gün valideynlərin bir çoxu övladını rus bölməsinə göndərmək üçün xüsusi yollar axtarır. Niyə? Mən rus dilinə qarşı deyiləm. Mən yanlış təhsil siyasətinə qarşıyam. Dövlət büdcəsi hesabına aparılan tədris yalnız dövlət dilində olmalıdır – amma bu tədris yüksək keyfiyyətli, rəqabətqabiliyyətli və xalqın ehtiyaclarına uyğun olmalıdır. Əgər 400 milyon manatı xərcləyiriksə, onun faydasını Azərbaycan cəmiyyəti görməlidir – təkcə müəyyən bir dil qrupu deyil. Artıq prioritetləri düzgün müəyyənləşdirməyin vaxtıdır. Təhsil siyasəti tarazlıq tələb edir – maliyyədə, dildə, keyfiyyətdə. Əks halda, biz təkcə pulları yox, gələcəyimizi də səhv istiqamətə yönəltmiş olacağıq. Kamran Əsədov, təhsil ekspeti

ABŞ tərəfindən Ukraynaya hərbi yardımın göstərilməsi davam edəcək. Bu məqsədlə hökumət nümayəndə heyətləri səviyyəsində danışıqlar aparılır. Sozcu.az xəbər verir ki, bunu Ukrayna Prezident Administrasiyasının rəhbərinin müşaviri Mixaylo Podolyak bildirib. “Anlamaq lazımdır ki, yardım davam edəcək. Ukrayna prezidenti də vurğulayıb ki, bu istiqamətdə rəsmi məsləhətləşmələr davam edir. ABŞ ballistik raketlərə qarşı mübarizədə vacib olan unikal silah növlərinə malikdir və bunu anlayır”, - Podolyak qeyd edib. O, yardımın dayandırılması ilə bağlı yayılan xəbərlərin daha çox ABŞ-dakı daxili siyasi mübarizənin əksi olduğunu bildirib: “Bu məsələyə sakit yanaşmaq lazımdır. Avropa tərəfdaşları yardımın davam etməsində maraqlıdır və baş verənlərə dərhal reaksiya verirlər”. Podolyak əlavə edib ki, ABŞ-ın anbarlarında çoxlu sayda raket və əks raket sistemləri mövcuddur: “Bunların istehsalı da davam edir. Bu da ABŞ-ın silah ehtiyatlarının tükənməsi ilə bağlı iddiaların doğru olmadığını göstərir. Onlar iştirak etdikləri hərbi kampaniyaları və istehsal imkanlarını nəzərə alaraq planlama aparırlar. ABŞ-ın planlaşdırma səviyyəsi yüksəkdir və hansı münaqişədə nə qədər raketdən istifadə etməyin mümkün olduğunu yaxşı bilirlər”. O, ABŞ-ın Ukraynaya yardımını davam etdirməsinin reputasiya baxımından da vacib olduğunu bildirib.

Ermənistan baş naziri Nikol Paşinyan ölkəyə yeni konstitusiya lazım olduğunu bir daha təkrarlayıb. Sozcu.az erməni mediasına istinadən xəbər verir ki, o, bu barədə Konstitusiyanın qəbul edilməsinin 30 illiyi münasibətilə keçirilən təntənəli tədbirdə bildirib. "Ermənistan xalq səsverməsi ilə təsdiqlənmiş yeni konstitusiyaya ehtiyac duyur. Xalqın doğma hesab edəcəyi konstitusiyaya ehtiyac var", - o bildirib. Onun sözlərinə görə, yeni konstitusiya ölkənin bu gün mövcud olduğu reallığı əks etdirən konkret məqsədə malik olmalıdır.

Mingəçevir şəhərində Kür çayında iki kater toqquşub. Sozcu.az "Report"a istinadən xəbər verir ki, hadisə nəticəsində azı beş nəfər müxtəlif dərəcəli xəsarətlər alıb. Yaralılar xəstəxanaya aparılıblar. pizza mizza Faktla bağlı araşdırma aparılır.

Vətən müharibəsi iştirakçısı Hüseynov Sübhan İlham oğlu vəfat edib.  "Unikal"ın əldə etdiyi məlumata görə, 1999-cu il təvəllüdlü ehtiyatda olan baş leytenant Ucar rayonunun Qazyan kəndindəndir.  Məlumata görə o, bir müddət öncə Ucar rayon Mərkəzi Xəstəxanasında qıl dönməsi səbəbi ilə əməliyyat olunub. S.Hüseynov burada narkozun təsirindən komaya düşüb. Daha sonra onu Bakıdakı özəl xəstəxanaların birinə çatdırıblar. Maliyyə çatışmazlığı səbəbindən Qobustan rayon Mərkəzi Xəstəxanasına yerləşdirilən baş leytenant komadan ayılmağı bacarsa da, bu gün dünyasını dəyişib.  Marqarita pizza O, doğulduğu Qazyan kəndində dəfn olunacaq. 

“Məktəbəqədər təhsil haqqında” Qanuna əsasən, məktəbəhazırlıq 5 yaşlı uşaqlar üçün zəruri hesab edilir. Bu baxımdan məktəbəhazırlıq təhsilinin məcburi olması hazırda müzakirə predmeti deyil. Sozcu.az xəbər verir ki, bu barədə Trend-in sorğusuna cavab olaraq Elm və Təhsil Nazirliyindən məlumat verilib. Bildirilib ki, hazırda məktəbəhazırlıq təhsilinin məcburi olması müzakirə predmeti olmadığı üçün bu barədə hər hansı dəyişiklik layihəsinin hazırlanmasına ehtiyac yaranmayıb. Qeyd edilib ki, “Ümumi təhsil haqqında” Qanuna əsasən, məktəbəhazırlıq ümumi təhsil pilləsinin ayrıca bir mərhələsidir. Müvafiq qanunun digər bəndinə əsasən, Azərbaycanda ümumi orta təhsil icbaridir.

Cari ilin ilk yarımilində orta ixtisas təhsili müəssisələrində idarəetmənin təkmilləşdirilməsi, aparılmış monitorinq və yoxlamaların nəticələri, həmçinin yaş həddinə çatma ilə əlaqədar bəzi rəhbər şəxslərlə əmək müqavilələrinə xitam verilib. Bu barədə Sozcu.az-a Elm və Ali Təhsil üzrə Dövlət Agentliyindən məlumat verilib. Bildirilib ki, qeyd olunan islahatların aparıldığı müəssisələr sırasında Gəncə Dövlət Universitetinin nəzdində Regional Kollec, Zaqatala Dövlət İdarəetmə və Texnologiya Kolleci, Masallı Dövlət Regional Kolleci, Bakı Dövlət Universitetinin nəzdində İqtisadiyyat və Humanitar Kollec, eləcə də UNEC nəzdində Sosial-İqtisadi Kollec yer alır. Hazırda adıçəkilən kolleclərin bir qismində yeni direktor təyinatları həyata keçirilib və bu proses mərhələli şəkildə davam etdirilir. Qeyd edək ki, Elm və Ali Təhsil üzrə Dövlət Agentliyinin tabeliyində ümumilikdə 38 orta ixtisas təhsili müəssisəsi fəaliyyət göstərir. Bu müəssisələrdə mütəmadi olaraq monitorinq və auditlər aparılır, nəticələr əsasında zəruri tədbirlər görülür.

09:43 Fövqəladə Hallar Nazirliyinin (FHN) "112" qaynar telefon xəttinə Kür çayının Sabirabad rayonu, Ulacalı kəndindən keçən hissəsində bir nəfərin batması barədə məlumat daxil olub. Sozcu.az xəbər verir ki, bu barədə FHN məlumat yayıb. Məlumatla əlaqədar nazirliyin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-xilasediciləri axtarışlara cəlb olunublar. *** Sabirabadda Kür çayında boğulan şəxsin meyiti tapılıb. Bildirilib ki, çayda çimərkən boğulan kənd sakini 2006-cı il təvəllüdlü Eldəniz Sabir oğlu Məmiyevin meyiti sudan çıxarılaraq aidiyyəti üzrə təhvil verilib. Faktla bağlı araşdırma aparılır.

HƏMAS-la atəşkəs danışıqları gələn həftə başlaya bilər. Sozcu.az xəbər verir ki, bunu ABŞ Prezidenti Donald Tramp deyib. Qeyd edək ki, HƏMAS daha əvvəl Qəzza sektoru ilə bağlı danışıqlara dərhal başlamağa hazır olduğunu açıqlayıb.