Xəbər lenti

b_800_600_0_00_images_xeber_sekilleri_11noyabr2017_azqaz.jpgHüquq müdafiəçisi Mirvari Qəhrəmanlının dedikləri öz əksini tapdı. Qaz itkisini ört-basdır etmək üçün abonentlərin sayğac göstəricilərində, dekabrın qaz sərfini yanvar ayınının əvvəllərində qeyd etməyə başladılar.

Bir nüsxəsi də Mediaxeberleri.az-ın elektron poçtuna daxil olan şikayət məktubunda, Ağstafa rayonu Qıraq Kəsəmən kənd sakini , abonent Ələddin Qarayev (Abonentin kodu - 296104200003270) bildirib ki, bu gün (05.01.2018-ci il) bizə yekun borc ilə bağlı bildiriş verilib. Mənim sayğacımda 31.12.2017ci ilə olan 4661 göstəricini bu gün 5.01.2018ci il tarixdə sayğacın göstəricisini müəyyən edən aparatı proqramlaşdıraraq 30.12.2017 köhnə tarixi yazıb 4744 kub israf kimi bildirişdə təqdim ediblər. 83kub qaz sərfiyyatımı 10 qəpiklə ödəyəcəyim halda bu maxinasiyada 20 qəpiklə ödətmək istəyirlər. Bu haqda rəsmi şikayət məktubu ünvanlamışam Azəriqaza.

Xahiş edirəm mənim 83kub qaz sərfiyyatımı 10 qəpiklə ödəməyimi təmin edəsiniz.

Xatırladaq ki, bir neçə gün əvvəl hüquq müdafiəçisi Mirvari Qəhrəmanlı 2018-ci ilin başlamasına baxmayaraq, qaz sayğaclarının hələ də sıfırlanmadığını iddia etmişdi.

O bildirirdi ki, Qaz idarələrində olan itkilər, bu itkilərə görə vəzifəli şəxslərin vəzifədən getmə (cəzalanma) ehitimalı yüksək olduğundan, onlar da qaz itkisini ört-basdır etmək üçün abonentlərin sayğac göstəricilərində dekabrın qaz sərfini yanvar ayınının əvvəllərində qeyd etməyi planlaşdırıblar.

M.Qəhrəmanlı fakt olaraq ailə üzvünün üzləşdiyii halı da qeyd edib. Bildirib ki, qızı smartkarta 10 manat yükləyib, amma sayğaca 10 deyil, 5 manat yüklənib: "Halbuki, yanvarın 1-dən etibarən limit ləğv olunmalı idi. "Azəriqaz”ın rəhbəri Əkbər Hacıyev, bu gün qızım smartkarta 10 manat pul vurub. Ancaq sayğac 5 manat yüklədi. Niyə oğurluq? Pulu həftə sonunadək qaytarmasan, səni məhkəməyə verəcəm. Hanı sənin sıfırlanman?”.

Maraqlı məqamlardan biri də bu idi ki, hüquq müdafiəçisinin qaldırdığı faktlara "Azəriqaz” İstehsalat Birliyinin ( İB) İctimaiyyətlə əlaqələr şöbəsinin rəhbəri İbrahim Kərbalayevözünəməxsus formada cavab vermişdi. O, qeyd edib ki, 2018-ci il yanvarın 1-dən etibarən bütün sayğaclar sıfırlanıb:

"Tarif (qiymət) Şurasının 2016-cı il 22 dekabr tarixli, 19 nömrəli qərarına uyğun olaraq 2017-ci ilin yanvar ayının 1-dən etibarən əhali qrupu üzrə istehlak olunan təbii qazın illik həcminin 1700 kubmetr olan hissəsinin dəyəri 10 qəpiklə, 1700 kubmetrdən artıq istifadə olunan hər kubmetr qazın dəyəri isə 20 qəpiklə hesablanıb. 2017-ci il üçün təyin olunmuş limit dekabr ayının sonunda sıfırlanıb. Mirvari Qəhrəmanlı yeganə abonentdir ki, bu barədə şikayət edir. Ünvanı, sağyacın kodunu qeyd etsin. Biz bazada baxaq. Əminliklə bildirirəm ki, elə bir problem yoxdur. Və yeganə insandır ki, belə bir müraciət ünvanlayıb ki, guya 10 manat yükləsə də, 5 manat yüklənib”.

İ.Kərbalayev sözlərinə belə davam edib:

"Birincisi, sayğacın göstəricisi manatla deyil, kubla göstərilir. İkincisi, onun məsələsilə bağlı müraciət ünvanlamışıq ki, abonent kodunu bizə bildirsin. Yalnız o halda araşdırma aparıb açıqlama verə bilərik”.

"Azəriqaz” rəsmisi qeyd edib ki, 2017-ci ildə təbii qazın monitorinqi zamanı mexaniki sayğacla təmin olunan abonentlərin 25 faizi illik limiti keçib: "Smart tipli sayğaclarda, həmçinin, "Smart ITRON” məişət qaz sayğaclarından istifadə edən əhali istehlakçıları üzrə 1700 kubmetr limit 2018-ci il yanvarın 1-i tarixindən başlayaraq smart karta aparılan ilk ödəniş əməliyyatından etibarən hesablanacaq. Yəni, əgər abonentin sayğacında ötən ildən məbləğ qalıbsa, 2018-ci ildə hansı aydan ödəniş edəcəksə, o vaxtdan yeni 1700 kubmetr qaz limiti hesablanacaq”.

Göründüyü kimi, Kərbalayevin sözlərindən fərqli olaraq, Ağsatafa sakini sayğac kodunu da qeyd etməklə, hələ bu gün sayğac göstəricisinin sıfırlandığını şikayətində yazıb. Üstəlik, saxtalaşdırılmaqla...

Qeyd edilənlərlə bağlı "Azəriqaz"ın doğru-dürüst açıqlama verəcəyinə ümid edirik.

Bölmənin digər xəbərləri

21 Yanvar 2018 Kəlbəcər şəhidlərinin xatirəsi əbədiləşdirilib - FOTOLAR
19 Yanvar 2018 Qaçırılan müəlliməyə Komitə sədri iş verdi
17 Yanvar 2018 Kolleclərdə tədris kredit sistemi təşkil olunacaq- Bu ildən
16 Yanvar 2018 Köçkünlər Bakıda yolu kəsdi
16 Yanvar 2018 Orfoqrafiya Komissiyası:“Əsgər” sözünün “əskər”, “alqı-satqı” sözünün “alğı-satqı” yazılması təklifi məqbul sayılıb
15 Yanvar 2018 Vəkillər Kollegiyası iclas keçirdi - YENİ QƏRARLAR
14 Yanvar 2018 İctimai nəqliyyat sərnişinləri üçün yeni onlayn xidmət
14 Yanvar 2018 "Azərişıq" Qazaxda saxta cərimələr yazır -ŞİKAYƏT
12 Yanvar 2018 “Facebook”dan yenilik-Xəbər lentində kimlərin paylaşımı görünəcək?
12 Yanvar 2018 Bu şəxslərin maaşı artırıldı
11 Yanvar 2018 Orfoqrafiya lüğətində qüsurlar aşkarlandı – Siyahı
11 Yanvar 2018 Ziya Məmmədovun bacısına yeni vəzifə verildi
11 Yanvar 2018 İlham Əliyev:"Bu il ən azı 20 min məcburi köçkün yeni evlərə köçürülməlidir” - YENİLƏNİB
10 Yanvar 2018 Magistral yollara radar və kameralar yerləşdirilir - Video
10 Yanvar 2018 Göyçayda FHN-nin əməkdaşı iş adamının pulunu vermir- NAZİRƏ ŞİKAYƏT
09 Yanvar 2018 Təhsil Nazirliyində yeni rəhbər seçildi
07 Yanvar 2018 "Gündəm Xəbər"in çapına da “əl qoydular”
07 Yanvar 2018 Obyektlərdə siqaret çəkilməməsinə hansı qurum nəzarət etməlidir? –Vəkil
07 Yanvar 2018 Azərbaycan dili dünyanın ən çətin dillərindən biri seçildi –SİYAHI
05 Yanvar 2018 "Gündəm Xəbər" oxucularının nəzərinə!
© 2016 www.sozcu.az - Bütün hüquqlar qorunur.

Ünvan: Ağsu şəh., Melaratorlar qəs., ev 7. m.6
Direktor Anar Rəsulov
Redaktor Elşən Məmmədov - 055 972 53 53
Mob: 055 637 07 69
Tel: 020 226 42 28
email: sozcu.az@gmail.com

Saytda yerləşdirilmiş hər bir materiala olan hüquqlar Azərbaycan Respublikasının qanunvericiliyinə, həmçinin müəlliflik hüququ qanunlarına əsasən qorunur.
Müəlliflərin mövqeyi redaksiyanın mövqeyi ilə uyğun gəlməyə bilər. Saytdakı materiallardan istifadə zamanı istinad zəruridir.