Xəbər lenti

nesimipasayev.jpg
"Azadlıq" metrostansiyasının üzərində tikilməkdə olan çoxmərtəbəli yaşayış binası metrostansiya üçün təhlükə yaradır.

Bəzi sosial şəbəkə istifadəçiləri sözügedən stansiyanın demək olar ki, üzərində tikilmiş Abşeron Kristal MMC-yə məxsus yeni yaşayış kompleksinin metronun çökməsinə səbəb olacağını bildirib. Sosial şəbəkə istifadəçiləri iddia edir ki, bu stansiyanın platformasının sütunsuz olması vəziyyəti daha da təhlükəli edir.

Sozcu.az xəbər verir ki, məsələ ilə bağlı Axar.az-a açıqlama verən Bakı Metropoliten QSC-nin mətbuat katibi Nəsimi Paşayev bildirib ki, paytaxtda fəaliyyət göstərən bütün stansiyaların üzərində yaşayış binaları yerləşir:

“Bakıda fəaliyyət göstərən metrolar hamısı yeraltından keçir. Bütün stansiyaların üzərində də tikililər var. Həmçinin də “Azadlıq” stansiyasının. İndiyə qədər bu stansiyanın ətrafında bir çox şirkətlər tikinti aparıb, həmçinin uzun illərdir yaşayış binaları da var.

Bakı Metropoliteni QSC heç vaxt sərnişinlərin hərəkətinə mane törədə biləcək və ya sərnişinlərin həyatına təhlükə yarada biləcək bir işin aparılmasına icazə verməz. Metronun üstündə tikililərin olması normaldır. Bakı metrosunun 25 stansiyası və 3 xətti var. Onların hər birinin üstündə də tikililər mövcuddur”.

© 2016 www.sozcu.az - Bütün hüquqlar qorunur.

Ünvan: Ağsu şəh., Melaratorlar qəs., ev 7. m.6
Direktor Anar Rəsulov
Redaktor Elşən Məmmədov - 055 972 53 53
Mob: 055 637 07 69
Tel: 020 226 42 28
email: sozcu.az@gmail.com

Saytda yerləşdirilmiş hər bir materiala olan hüquqlar Azərbaycan Respublikasının qanunvericiliyinə, həmçinin müəlliflik hüququ qanunlarına əsasən qorunur.
Müəlliflərin mövqeyi redaksiyanın mövqeyi ilə uyğun gəlməyə bilər. Saytdakı materiallardan istifadə zamanı istinad zəruridir.