Xəbər lenti

saatlirrraa.jpg
İki ilə yaxındır qohumum məndən xahiş edib ki,ona kömək edim evimə elektrik və qaz sayğacıları quraşdırılsın.Mən onunla birlikdə əvvəlcə Saatlı rayon elektrik şəbəkəsinə gedib işçilərdən yeni tikilmiş evə elektrik sayğacı quraşdırılmasını xahiş etdim.İşçilər mənə bildirdilər ki,ərizə yaz,yaşayış yerindən arayış al və şəxssiyət vəsiqəsinin sürətini gətir.Mən deyilən sənədləri yığıb apardım rayon elektrik şəbəkəsinə.Sənədləri təqdim edəndən sonra mənə bildirdilər ki,240 manat ödə sənə texniki şərt gətirək.Texniki şərtin nəyə lazım olduğunu soruşdum.Bildirdilər ki,istifadə edəcəyin elektrik enerjisini gücünə uyğun olaraq sayğac almaq üçün.

Ardını oxu...

ercivans.jpg

Bu bildirişlərdən sonra Ərçivanda yüz hektarlarla əkilməyən sahə əkinə hazır vəziyyətə gətirilib, çox hissəsində əkin işlərinə başlanılıb

"Kənddə elə ailələr var ki, indiyədək pay torpağının harada yerləşməsindən, ailədə adambaşına nə qədər torpaq payı ayrılmasından xəbərsizdir. Çünki illərdir ki, belə ailələr aidiyyəti qurumların qapısında qalsalar da, onlara pay torpaqlarının yerləşdiyi ərazini göstərmirlər. Hətta belə ailələrə də bildiriş gəlib ki, həmin torpaqlara görə vergi ödəməlidilər".

Astaranın Ərçivan kəndində əkilməyən torpaqlara görə kəndlilərdən vergi tutulması ilə bağlı edilən xəbərdarlıq, göndərilən bildirişlər narazılığa səbəb olub. Bunu "Qaynar xətt"ə kənd sakinləri deyir.


Nahidə Abbasovanın sözlərinə görə, bir neçə ay əvvəl onun həyat yoldaşının da adına bildiriş gəlib. Halbuki, ailə indiyədək pay torpağının harada yerləşdiyini dəqiqləşdirə bilməyib.


“BU TORPAQ ÜÇÜN NİYƏ VERGİ ÖDƏYƏK Kİ?”

Kənd sakini Azər Mehdiyev deyir, kəndlilərin pay torpaqlarından istifadə edə bilməmələrinin başqa səbəbi də əkin, biçin prosesləri zamanı yaranan əngəllər, pulsuzluq, məhsulu bazara çıxara bilməməkləridir:

"Torpaq islahatlarından 20 ildən çox vaxt keçib. Ancaq kəndlilərin çoxu pay torpaqlarından hələ də lazımınca istifadə edə bilmir. Səbəb də odur ki, subsidiyalar, kreditlər konkret şəxslərə ayrılır, sadə kəndli bunlardan məhrumdur. Bu şeylərə baş qoşanda isə borcu-xərci ödəyə bilməyib girov qoyduğu mal-qarasını, daşınmaz əmlakını itirir. Torpağı təmizləmək, əkin halına gətirmək, əkmək, yetişdirmək, məhsulu toplamaq, daxili və xarici bazarlarına çıxarmaq... Bunları etməyə çox vəsait tələb olunur. Əkirsən, suvarmağa su üçün məmurlarla döyüşməlisən, məhsulu toplamaq vaxtı yetişəndə aqrotexnikaya görə yenə məmurlarla vuruşmalısan. Əgər hökumət nümayəndələri kəndliyə bütün bunlara görə süni əngəllər yaratmasa, əkərik, məhsulumuzu bazara çıxarıb satarıq, vergimizi də ödəyərik. Xeyir götürmədiyimiz torpaq üçün niyə vergi ödəyək ki?..."

Kəndlilər deyir, pay torpaqları veriləndən bu günədək bu torpaqlarda itirdikləri qazandıqlarından çox olub.

Kənddə əhali dolanışığı, əsasən, kənd təsərrüfatından əldə edir. Bu kənddə əkin əkmək, heyvan çoxaltmaq hər bir ailənin arzusudur. Ancaq kəndlilər bu arzularını yerinə yetirməyə qalxanda bu işdən yalnız böyük vəsait itkiləri ilə çıxırlar. Güzəştli gübrə, su, aqrotexnika yalnız varlıların sahələrinə verilir. Hər halda, kənd sakinləri belə iddia edir.

Kəndlilərdən pay torpağının əkilməyən hər sotuna görə 2 manat vergi tələb olunur. Kəndlilər aylardır ki, bu məsələni çözməyə çalışırlar.

Astaranın icra hakimiyyətindən "Qaynar xətt"ə bildirilib ki, bu məsələ bələdiyyələrə aiddir. Bir neçə ay əvvəl kənd və qəsəbə bələdiyyələri ailələrə əkilməyən pay torpaqlarına görə belə bir məzmunda bildiriş göndərib: "Bu işlə bələdiyyələr məşğul olur. Əslində, burda məqsəd torpaqdan uzaq düşən kəndlini torpağa yaxınlaşdırmaqdır. Əlində bu boyda torpaq sahəsi olan kəndli paytaxta can atır ki, gedib orda fəhlə işi görüb, kirayə ev tutub şəhərli olsun. Halbuki, kəndində qalıb, torpağını əkib, heyvanını çoxaldıb dolanışığını təmin etsə, ona daha sərfəlidir. Bunun üçün kəndlərdə hər cür imkan var. O ki qaldı, "su yoxdur, texnika yoxdur", bunlar hamısı bəhanədir".


Qurumdan bildirilib ki, Ərçivanda iki dəfə torpaq islahatları keçirilib. Paysız qalan 180 nəfər ikinci islahat zamanı torpaqla təmin olunub: "Torpağın yerini müəyyən etməyə nə var ki... Lənkəranda Yer Quruluşu İdarəsinə müraciət etsinlər, oradan qısa zamanda dəqiqləşdirsinlər. Sonra da Dövlət Əmlak Komitəsinin Lənkərandakı şöbəsinə rusum ödəyib torpaqlarına sahiblənsinlər".

Ərçivan bələdiyyəsindənsə bildirilib ki, paylanan bildirişlər müsbət nəticə verib. Bildirişlərin paylanmasından sonra yüzlərlə hektar torpaq sahəsi şümlanaraq əkinə hazır vəziyyətə gətirilib və çox hissəsində artıq əkin işləri aparılıb.

yasmeclisi.jpg
Əhməd Qəşəmoğlu: “Mərasim zallarının “arxasında” dayananlar çox səlahiyyətli şəxslərdir

Ardını oxu...

tehsill.jpeg
Balakən rayon Təhsil Şöbəsi rayonda çalışan müəllimlərə vahid geyim forması tələbi qoyulması ilə bağlı yayılan xəbərlərə münasibət bildirib.

Ardını oxu...

teleuu3.jpg
Ucar rayonu Alpı kənd sakini Nəbiyeva Sevil Məhəmmədəli qızı tərəfindən Sozcu.az-ın redaksiyasına şikayət məktubu daxil olub. Müəllif yazır ki, onlara qarşı edilən cinayət faktının üstü qəsdən ört-basdır edilir:

Ardını oxu...

ilhamelu.jpg
Azərbaycan Prezidenti İlham Əliyev sentyabrın 7-də paytaxtın Nərimanov rayonunda əsaslı təmir edilən 212 saylı tam orta məktəbdə yaradılan şəraitlə tanış olub.

Ardını oxu...

mehkeme.jpeg
Nizami Qocayevin əlil uşağln alimentini və müalicə xərclərinə görə qətnamələrini 13 ildir  icra etmədiyi , alimenti alıb ödətdirmədiyi uşağın atasının mal-varlığını Yasamal rayon məhkəməsi 2017-ci il tarixdə Maliyyə Bazarına Nəzarət Palatasının  xətti ilə araşdırmış, nəticədə məlum olmuşdur ki, 13 ildir alimenti ödəməyən ata 2012-ci ildə 21.300  AZN bankdan pul götürmüş, bir il ərzində heç bir geçikdirmə halı olmadan 36.400 AZN  məbləğdə  pulu  banka geri ödəmişdir. Yasamal məhkəməsi 13 ildir əlil uşağın aliment ödəməyən borclunun adına saysız hesabsız avtomobillər də, torpaq sahəsi, daşınmaz əmlaklar da aşkar etmişdir.

Ardını oxu...

telebeqebllly.jpeg
Ümumi (9 illik) orta təhsil bazasında orta ixtisas təhsili müəssisələrinin boş qalan plan yerlərinə qəbul olunan abituriyentlərin qeydiyyatı başlanır.

Ardını oxu...

dsmf.jpg
«Deyirlər, büdcədə pul yoxdur, sən də sosial yardım davası aparırsan»

Ardını oxu...

lerikrar.jpg
Şivlə və Biləvər sakinləri prezidentə müraciət ünvanladı.

Ardını oxu...

© 2016 www.sozcu.az - Bütün hüquqlar qorunur.

Ünvan: Ağsu şəh., Melaratorlar qəs., ev 7. m.6
Direktor Anar Rəsulov
Redaktor Elşən Məmmədov - 055 972 53 53
Mob: 055 637 07 69
Tel: 020 226 42 28
email: sozcu.az@gmail.com

Saytda yerləşdirilmiş hər bir materiala olan hüquqlar Azərbaycan Respublikasının qanunvericiliyinə, həmçinin müəlliflik hüququ qanunlarına əsasən qorunur.
Müəlliflərin mövqeyi redaksiyanın mövqeyi ilə uyğun gəlməyə bilər. Saytdakı materiallardan istifadə zamanı istinad zəruridir.