Xəbər lenti

bakiicraha.jpg
Qanunvericiliyə dəyişikliklərə etiraz olaraq Bakıda mitinq keçirəcəklərini deyən hüquqşünaslar bu addımı atmaqda israrlıdır. Bu haqda AzadlıqRadiosuna mitinq keçirmək istəyən Praktik Hüquqşünaslar Qrupunun (PHQ) üzvlərindən Samirə Ağayeva bildirib.

PHN-nin İşçi Qrupu noyabrın 18-də paytaxtın Yasamal rayonundakı «Məhsul» stadionunda mitinq keçirmək üçün Bakı Şəhər İcra Hakimiyyətinə müraciət edib. S.Ağayeva deyir ki, hələ də məktublarına cavab gəlməyib.

«Cavab üçün dəfələrlə zəng eləsək də, nəticə yoxdur. Amma biz hüquqşünaslar olaraq, 18 noyabrda mitinq keçirməkdə israrlıyıq. Bu, təkcə bizim problemimiz deyil, daha çox vətəndaşların problemidir. Çünki bizi fəaliyyətdən kənar qoymaqla, onları da müdafiəsiz qoydular», – S.Ağayeva belə deyir.

TÖVSİYƏ

PHQ-nin başqa bir üzvü Xalid Bağırov da mitinq keçirməkdə israrlı olduqlarını söyləyir:

«Bu məsələ hər bir vətəndaşın problemidir».

PHB ilə yanaşı, fərdi şəkildə bir neçə hüquqşünas da nümayəndəlik institutunun fəaliyyətinin məhdudlaşdırılmasına etiraz olaraq, piket keçirmək üçün Bakı Şəhər İcra Hakimiyyətinə müraciət etmişdilər. Həmin hüquqşünaslara Bakı Şəhər İcra Hakimiyyəti Başçısı Aparatının İctimai-siyasi və humanitar məsələlər şöbəsinin müdiri Zaur Ramazanovdan cavab məktubu gəlib. Ramazanov yazır ki, piketin keçirilməsi məqsədəuyğun hesab edilmir.

«Müraciətdə qaldırdığınız məsələ ilə bağlı piket keçirmək deyil, aidiyyəti orqanlara müraciət etməyiniz, həmin məsələyə sivil qaydada baxılması daha faydalı olardı», – Ramazanov piket üçün müraciət edən hüquqşünaslara tövsiyə verib.

Piket keçirmək istəyən hüquqşünaslardan Camal Bağırzadə Bakı Şəhər İcra Hakimiyyətinin bu cavabını absurd sayır. Bildirir ki, piketə icazə verilməməsinə görə məhkəməyə müraciət olunacaq:

«Guya ağıl öyrədirlər ki, piket keçirmək əvəzinə məsələni sivil yolla həll edək».

XATIRLATMA

PHQ bu ilin oktyabrında yaradılıb.

Parlament oktyabrın 31-də «Vəkillər və vəkillik fəaliyyəti haqqında» Qanuna, Mülki və İnzibati Prosessual məcəllələrə dəyişikliklər edib, Prezident də bunu təsdiqləyib.

Bu dəyişikliklərdən sonra nümayəndəlik institutunun fəaliyyəti məhdudlaşdırılıb. Vəkillər Kollegiyasının üzvü olmayanlar məhkəmələrdə vətəndaşların hüquqlarını müdafiə edə bilməzlər.

Nümayəndəlik institutunun fəaliyyəti ilə bağlı dəyişiklik təşəbbüsü parlamentə Ali Məhkəmənin rəhbərliyindən gəlib. Məqsədlərinin isə vətəndaşlara göstərilən hüquqi xidmətin keyfiyyətini yaxşılaşdırmaq olduğunu deyirlər. Arqument kimi, bir sıra hallarda hüquqşünas olmayan şəxslərin nümayəndə qismində iştirak edib, keyfiyyətli müdafiə həyata keçirə bilməməsi və vətəndaşların aldadılması hallarını göstərirlər. Bununla belə, yeni qanunda da istisna kimi istənilən peşə sahibinə yaxın qohumunun hüquqi nümayəndəsi olmaq səlahiyyəti verilib.

Parlament bir dəfə layihəni geri qaytarsa da, sonradan bəzi düzəlişlərlə qəbul edib.

Parlamentdə dəyişiklik layihəsinin qəbulundan öncə PHQ hökumətə bir sıra təkliflər təqdim etmişdi. Əsas təklif bu idi ki, mülki işlər və inzibati mübahisələr üzrə nümayəndəliyi həyata keçirmək səlahiyyəti alitəhsilli hüquqşünaslara aid olmalıdır. Vəkillər Kollegiyasının üzvü olmayan hüquqşünaslar bu səlahiyyəti ali təhsil diplomu və bunun əsasında alınan etibarnamə ilə icra etməlidir. Buna uyğun olaraq, Mülki Prosessual Məcəlləyə və «Vəkillər və vəkillik fəaliyyəti haqqında» Qanuna müvafiq dəyişikliklər edilməlidir.

Təklif olunurdu ki, notariuslar məhkəmə işləri üzrə etibarnamə verərkən, nümayəndənin şəxsiyyət vəsiqəsi ilə yanaşı, diplomunun surətini də tələb etsin.

Azərbaycanda Vəkillər Kollegiyasının 936 üzvü var. Bəzi ekspertlərin fikrincə, bu dəyişikliklər ölkədə vəkil qıtlığı yarada bilər.

Bölmənin digər xəbərləri

19 Fevral 2018 "Hakimiyyətin namizədi İlham Əliyev, müxalifətin əsas namizədi özüməm" - Hafiz Hacıyev
19 Fevral 2018 İlham Əliyev Abbas Ələsgərovun vəfatı ilə əlaqədar başsağlığı verib
19 Fevral 2018 ATƏT seçkiqabağı vəziyyəti öyrənmək üçün Bakıya missiya göndərir
19 Fevral 2018 Türkiyədən ərəb liderə sərt reaksiya: Sizin sisteminiz budur
15 Fevral 2018 "Burda Rusiyanın da böyük günahı var..." - Şərh
15 Fevral 2018 Sərkisyanın son cəhdləri – Terrorçulara məktub
15 Fevral 2018 İlham Əliyev Avropa Komissiyasının vitse-prezidenti ilə görüşüb
14 Fevral 2018 İlham Əliyev ABŞ nümayəndə heyətini qəbul etdi
13 Fevral 2018 KXCP-nin Ali Məclisi prezident seçkiləri ilə bağlı toplanır
11 Fevral 2018 Saakaşvili Polşaya deportasiya edilir
10 Fevral 2018 "Xalqın İlham Əliyevə səs verəcəyinə inanırıq" - ƏLİ ƏHMƏDOV
10 Fevral 2018 Ümid Partiyası da prezident seçkilərini baykot etdi
10 Fevral 2018 Əli Əliyev İrana səfərə gedib
09 Fevral 2018 Ərdoğan: Bu, isinmə hərəkətidir, əsl hücumu görəcəksiniz
05 Fevral 2018 Hollandiyadan əcaib qərar –Türkiyədəki səfirliyini ləğv etdi
05 Fevral 2018 Türkiyə Suriyadan çıxmalıdır - İran
01 Fevral 2018 Borçalı Cəmiyyəti unikal anım mərasimi keçirdi FOTOLAR
01 Fevral 2018 Parlamentin yaz sessiyasının ilk iclası başladı
31 Yanvar 2018 Bayram Səfərov prezidentin müşavirəsində YATDI – Foto
31 Yanvar 2018 Məmmədyarov Türkmənistana getdi
© 2016 www.sozcu.az - Bütün hüquqlar qorunur.

Ünvan: Ağsu şəh., Melaratorlar qəs., ev 7. m.6
Direktor Anar Rəsulov
Redaktor Elşən Məmmədov - 055 972 53 53
Mob: 055 637 07 69
Tel: 020 226 42 28
email: sozcu.az@gmail.com

Saytda yerləşdirilmiş hər bir materiala olan hüquqlar Azərbaycan Respublikasının qanunvericiliyinə, həmçinin müəlliflik hüququ qanunlarına əsasən qorunur.
Müəlliflərin mövqeyi redaksiyanın mövqeyi ilə uyğun gəlməyə bilər. Saytdakı materiallardan istifadə zamanı istinad zəruridir.