Xəbər lenti

mehmann.jpg
Bu günlərdə Azərbaycanın istedadlı gənci Mehman Tağıyev “O səs Türkiyə” yarışmasındakı ifası ilə bir gecədə məşhurluq qazandı. Onun ifa etdiyi “Sarı gəlin” mahnısı bütün Türkiyəni heyran qoydu.

Qeyd edək ki, Mehman Tağıyev 2015-ci ildə “Azərbaycanın səsi 2" yarışmasının qalibi, ”Türkvizion" yarışmasında isə 7-ci olub. Lakin ona daha çox populyarlıq gətirən “O səs Türkiyə”dəki ifası oldu. İfaçı həmin yarışma ilə bağlı uğuru və digər məsələlər ilə bağlı “Yeni Müsavat”a danışdıb. “Qafqazinfo” həmin müsahibəni təqdim edir:

- Mehman bəy, yarışmada bu cür uğur qazanacağınızı gözləyirdizmi?

- Gözləyirdim. Amma bu qədər də yox. Bu daha gözlənilməz oldu mənim üçün.

- “Sarı gəlin” mahnısını kim sizə tövsiyə etmişdi?

- Onların özləri tövsiyə etmişdi. Biz 6 mahnı seçirik. Onlar da həmin mahnıların arasında bizə uyğun olan ən yaxşısını seçib verirlər. “Sarı gəlin” mahnısını seçəndə orada muğamla bağlı bir qədər problemlər oldu. Çünki türklərin özlərinin uzun havaları və bizim muğamları oxumaq üçün dəqiqə etibarı ilə imkan yox idi. Mənə “Sarı gəlini”i verəndə onu “Safura” variantında, yəni caz-pop üslubunda oxumağımı istədilər. Amma mən razı olmadım. Sırf Azərbaycan üslubunda, “Sarı gəlin”in bünövrəsi necə olubsa o cür oxumaq istədim və başladım muğamdan parça oxumağa, onlara da göstərdim ki, tələb olunan dəqiqəni keçməyəcəm.

- Elza xanım açıqlamasında bildirdi ki, vaxtilə sizin “Türkvizion” yarışmasında 7-ci yerə çıxmağınıza ağız büzənlər olub. Samir Cəfərov isə barənizdə deyib ki, orda səs deyil, SMS-lər qalib gəlib.

- Elza xanımın dediyi sözlər axırıncı “Azərbaycanın səsi” yarışmasında olub. “SMS qalib gəlib” deyib... Bu barədə bir şey deyə bilmərəm.

- Dediniz ki, “O səs Türkiyə” yarışmasında mahnını özləri seçir. Bəs daha hansı şərtləri var? Bəzi həmyerlilərimiz bildirirlər ki, iştirakçılara şərt qoyulur ki, yarışma bitməyənə qədər müsahibə verilməsin. Belə bir şərtlə qarşılaşmısızmı?

- Xeyr, belə bir şey yoxdur. Çünki hər şey göz qabağındadır və göründüyü kimi danışırıq.

- Elza xanım əməkdaşımıza açıqlamasında bildirdi ki, “Mənə deməyib, yoxsa məsləhət edərdim ki, özü ilə kamança ifaçısı da götürərdi”. Söhbət “Sarı gəlin” mahnısından gedir.

- Onu etmək olmaz. Orada yarışmanın öz qanunları var. Əgər başqa bir dövlətdə çıxışın olursa, bu yarışmadırsa, fərqi yoxdur hansı alət olur olsun, əsas odur ki, yaxşı oxunsun.

- Seçiminiz niyə məhz Sibel Canın komandası oldu?

- Onunla yaxşı bir şeylər edəcəyimə inandım və inancım doğru çıxdı, şükürlər olsun Allahıma.

- Ümumiyyətlə, musiqi təhsiliniz varmı?

- Musiqi təhsilimi Naxçıvanda almışam və mənim bünövrəmi qoyan müəllimim Naxçıvanın əməkdar artisti Qurban Qasımovdur.

- Yarışmadan sonra Türkiyə mətbuatından sizinlə ilgilənən oldumu?

- Bəli, bunu özünüz də görə bilərsiniz ki, Türkiyə mediası mənimlə bağlı çox böyük bir yer ayırıb və çox bəyəniblər. Burda verilməyən dəyəri orda gördüm, hamı gördü...

- Maraqlıdır ki, çox istedadlı gənclərimiz olduğunu məhz həmin yarışmadan görə bilirik. Sizcə, səbəb nədir, ölkədə istedadlılar kifayət qədər dəyərləndirilmir, yoxsa buna imkan, şərait yoxdur? Bəlkə, istedadlılar daha çoxdur deyə seçilmək imkanı azdır?

- Dəyər verilmir. Mənim kimi gənc müğənnilərimiz çoxdur, özünüz bilirsiniz. Hər şey maddiyyat tələb edir.

- Bəs maddi gəliriniz hardan gəlir? Ailəniz köməklik edir, toylara gedirsiz, ya necə?

- Toylara çox az gedirəm. Əsas ailəm kömək edir, çünki “Azərbaycanın səsi” mənə o qədər də kömək etmədi.

- Toylara niyə az gedirsiz, dəvət azdır, yoxsa?

- Toylara getmək üçün efir lazım idi. Çıxdım efirə, 1-ci oldum, amma yaxşı “raskrutka” eləmədilər.

- Uğurlu çıxışınızdan sonra Türkiyədə sizə iş təklifləri gəldimi? Ümumiyyətlə, təklif olsa, orda qalmağı düşünürsüz?

- İnşallah. Bu yarışmaya çıxmamışdan əvvəl də təhsilimi Türkiyədə davam etdirmək fikrindəydim.

- Daha çox hansı üslubda oxumağı sevirsiz və sizə rahatdır?

- Klassik, sakit mahnılar, bu cür janrlar.

- Anonslarda demişdiz ki, çox haqsızlıqlarla qarşılaşmısız. O haqsızlıqlar nədən ibarət idi? Kimlər sizin qarşınıza keçməyə çalışırdı?

- Bu, “Azərbaycanın səsi” ilə əlaqədardır.

- 2016-cı ili geridə qoyuruq artıq. Bu il sizə uğur gətirdi deyə bilərik. Bəs gələn ildən gözləntiləriniz nədir?

- 2017-ci ildə inanıram ki, çox gözəl işlərim olacaq. Çünki buna var gücümlə hazırlaşıram.

Bölmənin digər xəbərləri

17 Aprel 2017 Balaban ifaçısı Elxan Məmmədov vəfat edib
12 Aprel 2017 Sərxan Carçının aparıcılıq etdiyi "Abildərəmiz" adlı verliş efirə getdi -VİDEO
07 Aprel 2017 Rasim Balayev baş rolda oynadığı filmin təqdimatına getmədi
05 Aprel 2017 "Burda daş atmağa şeytanmı azdı" - Mətləb Məmmədoğlunun şerləri
26 Mart 2017 "Hansısa bir zirvəni fəth etmək kimi bir istəyim yoxdur"
18 Mart 2017 "Sənin o gözlərin..." - Elşən İsmayılın yeni şeri
10 Mart 2017 Müşfiqin Dilbərinin imzası ilə kitab tapıldı
05 Mart 2017 Xınalıq muzeyinə “xına çəkilməsinə” ehtiyac var
04 Mart 2017 Qabriel Markesin həyatından bəhs edən serial çəkilib
01 Mart 2017 "Qəssab xalxalında toğlu kimiyik" - Yaralı Bəxtiyarın şerləri
01 Mart 2017 "SÖYLƏ, ŞAMAN..." - Elşən İsmayılın şeri
01 Mart 2017 Cənnətə birinci şəhid girəcək - Şerlər
01 Mart 2017 Kəmalə “Vicdan haqqı”ndan getdi
18 Fevral 2017 “Susadım, hay qanı içmək istirəm...” - Gənc yazardan yeni şer
30 Yanvar 2017 ULU ÖNDƏR, RƏSULZADƏ!
18 Yanvar 2017 “Recep İvedik 5” filmindən Azərbaycanı təhqir edən səhnə çıxarıldı – video
17 Yanvar 2017 “Sənətkarlarımızın əksəriyyəti simasız və qorxaqdır” - Tahir İmanov
16 Yanvar 2017 Erməni KVN-çilərin təxribatı baş tutmadı
13 Yanvar 2017 Opera və Balet Teatrında 15 nəfər işdən çıxıb
09 Yanvar 2017 Nazirlikdən Rusiya kanalındakı erməni iddialarına – CAVAB
© 2016 www.sozcu.az - Bütün hüquqlar qorunur.

Ünvan: Ağsu şəh., Melaratorlar qəs., ev 7. m.6
Tel: 0202264228
Təsisçi Elşən Əlisoy - Mob: 055 972 53 53
email:Sozcu.az@gmail.com

Saytda yerləşdirilmiş hər bir materiala olan hüquqlar Azərbaycan Respublikasının qanunvericiliyinə, həmçinin müəlliflik hüququ qanunlarına əsasən qorunur.
Müəlliflərin mövqeyi redaksiyanın mövqeyi ilə uyğun gəlməyə bilər. Saytdakı materiallardan istifadə zamanı istinad zəruridir.