Xəbər lenti

b_800_600_0_00_images_xeber_sekilleri_11noyabr2017_putinmusahibe.jpg
Rusiya prezidenti Vladimir Putinin Moskvada keçirilən illik mətbuat konfransı başa çatıb.

Mətbuat konfransı 3 saat 40 dəqiqə çəkib. Bu müddətdə Rusiya prezidenti 65 suala cavab verib.

Bu da o deməkdir ki, Putin 2008-ci ildəki rekordunu yeniləyə bilməyib. Həmin il Rusiya lideri 4 saat 40 dəqiqə davam edən tədbirdə 100-dən artıq sualı cavablandırmışdı.

Ötənilki mətbuat konfransı isə 3 saat 50 dəqiqə çəkmiş və Putin 62 suala cavab vermişdi.

 Vladimir  Putinin builki mətbuat konfransına 1640 jurnalist qatılıb. Konfransına gələnlər arasında məşhur teleaparıcı Kseniya Sobçak da olub.

Prezidentliyə namizəd olacağını açıqlayan Sobçak mətbuat konfransını jurnalist kimi izləməyə gəldiyini bildirib.

***

Putin yenidən prezident olmaq istəməsinin səbəblərini açıqlayıb.

“Mən dəfələrlə demişəm ki, Rusiyanı necə görmək istəyirəm. İstəyirəm ki, Rusiyanı müasir, çevik siyasi sistemə malik olsun. Sosial sferaya diqqəti artırmaq, rusiyalıların gəlirlərini çoxaltmaq niyyətindəyəm”.

***

Putin konfrans zalında sual verən jurnalistin arxasında “Putin, bay-bay” (Əlvida, Putin) ifadəsinin əks edildiyi plakatın olduğuna diqqət çəkib. Əlində plakat tutan tatar jurnalist isə bunun “Putin, bay-bay” yox, tatarca “Putin babay” (Putin baba) olduğunu söyləyib.

Bundan sonra jurnalist Putinə tatar dili ilə bağlı sual verib. Putin isə cavabında hər bir xalqın öz dilində təhsil almaq haqqının olduğunu, hökumətin heç nəyi insanlara məcbur etməyəcəyini, bunun Rusiyanın bütövlüyü üçün zərərli olacağını söyləyib.

***

Putin mətbuat konfransında hərbi xərclərlə bağlı lətifə danışıb. O deyib:

Keçmiş zabit oğlunun yanına gəlib soruşur:

- Burada xəncər var idi, o haradadır?

Oğlu cavab verir:

- Onu qonşu həyətdəki oğlanın saatı ilə dəyişmişəm.

- Yaxşıdır, amma sabah quldurlar gəlib, məni, ananı, qardaşlarını öldürüb, bacını zorlayanda sən onlara deyəcəksən ki, axşamınız xeyir, Moskva vaxtı ilə saat 12:30-dur?

Daha sonra Putin Rusiyanın öz təhlükəsizliyini silahlanma yarışına girmədən də təmin edəcəyini deyib.

“Yaxın və orta mənzilli raketlərin ləğvi barədə razılaşmadan çıxmağı düşünmürük. Hərbi xərclərimizi elə müəyyənləşdirmişik ki, həm öz təhlükəsizliyimizi təmin edək, həm iqtisadiyyatımızı dağıtmayaq. ABŞ-ın hərbi xərcləri 700 milyard, bizimki isə 46 milyard dollardır”.

***

Putin mətbuat konfransında Mixail Saakaşvilidən danışıb.

“Saakaşvilinin elədikləri gürcü və Ukrayna xalqlarının üzünə tüpürməkdir. O, Gürcüstanın prezidenti olub, indi bütün dünyaya ukraynalı olduğunu deyir. Məgər Ukraynada əsl ukraynalı yoxdur? Buna baxmaq çox ağrılıdır”, - Putin bildirib.

Putin daha sonra qeyd edib ki, ruslar və ukraynalılar eyni xalqdır: “Siz bununla razılaşmaya bilərsiniz. Bir zamanlar ukraynalı rusdan heç nə ilə fərqlənməyib. Ukraynaya bütün əraziləri bolşeviklər verib. Sonda Krım da onlara verilib. Sovet hökuməti hədər yerə Krımı Ukraynaya verib, amma krımlılar öz seçimini edib və burada müzakirə ediləsi heç nə yoxdur”.

***

Rusiya prezidentinin sözlərinə görə, miqrant böhranından ən çox Türkiyə əziyyət çəkir:

“Terrorizmin ən böyük mənbəyi aşağı gəlir və aşağı təhsildir. Biz qaçqınlar məsələsini ümumi səylər çərçivəsində həll etməyə hazırıq. Nə Suriya, nə də Rusiya bununla təkbaşına bacarmaq gücündə deyil. Terrorizmlə əsas mübarizə yolu rifah və təhsildir. Digər məsələ isə regionda tarixi ədalətsizlikdir. Mən özüm Şimali Qafqazdan olan polisləri Suriyaya göndərdim. Çünki onlar sünnidir və Suriyadakı yerli əhali də sünni idi. Nəticədə hər şey yaxşı oldu. Hökumət də, yerli əhali də onlara güvəndi. Bir zamanlar Əl Qaidəni SSRİ-yə qarşı yaratdılar, amma o 11 sentyabrı törətdi. Bizim hərbçilər indi onların Suriyadan İraqa getdiyini müşahidə edirlər. Biz onların İraqa getdiyini xəbər veririk, amma amerikalılar sadəcə durub baxırlar”.

***

Prezidentliyə namizəd Kseniya Sobçak Putinə niyə hökumətin ədalətli rəqabətdən qorxduğu sualını verib.

“Müxalifət gərək aydın, pozitiv fəaliyyətli proqramla çıxış etsin. Siz isə gəlib hamıya qarşı olduğunu deyirsiniz. Siz nə təklif edirsiniz? Müxalifətin proqramı yoxdursa və o hakimiyyətə gələrsə, o zaman Rusiya Maydan olacaq və küçələrdə “Saakaşvililər” qaçacaq. Siz istəyirsiniz ki, bizim meydanlarda Saakaşvili tipli insanlar qaçsınlar? Siz istəyirsiniz ki, bizdə Saakaşvili kimi qeyri-stabillik yaradanlar olsunlar? Siz bizdə Maydanmı istəyirsiniz? Rusların böyük əksəriyyəti buna qarşıdır. Ədalətli rəqabət olmalıdır. Hökumət heç kimdən qorxmur və qorxmayacaq”, – deyə Putin Sobçakın sualını cavablandırıb.

Qeyd edək ki, Putinin mətbuat konfransları 2001-ci ildən bu yana müxtəlif fasilələrlə keçirilir.

Bölmənin digər xəbərləri

20 Yanvar 2018 Moskvada ticarət mərkəzində baş verən yanğında həmyerlilərimizə ziyan dəyib
19 Yanvar 2018 “Bu adam bir zaman deyirdi ki, cismani atam Əhəd, mənəvi atam Elçibəydir”
19 Yanvar 2018 “Silahlı Qüvvələri haqqında” yeni qanun qüvvəyə minib –Prezident imzaladı
17 Yanvar 2018 TÜRKİYƏ ÜÇÜN AFRİN TƏHLÜKƏSİ –Ankara terrorçuların Aralıq dənizinə çıxışını kəsə biləcəkmi? - TƏHLİL
13 Yanvar 2018 Gürücstanda türk (Azərbaycan) toponimlərinə qarşı savaş açılıb:soydaşlarımız isə “gəlmələr” elan olunub - Araşdırma
13 Yanvar 2018 Qaçırdığı avtomobillə qəza törədən şəxs saxlanılıb
13 Yanvar 2018 ABŞ Dövlət Departamenti: “Əfqan Muxtarlını azad etməyə çağırırıq”
13 Yanvar 2018 Dünya Çempionu dərman almağa pul tapmır
10 Yanvar 2018 Oktay Gülalıyev "Qafqazın qəhrəmanı" adına layiq görüldü
10 Yanvar 2018 Azərbaycandakı məscid, kilsə və sinaqoqların sayı açıqlandı- Rəsmi
09 Yanvar 2018 Dövlət başçısı RO-RO terminalının açılışında - Foto
03 Yanvar 2018 "Əgər ABŞ ağılsızlıq edib, İrana hücum edəcəksə..." - TAHİR ABBASLI
02 Yanvar 2018 Milli Məclisin yeni ildə ilk iclasının vaxt bəlli olub
02 Yanvar 2018 Güney Azərbaycanda İran bayrağı ayaqlar altına atıldı - Video
30 Dekabr 2017 Müsavatçılıq və cəbhəçilik Azərbaycan xalqının siyasi qazancıdır – Tural Abbaslı
28 Dekabr 2017 Fazil Məmmədovun villasını yandırıblar? - FOTOLAR
25 Dekabr 2017 Putinin əsas rəqibi seçki marafonundan kənarda qaldı –Navalnının namizədliyi qeydə alınmadı
25 Dekabr 2017 SSRİ-nin dağıldığı gün Yeltsin və Qorbaçovun ABŞ prezidenti ilə gizli telefon danışığı:“Corc, meşədə gizlənməyə hazırlaşmıram” – TARİX
23 Dekabr 2017 BMT-də ABŞ-ın Qüds qərarına qarşı çıxanları nə gözləyir?- Tramp "barmaq silkələdiyi" ölkələri cəzalandıracaqmı?
22 Dekabr 2017 Yaşa görə əmək pensiyası hüququnun hansı hallarda yarandığı açıqlanıb –ŞƏRTLƏR
© 2016 www.sozcu.az - Bütün hüquqlar qorunur.

Ünvan: Ağsu şəh., Melaratorlar qəs., ev 7. m.6
Direktor Anar Rəsulov
Redaktor Elşən Məmmədov - 055 972 53 53
Mob: 055 637 07 69
Tel: 020 226 42 28
email: sozcu.az@gmail.com

Saytda yerləşdirilmiş hər bir materiala olan hüquqlar Azərbaycan Respublikasının qanunvericiliyinə, həmçinin müəlliflik hüququ qanunlarına əsasən qorunur.
Müəlliflərin mövqeyi redaksiyanın mövqeyi ilə uyğun gəlməyə bilər. Saytdakı materiallardan istifadə zamanı istinad zəruridir.