Xəbər lenti

b_800_600_0_00_images_xeber_sekilleri_11noyabr2017_tebriz.jpg
2017.11.12. 22:45
Güney Azərbaycan da daxil olmaqla, böyük bir ərazidə güclü zəlzələ baş verib.

 Axar.az xəbər verir ki, İraqda (Süleymaniyyə) 7,2 bal, İranda, Kirmanşahda isə 7,3 bal gücündə dəhşətli zəlzələ olub. Zəlzələ İranın bir çox vilayətlərində - Ərak, Həmədan, o cümlədən Şərqi və Qərbi Azərbaycanda, həmçinin Təbriz şəhərində 4,9 bal gücündə özünü göstərib.

Təbrizdə əhali panika səbəbindən küçələrə axışıb. Hazırda təbrizlilər küçələrdədir.

Hələlik rəsmi açıqlama yoxdur.

Yeraltı təkanların Azərbaycan Respublikasının cənub bölgəsində - Lənkəran və Astara şəhərlərində də 4 bal gücündə hiss edilib.

***

İranın Kirmanşah şəhərində baş verən zəlzələnin böyük dağıntılara səbəb olduğu barədə məlumat yayılıb. Sosial şəbəkə istifadəçiləri dağıntıya aid fotolar paylaşıblar.

Zəlzələ, dağıntı və tələfatla bağlı hələlik rəsmi açıqlama verilməyib.

***

ABŞ Geoloji Araşdırmalar Mərkəzi İraqdakı zəlzələnin 7,2 bal gücündə olduğunu, episentrinin Hələbçənin 32 km cənub-qərbinə, 33,9 km dərinliyə düşdüyünü açıqlayıb.

Zəlzələ Türkiyədə də hiss edilib.

***

Zəlzələnin İranda böyük dağıntılara və təlafata səbəb olduğu haqda ilkin məlumat verilib. Sosial şəbəkədə Qəsr Şirin şəhərində 2 nəfərin öldüyü bildirilir.

***

Yaxın Şərqi bürüyən və bir-birinin ardınca baş verən zəlzələlərin xəritəsi yayılıb. Ən güclü və ardıcıl təkanların qeydə alındığı ərazilər qırmızı rənglə işarələnib.

***

Azərbaycan Seysmoloji Xidmət Mərkəzi zəlzələnin İran-İraq sərhədində (koordinatlar: 34.82, 45.87), yerli vaxtla saat 22:18:16-da baş verdiyini açıqlayıb. Zəlzələnin maqnitudası 7,2 bal, dərinliyi 19 km olub.

Zəlzələ Naxçıvanda və cənub rayonlarımızda hiss edilib.

***

Qəsr Şirində ölənlərin sayı 6 nəfərə çatıb. İranda bütün xəstəxanalar hazır vəziyyətə gətirilib. Zəlzələnin xüsusilə güclü olduğu ərazilərə çoxsaylı təcili yardım maşınları və xilasedicilər göndərilib.

***

Zəlzələni ümumilikdə 180 milyon insan hiss edib.

***

Sosial şəbəkələrdə İranda zəlzələ nəticəsində ölənlərin sayının 16 nəfərə çatdığı iddia edilib. Çoxlu sayda yaralının olduğu bildirilir. Ən böyük dağıntı və tələfat Kirmanşah vilayətindədir.

Rəsmi məlumatda isə həlilk 4 ölü və 15 yaralının olduğu açıqlanıb.

***

Rəsmi məlumata görə, Kirmanşahda bir çox kənd tamamilə dağılıb, vilayətin işıq və telefonu kəsilib.

İcra nümayəndəsi 6 nəfərin öldüyü və 138 insanın yaralandığını təsdiqləyib. O, ölü və yaralıların sayının artacağını istisna etməyib.

Rabitə əlaqəsi kəsildiyi üçün dağıntılar və tələfatla bağlı dəqiq məlumat almaq mümkün deyil.

***

İranın millət vəkili Fərhad Təcri "Tasnim" agentliyinə Qəsri Şirin, Serpulzihab və Səlas Babacanidə 155 nəfərin öldüyünü, 1684 adamın yaralandığını deyib.

İraqın Süleymaniyyə şəhərində isə hələlik 6 nəfərin öldüyü müəyyənləşib.

İRNA-nın yaydığı məlumata görə, İran İslam Respublikası Böhran İdarəetmə Mərkəzinin sözçüsü Behnam Səidi bu ana qədər 141 nəfərin cəsədinin tapıldığını, 866 yaralının dəqiqləşdiyini açıqlayıb. Ölü və yaralı sayının arta biləcəyi də qeyd edilib.

İranın Daxili İşlər naziri Əbdülrza Rəhmani Fəzli zəlzələ bölgələrində səhra xəstəxanalarının qurulacağını bildirib.

Kirmanşah əyalətində 3 günlük matəm elan edilib.

***

İranda zəlzələ nəticəsində ölənlərin sayı 164 nəfərə çatıb.

***

Kirmanşah vilayətinin Tibbi Ekspertiza İdarəsini rəisi Artin Kəmali ölənlərin sayının 207-ə çatdığını bildirib. Onlardan 142-si Sərpolzahab, 22-si İslamabad, 15-i Babacan, 14 Kərəndqərb, 14 nəfəri isə Qəsri Şirində həlak olub.

Bölgədə 70 min nəfər evsiz qalıb. Yaralıların sayı həddindən çox olduğundan yerli xəstəxanalarda yaralıları qəbul etmək üçün ciddi problemlər yaşanır. Qızıl Aypara cəmiyyəti səhra xəstəxanalarının açılmasına çalışır.
Sozcu.az

Bölmənin digər xəbərləri

21 Noyabr 2017 Rəsulzadənin həyat yoldaşının məzarı tapıldı - Foto
21 Noyabr 2017 Lavrovdan İrəvanda Qarabağla bağlı mühüm mesaj:"Problem mürəkkəbdir, danışıqlar tezliklə başa çatmayacaq”
21 Noyabr 2017 Ayaz Mütəllibovdan ilginc vertolyot qəzası açıqlaması
19 Noyabr 2017 MHP lideri NATO-nu tərk etmək mesajı verdi:"Baş verən hadisə izahı olmayan rəzillikdir"
18 Noyabr 2017 Qarabağla bağlı İqtidar -müxalifət dioloqu başlayacaq?
15 Noyabr 2017 AVROPA TARİXİNDƏ YENİ MƏRHƏLƏ BAŞLANIR:23 ölkə Ümumavropa Ordusunu yaratmağa hazırlaşır – Araşdırma
15 Noyabr 2017 Ağsu rayonunda aksiya keçirilib -VİDEO
14 Noyabr 2017 SƏUD EVİNİN YENİ NƏSLİ ATALARIN HAKİMİYYƏT EHTİRASINA QARŞI –Varis-şahzadə yüksəlişində gənclərə güvənir – TƏHLİL
14 Noyabr 2017 "KXCP sədrliyinə iddiam bu prinsiplərlə mümkün ola bilər" - ZƏLİMXAN MƏMMƏDLİ
13 Noyabr 2017 Ərdoğanla Putindən ortaq mesaj:"Əlverişli şərtlər ortaya çıxmaqdadır..."
10 Noyabr 2017 Xanım ictimai fəal polisə çağrıldı
10 Noyabr 2017 Eldar Mahmudov yenidən Baş Prokurorluğa çağırıldı - YENİLƏNDİ
08 Noyabr 2017 Cəmil Hacıyev İnzibati xəta törətməkdə ittiham olunaraq 200 manat cərimə olundu
08 Noyabr 2017 Aprel döyüşlərində iştirak edən hərbçini işə götürmədilər
08 Noyabr 2017 Bu quruma deputatları cəzalandırmaq hüququ verilir
07 Noyabr 2017 “Vəkillər və vəkillik fəaliyyəti haqqında” yeni qanun təsdiqləndi –Nümayəndəlik institutu məhdudlaşdırıldı
06 Noyabr 2017 Eldar Mahmudov 5 saat dindirildi –Sabiq nazir idarəyə xüsusi müşahidə altında gətirilib
06 Noyabr 2017 Ərdoğanın Putinə Qarabağ təklifinin – Detalları
31 Oktyabr 2017 "Qarabağ"Madriddə tarix yazdı!!!
30 Oktyabr 2017 Həm general rütbəsi əlindən alınır,həm də 33 milyon manatlıq əmlakı müsadirə olunur=Akif Çovdarovun
© 2016 www.sozcu.az - Bütün hüquqlar qorunur.

Ünvan: Ağsu şəh., Melaratorlar qəs., ev 7. m.6
Direktor Anar Rəsulov
Redaktor Elşən Məmmədov - 055 972 53 53
Mob: 055 637 07 69
Tel: 020 226 42 28
email: sozcu.az@gmail.com

Saytda yerləşdirilmiş hər bir materiala olan hüquqlar Azərbaycan Respublikasının qanunvericiliyinə, həmçinin müəlliflik hüququ qanunlarına əsasən qorunur.
Müəlliflərin mövqeyi redaksiyanın mövqeyi ilə uyğun gəlməyə bilər. Saytdakı materiallardan istifadə zamanı istinad zəruridir.