Xəbər lenti

ramilsad.jpg"Millət vəkili Adil Əliyev vətənimizin fəxr edəcəyi övladlarından biridir. Cəmiyyətimizdə belə insanların olması hamımız üçün qürurvericidir".

Bu sözləri Azərbaycan zabiti Ramil Səfərov Adil Əliyevə həsr olunan "Adil insan" kitabındakı yazısında qeyd edib. R.Səfərov bildirib ki, Adil Əliyevin şəxsiyyətini 3 kateqoriya ilə xarakterizə etmək olar: "İnsani üstünlükləri; idman sahəsindəki fəaliyyəti; millət vəkili kimi fəaliyyəti. Hər üç kateqoriyanı yüksək qiymətləndirirəm və dəyər verirəm.

Hər üçü də Adil Əliyevin şəxsiyyətində birləşib. Bunlar onun fəaliyyətinin ana xəttini təşkil edir. İnsan olaraq onun sadəliyi, əlindən gəldiyi qədər insanlara kömək etməyə çalışması, onların qayğısına qalması onun yüksək insani keyfiyyətlərə malik olduğunu göstərir. İdmançı kimi idmana olan münasibəti, xüsusilə rəhbəri olduğu Kikboksinq Federasiyasının güclü inkişafını, bu idman növünün cəmiyyətdə özünəməxsus yer tutmasını, mütəmadi olaraq beynəlxalq yarışların keçirilməsini, xarici ölkələrdə idmançılarımızın uğurlar qazanmasını və Azərbaycan bayrağını yüksəklərə qaldırılmasını ölkəmizdə hər kəs bilir.

Adil Əliyevin Azərbaycan idmanına töhfələri çoxdur və bu, idmanımızın inkişafına səbəb olur. Bugünün idmançıları gələcəyin əsgərləridir. Mən bir zabit kimi əsgər və zabitlərimizin idmanla məşğul olmalarını arzu edirəm. Onların intellektual səviyyələrinin yüksək olması ilə yanaşı, fiziki hazırlıqlarını da əsas götürürəm.

Çünki hərbi xidmət fiziki qabiliyyət üzərində qurulur. Arzu edirəm ki, hərbi xidmətə gələn əsgərlər keçmişdə hansısa idman növü ilə məşğul olsunlar. Bu mənada idman fəaliyyətlərinə dəstək verən insanların əməyini qiymətləndirməmək olmur. Adil Əliyevin bu sahədə gördüyü işlər təqdirəlayiqdir. Federasiyanın gənclər arasında zərərli vərdişlərin aradan qaldırılması, onların idmana meyllənməsində uğurlu layihələri haqqında məlumatlıyam. Bunlar ictimaiyyətin gözü qarşısında baş verir. Federasiya sistemli şəkildə Azərbaycan gəncliyini idmana istiqamətləndirir. Yaxşı bilirəm ki, onlara orada təkcə əlbəyaxa döyüş növləri tədris olunmur. Eyni zamanda maarifçilik təbliğatı aparılır. Onlara əxlaqi tərbiyə aşılanır. İdmançılara vətənpərvərlik hisləri öyrədilir. Biz isə onları ordu sıralarına qəbul etməklə onlara hərbi bilikləri öyrədirik.
b_800_600_0_00_images_xeber_sekilleri_6noyabr2016_ramilqad2.jpg

Bu, vəhdət şəklində gedir. Bu iki istiqamət ordumuzun güclənməsinə və birliyinə müsbət təsir edir. Beləliklə də Adil Əliyev və onun kimi insanların gördüyü işlər Azərbaycanın daha da möhkəmlənməsinə xidmət edir. Adil Əliyev millət vəki kimi Azərbaycan parlamentinin fəal vəkillərindəndir. Ümummilli məsələlərə bağlı önəmli fikirlər ortaya qoyur. Seçiciləri ilə daim maraqlanır və onlarla sıx-sıx görüşlər keçirir. Onun siyasi-ictimai fəaliyyəti, ölkə daxilində və beynəlxalq tədbirlərdə iştirakı göz qabağındadır. Fəal şəkildə Azərbaycan adına, milli maraqlarımız naminə maraqlı çıxışlar edir. Azərbaycan torpaqlarının 20 faizi işğal altındadır və belə olan halda ölkə gəncləri arasında vətənpərvərlik ruhunun qalxmasına böyük ehtiyac var.

Dəfələrlə şahidi olmuşam ki, Adil Əliyev hərbi hissələrdə görüşlər keçirib və gənc əsgər və zabitlər arasında çıxışlar edib, vətənpərvərlik hissinin güclənməsinə öz töhfəsini verib. Adil Əliyev mütəmadi olaraq ön cəbhədə xidmət edən heyətlə də görüşlər keçirir. O, Ali Baş Komandan İlham Əliyev cənablarının ordumuzla bağlı siyasətində aktiv rol alan millət vəkillərimizdəndir. Cəbhə bölgəsinə səfərlər təkcə əsgərlər arasında deyil, zabitlər arasında da ruh yüksəkliyinə səbəb olur. İnsanın unudulmasından qorxulu heç nə ola bilməz. Əsgər və zabitlərimiz cəmiyyətdən müəyyən qədər təcrid həyat şəraitində fəaliyyət göstərirlər. Odur ki, belə səfər və görüşlər psixoloji cəhətdən hərbçilərə gərəkli dəstəkdir. Xüsusilə, onlarla görüşə cəmiyyətdə xeyirli işləri ilə tanınan insanlar gedirsə, bu, daha çox müsbət təsir göstərir.

Adil Əliyevin cəbhə bölgəsinə səfərləri həqiqi mənada şəxsi heyət arasında çox müsbət təsirlərini göstərir və mən bunu çox gözəl bilirəm. Həyatımın ən yadda qalan anlarından biri də Macarıstanda həbsxana həyatı yaşayarkən Adil müəllimlə görüşümdür. Bu görüş heç bir zaman yadımdan çıxmayacaq. Təkadamlıq kamerada olan insan üçün belə bir görüşün nə demək olduğunu təsəvvür etmək çətin deyil. Görüş mənə çox yüksək əhval-ruhiyyə verdi. Onunla çox maraqlı söhbətlərimiz oldu.

Hər sözünün sonu mənə ürək-dirək verməklə bitirdi. Müəyyən məsələlərlə bağlı fikir mübadiləsi apardıq. Belə bir söz var: məhkəmədə cəzanı alan məhkum olur, ancaq cəzanın və məşəqqətli həyatın ağırlığını həm də onun ailəsi çəkir. Adil Əliyev mütəmadi olaraq mənim ailəmlə maraqlanıb və onlara böyük diqqət ayırıb. Ailəmizlə bağlı çox böyük işlər görüb. Xüsusilə, anam xəstə olarkən ona çox böyük yardımlar göstərib. Bu barədə atam mənə danışır və məlumatlar verirdi.

Mən bunları heç bir zaman unuda bilmərəm və bu, həmişəlik yaddaşıma həkk olub. Adil Əliyevin bu diqqəti ailəmiz tərəfindən heç vaxt unudulmayacaq. Fürsətdən istifadə edib bir daha Adil Əliyevə təşəkkürümü və minnətdarlığımı bildirirəm. Onunla dostluğumuzun təməlində qeyd etdiyim və sözlə bitməyəcək keyfiyyətlər durur".

Faktor.az

Bölmənin digər xəbərləri

15 İyul 2017 Ağsuda AXC-nin qurucuları olan hərəkatçılarla görüş keçirilib - FOTOLAR
12 İyul 2017 Arif Hacılı: "Qarabağ Türkiyəyə Suriyadan, İraqdan, Qətərdən daha yaxındır ki…”
06 İyul 2017 Yəhudi təşkilatı Zəhra ilə bağlı bəyanat verdi: "Ermənistan üçün körpə-yaşlı fərq etmir"
04 İyul 2017 Rusiyanın parçalanması başladı: Qafqaz ayrılır…
01 İyul 2017 Qardaşının həbs olunması haqqında məlumat gedən deputat danışdı: "Bu, nə şoudur yaradıblar?"
01 İyul 2017 Həbsdə olan jurnalistin anasından dövlət başçısına sual dolu müraciət
28 İyun 2017 YAP-dan Prezidentliyə namizədliklə bağlı — AÇIQLAMA
19 İyun 2017 Ermənilər Xocalıda Festival keçirib -FOTOLAR
14 İyun 2017 "Deyirlər ki, gedin dua edin, biz sizə danışmağa icazə veririk" -FAİQƏ NÖSRƏTİ
13 İyun 2017 “OMON”çu Elçin Əmiraslanov aclığı dayandırdı
08 İyun 2017 İsa Qəmbər: "AMİP rəhbərləri heç bir zaman bu ləkəni öz üzərlərindən silə bilməyəcəklər"
06 İyun 2017 Zakir Qaralovdan müxalifətə ittiham: "Qanunsuz qrant korrupsiyasına qoşulublar"
02 İyun 2017 Dövlət Baxçalı Hulusi Akarı müdafiə etdi: "Dimdik bir komutandır!"
02 İyun 2017 QAT rəhbərliyi Türkiyə səfirliyində oldu
31 May 2017 Ərdoğan 13 hərbiçinin şəhid olması ilə bağlı bağlı başsağlığı verdi
29 May 2017 "İranda Naxçıvanlı sürücüləri döyürlər" - Qurban Məmmədov hakimiyyətə səsləndi
29 May 2017 "Sülh Platforması" adına Azərbaycana "daşınan" ermənilərdən biri erməni xalqından üzr istədi
28 May 2017 “Oğlunun yas mərasimində bir saatdan artıq otura bilmədi…” - Günün qəhrəmanları...
17 May 2017 Azərbaycanda vətənə xəyanət edənin meyitini dəfn etməyə qoymadılar
15 May 2017 "15 may hadisəsi" hakimiyyət çevrilişi idi? - ŞƏRHLƏR
© 2016 www.sozcu.az - Bütün hüquqlar qorunur.

Ünvan: Ağsu şəh., Melaratorlar qəs., ev 7. m.6
Tel: 0202264228
Təsisçi Elşən Əlisoy - Mob: 055 972 53 53
email:Sozcu.az@gmail.com

Saytda yerləşdirilmiş hər bir materiala olan hüquqlar Azərbaycan Respublikasının qanunvericiliyinə, həmçinin müəlliflik hüququ qanunlarına əsasən qorunur.
Müəlliflərin mövqeyi redaksiyanın mövqeyi ilə uyğun gəlməyə bilər. Saytdakı materiallardan istifadə zamanı istinad zəruridir.