Xəbər lenti

fazilmamedov.jpg
Prezident İlham Əliyevin sərəncamı ilə Vergilər naziri Fazil Məmmədovun vəzifədən azad edilməsi ətrafında ekspertlərin müxtəlif ehtimalları səsləndirilməkdədir.

  Prezidentin qərarının daha çox Vergilər Nazirliyinin strukturunda ciddi dəyişikliklə bağlı olduğu ehtimal edilir. Belə ki, Vergilər Nazirliyi hazırda ən çox ştat yükü olan struktura sahib dövlət qurumlarından biri sayılır. Təkcə keçmiş nazir Fazil Məmmədovun özünə təyin etdiyi müşavirlərin sayı rekord həddə idi. Belə ki, noyabrın 30-na qədər 14 müşavirlə çalışan eks-nazir həmin gün daha bir müşavir təyinatı ilə bu sayı 15-ə çatdıran ilk nazirimiz olmuşdu.

Həmçinin Vergilər Nazirliyinin ştatının da bu prinsipə uyğun olduğu haqda rəylər mövcuddur. Bir-birinin fəaliyyətini təkrarlayan idarə və şöbələrin mövcudluğu isə nazirliyin çevik fəaliyyətinə maneə yaradır.

Ekspertlərin qənaətinə görə, yeni təyinat Vergilər Nazirliyinin strukturunun daha çevik və mobil işləməsinin hədəf götürülməsindən doğur. Belə ki, post-neft dövrü üçün iki ildir hazırlıqlar aparan Azərbaycan hakimiyyəti Vergilər Nazirliyinin yeni dövrün tələblərinə daha çevik reaksiya verməsi üçün islahatlarını davam etdirməkdədir.

Digər məqam isə sahibkarlarla nazirlik rəhbərliyi arasında birbaşa əlaqə ilə bağlıdır. Bir müddət öncə, dünyada neft qiymətlərinin kəskin ucuzlaşması və Azərbaycanın yeni iqtisadi strategiyanı tətbiq etməsi fonunda Vergilər Nazirliyi sahibkarlarla görüşlər təşkil edir və onların qaldırdığı məsələlər istiqamətində addımlar atacağı ilə bağlı müsbət mesajlar verirdi. Təsadüfü deyil ki, nazirliyin rəhbərliyi ilə birbaşa ünsiyyətdə sahibkarlar qarşılaşdığı problemi ifadə etmək və həllinə nail olmaq fürsəti qazanmışdılar ki, bu da onlarda böyük stimul yaradırdı. Təəssüf ki, qısa müddətdən sonra bu müsbət tendensiya davam etdirilmədi və sahibkarların birbaşa ünsiyyəti istiqamətində atılan addımlar yarıda saxlanıldı.

Bəzi iddialara görə, Fazil Məmmədovun səhhətində yaranan müəyyən problemlər nazirin aktiv fəaliyyətinə mane olurdu və müşavirlərin çox olması səbəbi bununla əlaqədar idi.

Ancaq hazırda daha gənc (41 yaşı var), daha enerjili və səhhətində heç bir problem olmayan Mikayıl Cabbarovun aktiv işləməsi üçün müşavirlər ordusuna ehtiyacı yoxdur. Ehtimal olunur ki, yeni nazir problemləri birbaşa öyrənməklə, həllinə nail olunmasında, həmçinin çevik qərarların icrasında ən azı fiziki baxımdan daha imkanlıdır.

Həmçinin, Mikayıl Cabbarov sələfindən fərqli olaraq, həm də hüquqşünasdır. 1997-1998-ci illərdə ABŞ-ın Kaliforniya ştatının Sakramento şəhərindəki Pasifik Universitetinin Makcorc Hüquq məktəbində hüquq, 2004-cü ildə isə Azərbaycan Dövlət İqtisad Universitetində iqtisadiyyat üzrə magistr dərəcəsi alıb. 1999-cu ildən ABŞ-ın Nyu York ştatında Vəkillər Kollegiyasının üzvüdür.

Onu da xüsusi vurğulamağa ehtiyac var ki, M.Cabbarov təhsil sistemindən daha çox, iqtisadiyyatla bağlıdır. Belə ki, 2002-2003-cü illərdə İqtisadi İnkişaf Nazirliyində nazir müşaviri, 2003-2004-cü illərdə Azərbaycanda İxracın və İnvestisiyaların Təşviqi Fondunun (AZPROMO) prezidenti vəzifələrində çalışıb. Azərbaycan Respublikası Prezidentinin 2004-cü il 20 fevral tarixli Sərəncamı ilə iqtisadi inkişaf nazirinin müavini vəzifəsinə təyin edilib. Həmin vəzifədə işlədiyi dövrdə beynəlxalq maliyyə qurumları ilə əməkdaşlıq, xarici iqtisadi əlaqələr, xarici investisiya siyasəti, beynəlxalq arbitrajlarda hüquqi məsələlər və korporativ idarəetmə kimi fəaliyyətlərin əlaqələndirilməsini həyata keçirib.

Başqa sözlə desək, yeni nazir Vergilər Nazirliyi sistemində islahatlar həyata keçirmək üçün kifayət qədər hazırlıqlı və təcrübəlidir.

Son olaraq isə onu qeyd edək ki, Fazil Məmmədov nazirlik təsis edilən ilk gündən – 2000-ci il fevralın 11-dən nazir vəzifəsini daşıyır, 18 ilə yaxındır./axar.az/
Sozcu.az

Bölmənin digər xəbərləri

17 Fevral 2018 ABŞ, İsrail, Türkiyə... - Savaşın gizlinləri açıldı
15 Fevral 2018 Tofiq Zülfüqarov: Krakovda bizə dalana dirənmiş istiqamət təklif olunur
05 Fevral 2018 Türkiyənin yeni xarici siyasəti: müdafiədən hücuma –Davutoğlunun "sıfır problem" doktrinasından niyə imtina olundu? - TƏHLİL
05 Fevral 2018 Amerikalı casusdan Türk ordusu və “dərin dövlət”lə bağlı SENSASİYALI ÇAĞIRIŞ
29 Yanvar 2018 Seçkidə İştirak, yoxsa boykot?
25 Yanvar 2018 “STRATFOR” Rusiyanın 2018-ci ildəki xarici siyasətindən yazdı:Avrasiya, Qarabağ, seçkilər –– TƏHLİL
24 Yanvar 2018 Türkiyə hücumu: “Böyük İsrail” və Sevr məhv edildi – General
16 Yanvar 2018 ABŞ DAHA BİR “KÜRDÜSTAN”I DA SURİYADA QURUR –Əsədin ölkəsini parçalamaq planı qüvvədədir - TƏHLİL
09 Yanvar 2018 NİYƏ ETİRAZÇILAR RUHANİYƏ QARŞI BU QƏDƏR QƏZƏBLİ İDİLƏR? –İran prezidentinin 24 milyon seçiciyə borcu var
05 Yanvar 2018 ABŞ-da NƏ QƏDƏR MÜSƏLMAN YAŞAYIR? –Yaxın gələcəkdə Birləşmiş Ştatlarda ikinci ən böyük dini qrup - ARAŞDIRMA
03 Yanvar 2018 Azər Qasımlı İranda baş verən hadisələrdən yazdı
01 Yanvar 2018 Putinin məxfi ordusu: ondan necə istifadə olunur?
27 Dekabr 2017 "İsrailin Azərbaycanın yanında olması erməni lobbisinə daha bir mesajdır" - ekspert
25 Dekabr 2017 ABŞ-dan şok hesabat – Rusiyanın hərbi imkanları...
19 Dekabr 2017 2018-ci ildə gözlənilən müharibələr:Şimali Koreya, Suriya və Ukraynada nələr baş verəcək?
14 Dekabr 2017 ABŞ YAXIN ŞƏRQDƏ HAKİM ROLUNU İTİRİR –Tramp “yaşıl xətt”i niyə dağıtdı? –TƏHLİL
08 Dekabr 2017 YPG-PYD-RUSİYA HƏRBİ ƏMƏKDAŞLIĞI:Suriya kürdləri indi Moskvaya daha çox meyillənirlər - TƏHLİL
04 Dekabr 2017 Donald Tramp Qüdsü İsrailin paytaxtı olaraq tanıyacaqmı?
30 Noyabr 2017 KÖRFƏZ ÖLKƏLƏRİNƏ SİLAH KÖÇÜ –Rusiya silah bazarında BƏƏ-nin əsas satıcısına çevrilib - TƏHLİL
20 Noyabr 2017 MOSKVA KÜRD KARTINI VAŞİNQTONUN ƏLİNDƏN NECƏ ALDI?-Təhlil
© 2016 www.sozcu.az - Bütün hüquqlar qorunur.

Ünvan: Ağsu şəh., Melaratorlar qəs., ev 7. m.6
Direktor Anar Rəsulov
Redaktor Elşən Məmmədov - 055 972 53 53
Mob: 055 637 07 69
Tel: 020 226 42 28
email: sozcu.az@gmail.com

Saytda yerləşdirilmiş hər bir materiala olan hüquqlar Azərbaycan Respublikasının qanunvericiliyinə, həmçinin müəlliflik hüququ qanunlarına əsasən qorunur.
Müəlliflərin mövqeyi redaksiyanın mövqeyi ilə uyğun gəlməyə bilər. Saytdakı materiallardan istifadə zamanı istinad zəruridir.