Xəbər lenti

chinru.jpg
Çininn “Bir qurşaq – bir yol” təşəbbüsü orta əsrlər Tan və Yuan sülalələrinin Avrasiya üzərindən ticarət yollarını təkrar edən iqtisadi ekspansiya planıdır, son dərəcə təkəbbürlüdür. Çünki onun əsasında bütün böyük strategiyalardakı kimi şöhrətsevərlik durur. Lakin onun ideyasına Avrasiyanın gələcəyi yazılıb.

 Yeni İpək Yolu öz dövlətlərini tamdəyərli fövqəldövlətə çevirməyə cəhd edən Çin liderlərinin bir neçə məqsədinə xidmət edir. Bu, Çinin artıq inşa etdiyi çoxsaylı yol, körpü, boru kəməri və onu energetik resurslarla zəngin Mərkəzi Asiyanın keçmiş sovet respublikaları ilə birləşdirən dəmiryollarının brendinqi əməliyyatıdır. “Bir qurşaq – bir yol” təşəbbüsü prosesi Çinin Mərkəzi Asiya ilə həmsərhəd müsəlman bölgəsini inkişaf etdirmək və eyni zamanda çevrəyə almaq arzu olunur. Çin qərbdə İranla – çox böyük həcmi, yerləşməsi və əhali sayı, həmçinin çoxdankı imperiya ənənəsi sayəsində Yaxın Şərq və Mərkəzi Asiyanın açar nöqtəsi rolunu oynayan dövlətlə məhdud alyans yaratmağı nəzərdə tutur.

Çinin daha irimiqyaslı hədəfi Avrasiyada hökmranlıqdır, bu isə Rusiyanın ikinci dərəcəli dövlətə qədər düşməyi ilə nəticələnəcək. Çinlə Rusiyanın ümumi uzunluğu 4 min km-dən çox olan sərhədi var. Rusiya dövləti Uzaq Şərqdəki qədər az-az rayonlarda bu cür zəiflik sərgiləyir. Bəzi dəyərləndirmələrə görə, etnik rus əhalinin sayı cəmi 6 milyon təşkil edir. Çinli mühacirlər Sibirin Çinə çox gərək olan təbii qaz, neft, ağac, almaz və qızılla zəngin bu son dərəcə az məskunlaşmış xəlvət yerlərinə durmadan irəliləyirlər. Çin bu bölgəni yalnız XIX əsrdə Sin sülaləsi sön günlərini yaşayarkən, qalan hissəsini isə XX əsrdə Rusiyaya verib. Bununla belə, hazırda Çin Mərkəzi Asiyada Rusiyanı arxada qoyub. Çinin milli neft-qaz korporasiyası son on ildə Mərkəızi Asiyada aparıcı energetika şirkəti olub. Çin Qazaxıstan neftini Avropaya və öz boru kəməri ilə Çinə vurur, həmçinin Türkmənistandan Çinin qərbinə təbii qaz tədarük edir.

Bundan başqa, Çin yatırımları sayəsində Mərkəzi Asiyada energetika sistemləri və nəqliyyat infrasrtukturu inşa olunur ki, bu da bölgə landşaftını hiss olunacaq şəkildə dəyişir və “Bir qurşaq – bir yol” təşəbbüsünün gerçəkləşdirilməsi üçün təməl yaradır.

Mükafat İrandır. İran Mərkəzi Asiyanın Çinə müqabil digər tərəfində yerləşməklə 80 milyon əhalisi var və ərazisində Xəzər dənizində və Fars körfəzində zəngin neft və qaz yataqları yerləşir. Bu, İran ərazisindən dəmiryolu salmaq, Tehranla enerji sazişləri bağlamaq, İran yataqlarının işlənməsində Çin şirkətlərindən istifadə etmək və ora iş adamları ordusu göndərməkdə Çin üçün güclü təkan rolunu oynayır. Rusiyanın Belarus, Ermənistan, Qazaxıstan və Qırğızıstanı əhatə edən Avrasiya İqtisadi Birliyi 2014-cü ildə Çinin Avrasiyada artan nüfuzuna əks-tarazlıq kimi yaradılıb.

Rusiya Çinə təkcə Uzaq Şərq və Mərkəzi Asiyada deyil, həm də Avropada uduzur. Moskva Baltik və Qara dəniz bölgələrində təxribat əməliyyatları və hərbi müdaxilələr vasitəsilə keçmiş sovet respublikalarının müstəqilliyini taqətdən salınca Pekin Avropa ölkələri ilə ticari əlaqələri möhkəmləndirib. Tramp administrasiyasının azad ticarət prinsiplərinə nifrəti Avropada Çinə yeni imkanlar verərək “Bir qurşaq – bir yol” təşəbbüsünün qərb sərhədlərini genişləndirməyə şərait yaradıb. Çinin uğurları Avropada təkcə ABŞ-ın deyil, həm də Rusiyanın nüfuzunu zəiflədir. Məsələn, Yunanıstan Avropa Birliyi ilə gərgin münasibətlər və pravoslavlığa sədaqəti üzündən ilk baxışdan Rusiya ilə yaxınlaşmalıdır. Lakin o, Çinin iqtisadi təsirinə getdikcə daha çox düşür, çünki Pirey limanı yeni İpək Yolunda daha bir qərb nöqtəsinə çevrilir. Çin həmçinin Bolqarıstan, Rumıniya, Polşa və çex Respublikasında atom stansiyaları və energetika strukturlarının başqa obyektləri uğrunda rəqabət mübarizəsi aparır.

Prezident Vladimir Putinin Qərbə meydan oxumaq cəhdləri – Çin prezidentSi Szinpnin rəhbərliyi altında gərəksiz səs-küysüz onu arxada qoyunca – Rusiya iqtisadiyyatının xüsusən dişbatan olduğu bir dövrdə onun strateji qafilliyini sərgiləyir. Çin və Rusiya öz münasibətlərini Rusiyanın Çinə neft tədarük etməsi və ölkələrin birgə hərbi təlimlər keçirməsi çərçivəsində “geniş əhatəli strateji tərəfdaşlıq” kimi müəyyən edir. Rəsmi versiyaya görə, onların münasibətləri nadir hallarda yaxşı olub. Lakin Çinin xeyrinə hiss oluansı ticarət üstünlüyü var, neft qiymətlərinin düşməsi isə Çini Rusiyadan daha az asılı edib.

Rusiya Çinin rəqiblərinə – Hindistan və Vyetnama silah satır. Amma Çin artıq Rusiyanın silah istehsalının surətini çıxardıb.

Bu dərin geopolitik gerçəklikllər bildirir ki, Çin və Rusiya onlara əl verincə müttəfiq olacaq. Və Çinlə Rusiya arasındakı rəqabət uzunmüddətli, çətin dəyərləndirilən və uzaq bölgələrdə dönüşdüyündən – ki bunu Qərb KİV-ləri üçün maraqsız edir – ona etinasız yanaşmaq çox asandır.

Rusiyanın iddiaları kimi Çini də geopolitik iddiaları ölkədaxili sabitsizliyin nəticəsidir. Çin dövləti qərbdə, yəni keçmişdə mövcud olmuş Türküstanın şərq hissəsində hakim Han etnik qrupunun əndişə ilə yanaşdığı müsəlman uyğurlar yaşayan ərazilərdə daha çox zəiflik sərgiləyir.

İslam uyğurlar üçün Çindən asılı olmayan alternativ eyniyyətin təməli olub. Dalay Laması olan Tibet sakinlərindən fərqli olaraq uyğurların Pekinlə əlaqə saxlayaraq danışıqlar apara biləcək rəhbər elitası yoxdur. Onlar istənilən təbii fəlakət və ya fövqəladə durumun üsyana asanlıqla təhrik edə biləcəyi anarxist qüvvənin təcəssümüdürlər. Türk Mərkəzi Asiyasını iqtisadi və siyasi baxımdan Çinlə birləşdirməli olan “Bir qurşaq – bir yol” layihəsi üsyan zamanı qismən uyğurları arxa bazadan məhrum etməyə nəzərdə tutulub.

Çini yalnız onun daxili iblisləri durdura bilər. Semuel Hantinqtonun 1968-ci ildə özünün “Dəyişən cəmiyyətlərdə siyasi düzən” adlı klassik araşdırmasında yazdığı kimi, cəmiyyətin strukturu nə qədər mürəkkəbləşirsə, onun institutları da bir o qədər həssas olmalıdır – əks halda yetərincə çoxsaylı orta təbəqənin biçimlənməsi sabitsizləşdirici təsir göstərəcək.

Çin avtokratiyası – məhz öz uğurları sayəsində – hanlarla uyğurların yaşadığı bölgələrdə sosial, etnik və dini gərginlik artdıqca legitimlik böhranı ilə üzləşə bilər. Xüsusən də iqtisadi artım bundan sonra da ləngiyərək bu etnik qrupların ümidlərini alt-üst edərsə. Beləliklə, “Bir qurşaq – bir yol”un son uğurunu Mərkəzi Asiya və başqa ölkələrdəki nailiyyətlərlə deyil, Çinin öz daxilində baş verənlərlə müəyyən olunacaq.

Şərqi Asiyada Çin tərəfdən qorxudan və Mərkəzi və Şərqi Avropada Rusiyanın təqibindən müdafiəyə ehtiyacı duyan siyasi müttəfiqləri olan ABŞ Pekinlə Moskva arasındakı sakit geopolitik rəqabətdən udur. Çinlə Rusiya arasındakı rəqabət onların coğrafi yaxınlığı ilə müəyyənləşdiyindən – o məhz buna görə saxlanacaq – manevr, həmçinin durumdan asılı olaraq bu iki dövlətə münasibətdə mövqeyin yumşaldılması və ya sərtləşdirilməsi üçün Amerikanın böyük imkanları meydana çıxacaq.

ABŞ-ın Amerikanın Qərb yarımkürəsində qazandığı nüfuzu Çinin şərq yarımkürəsində qazanmasına mane olmağı lazımdır. Lakin Vaşinqton bunu elə şəkildə etməlidir ki, prosesdə Mərkəzi Avropa və Yaxın Şərqin bir hissəsini Rusiyaya güzəştə getməsin.

Bu tapmacanın yozumu geopolitika hüdudlarndan kənardadır. Vaşinqtonun Avrasiyada ərazi iddiaları olmadığından yerli əhali amerikalılara ruslara və ya çinlilərə yanaşdığı qədər şübhə ilə yanaşmır. Amerika azad ticarət prinsiplərini, insan haqları və vətəndaş cəmiyyətinin müdafiəsini israrla irəlilətmək yoluyla bu bölgənin hazırda sürətli sosial transformasiyadan keçən cəmiyyətlərində öz nüfuzunu yüksəldəcək. ABŞ bir dövləti başqasının üstünə salmağa cəhd etmədən Avrasiyaya çıxış hüququnu məhz bu cür əldə edəcək.

Robert Kaplan

The New York Times

Tərcümə Strateq.az-ındır.
Sozcu.az

Bölmənin digər xəbərləri

20 Noyabr 2017 MOSKVA KÜRD KARTINI VAŞİNQTONUN ƏLİNDƏN NECƏ ALDI?-Təhlil
15 Noyabr 2017 Yaxın Şərqdə böyük müharibə potensialı:sonda İran dağılar, Səudiyyə parçalanar, İsrail isə sağ çıxmaya bilər
14 Noyabr 2017 Yıldırımın “şiə təhlükəsi” açıqlamasında məqsədi… – Şərh
07 Noyabr 2017 SƏUD XANƏDANININ ƏN DOLAŞIQ DÖVRÜ:Varislik iddiası hələ çox qan tökdürəcək - TƏHLİL
03 Noyabr 2017 ANKARA-BAĞDAD İTTİFAQININ BAŞ TUTMA EHTİMALI:kürd partiyaları arasında rəqabət PKK-nı gücləndirə bilər
28 Oktyabr 2017 Rusiya dağılacaq, İrəvan silinəcək, Azərbaycan və Türkiyə... – ABŞ kəşfiyyatının ŞOK PROQNOZU
25 Oktyabr 2017 RUSİYANIN “AXİLLES DABANI” – ŞİMALİ QAFQAZ:Putin ən etibarlı bürokratını niyə məhz Dağıstana göndərdi? - TƏHLİL
24 Oktyabr 2017 Kataloniya “daxili problemdir”, Qarabağ qlobal? – Təzad
17 Oktyabr 2017 Politoloq: "Kərkük taktikası Qarabağa tətbiq oluna bilər"
12 Oktyabr 2017 Əliyev, Ərdoğan və Putinin sinxron hərəkətinin sirri:“ABŞ BU 3 ÖLKƏDƏ HAKİMİYYƏTİ DƏYİŞMƏK İSTƏYİR” – TƏHLİL
02 Oktyabr 2017 Britaniya mətbuatı: “Şimali Kipr Türk Respublikasını tanımağın vaxtı çatıb”
29 Sentyabr 2017 İraq-Kürdüstan savaşı başlasa, kim qalib gələcək? –Tərəflərin hərbi imkanları haqda fərqli rəylər var - TƏHLİL
23 Sentyabr 2017 General Sisinin Suriya və İraq həmləsi:Ehramlar ölkəsi köhnə bazarlarda Rusiya, Çin və İranla rəqabətə başlayır - Təhlil
14 Sentyabr 2017 İsrail üçün qara xəbər:Yaxın Şərqdə qüvvələr balansı dəyişilir – Təhlil
09 Sentyabr 2017 “Böyük İsrail” və Kürdüstan:Yaxın Şərqdə “İnon planı” gerçəkləşdirilir – Təhlil
06 Sentyabr 2017 Putin Sarkisyanı söydü
03 Sentyabr 2017 Rusiyanın növbəti Qarabağ riyakarlığı
30 Avqust 2017 Berlinin Ankaraya aqressiyasının gizli səbəbi – Bakı faktı da...
25 Avqust 2017 Türkiyə Ermənistanla sərhəddi açacaqmı? -TƏHLİL
14 Avqust 2017 MİLLƏT – ORDU”, YOXSA MƏZARLIQ?
© 2016 www.sozcu.az - Bütün hüquqlar qorunur.

Ünvan: Ağsu şəh., Melaratorlar qəs., ev 7. m.6
Direktor Anar Rəsulov
Redaktor Elşən Məmmədov - 055 972 53 53
Mob: 055 637 07 69
Tel: 020 226 42 28
email: sozcu.az@gmail.com

Saytda yerləşdirilmiş hər bir materiala olan hüquqlar Azərbaycan Respublikasının qanunvericiliyinə, həmçinin müəlliflik hüququ qanunlarına əsasən qorunur.
Müəlliflərin mövqeyi redaksiyanın mövqeyi ilə uyğun gəlməyə bilər. Saytdakı materiallardan istifadə zamanı istinad zəruridir.