Xəbər lenti

elcinmirz.jpg
Avropa Şurasının rəhbəri Donald Tusk ötən həftəsonu Avropa Birliyinin Kataloniya prosesinə müdaxilə imkanlarının olmadığı və bunun İspaniyanın daxili işi olduğu ilə bağlı bəyanat yayıb. Yəni, İspaniya öz ərazi bütövlüyü ilə bağlı hansı tədbirləri görsə, qurum bunu normal qarşılayacaq. Ancaq Dağlıq Qarabağ məsələsində Avropa Birliyi bunu Azərbaycanın ərazi bütövlüyü məsələsi, onun daxili işi kimi qəbul etmir. Hətta problemin həll edilə bilməsi üçün Azərbaycandan müəyyən güzəştlər etməsi tələb olunur. Buna səbəb nədir?

Sozcu.az xəbər verir ki, Axar.az-a açıqlamasında analitik Elçin Mirzəbəyli bunun səbəbinin dəfələrlə vurğuladığımız kimi, ikili standartlar olduğunu bildirib:

“Dünyanın aparıcı ölkələri və onların himayəsində olan beynəlxalq təşkilatlar artıq uzun illərdir ki, beynəlxalq hüququn dövlətlərin ərazi bütövlüyünü və sərhədlərinin toxunulmazlığına təminat verən prinsiplərini öz maraqlarının girovuna çeviriblər. Dünyada ədalətin gücü deyil, gücün ədaləti hökm sürür. Bütün bunlar fundamental səbəblərdir. Bundan başqa, şübhəsiz ki, BMT başda olmaqla, beynəlxalq təhlükəsizliyə təminat verən bütün təşkilatların geosiyasi maraqların ifadəsi və uzlaşdırılması üçün alətə, bəzən isə bazar piştaxtasına çevrilməsi, dünyanı beynəlxalq hüququn ali prinsiplərinin deyil, böyük güclərin və transmilli şirkətlərin yaratdığı klubların idarə etməsi, etnik, dini və digər bu kimi amillərdən geosiyasi və geoiqtisadi məqsədlər üçün istifadə edilməsi kimi səbəblər də var”.

Politoloq Elxan Şahinoğlu isə bunun səbəbinin Qərbin Dağlıq Qarabağ probleminə fərqli yanmaşması və problemin həllində Ermənistanın maraqlarının nəzərə alınması olduğunu qeyd edib:

“Bütün bunlar məhz ikili standartlara gətirib çıxarır. Kataloniya məsələsində Kataloniyanın seperatizminə Avropa ölkələri arasında fəal dəstək verən ölkə yoxdur. Dağlıq Qarabağ məsələsində isə faktiki biz Ermənistanla müharibə şəraitindəyik, Ermənistan bizim torpaqlarımızı işğal edib. Ona görə də Avropa İttifaqı bu məsələyə guya fərqli yanaşır. Amma əslində Avropa İttifaqı sözdə Azərbaycanın ərazi bütövlüyünü dəstəkləyir. Avropa Parlamentində bununla bağlı qətnamələr qəbul edilib. Amma çox təəssüf ki, bu qətnamələr işləmir, qüvvəyə minmir. Məsələn, İspaniyaya dedikləri kimi, Dağlıq Qarabağ məsələsində bunun Azərbaycanın daxili işi olduğunu və Azərbaycanın bu məsələni öz bildiyi kimi həll edə biləcəyini demirlər. Əksinə, Rusiya Xarici İşlər naziri Serqey Lavrov bir müddət öncə Dağlıq Qarabağ probeminin Azərbaycanın daxili işi olmaması ilə bağlı açıqlama vermişdi. Bütün bunlar ondan xəbər verir ki, əslində biz heç kimə güvənmədən, ümid etmədən, öz məsələmizi özümüz həll etməyə çalışmalı və işğalçıya təzyiqi artırmalıyıq”.

Politoloq ikili standartlara din amilinin əsas rol oynaması ilə bağlı səsləndirilən fikirlərə də münasibət bildirib:

“Əslində, bu amil də müəyyən qədər rol oynayır. Amma sırf müsəlman ölkəsi olmağımıza görə bizə ikili yanaşma olduğunu deyə bilmərik. Bu məntiqlə düşünsək, İran da müsəlman ölkəsidir, ancaq bizə Qarabağ məsələsində real dəstək vermir, əksinə, Ermənistanla əlaqələrini inkişaf etdirir. Yəni bu baxımdan yanaşdıqda İran bizə tam dəstək verməlidir. Təsadüfi deyil ki, dövlət başçısı İlham Əliyev D-8 sammitində çıxışı zamanı məscidləri dağıdan ölkənin müsəlman ölkələrinin dostu ola bilməyəcəyini dedi. Bu, Ermənistanla münasibətləri, ticarət əlaqələri olan müsəlman dövlətlərinə çağırış idi. Belə müsəlman ölkələri, çox təəssüf ki, var. Hazırda bir çox xristian ölkələrinin Azərbaycanın ərazi bütövlüyü ilə bağlı çox ciddi qəbul etdiyi sənədlər, qətnamələr mövcuddur. Ona görə də buna din deyil, geosiyasi maraqlar prizmasından yanaşmaq daha məntiqlidir”.

Bölmənin digər xəbərləri

17 Fevral 2018 ABŞ, İsrail, Türkiyə... - Savaşın gizlinləri açıldı
15 Fevral 2018 Tofiq Zülfüqarov: Krakovda bizə dalana dirənmiş istiqamət təklif olunur
05 Fevral 2018 Türkiyənin yeni xarici siyasəti: müdafiədən hücuma –Davutoğlunun "sıfır problem" doktrinasından niyə imtina olundu? - TƏHLİL
05 Fevral 2018 Amerikalı casusdan Türk ordusu və “dərin dövlət”lə bağlı SENSASİYALI ÇAĞIRIŞ
29 Yanvar 2018 Seçkidə İştirak, yoxsa boykot?
25 Yanvar 2018 “STRATFOR” Rusiyanın 2018-ci ildəki xarici siyasətindən yazdı:Avrasiya, Qarabağ, seçkilər –– TƏHLİL
24 Yanvar 2018 Türkiyə hücumu: “Böyük İsrail” və Sevr məhv edildi – General
16 Yanvar 2018 ABŞ DAHA BİR “KÜRDÜSTAN”I DA SURİYADA QURUR –Əsədin ölkəsini parçalamaq planı qüvvədədir - TƏHLİL
09 Yanvar 2018 NİYƏ ETİRAZÇILAR RUHANİYƏ QARŞI BU QƏDƏR QƏZƏBLİ İDİLƏR? –İran prezidentinin 24 milyon seçiciyə borcu var
05 Yanvar 2018 ABŞ-da NƏ QƏDƏR MÜSƏLMAN YAŞAYIR? –Yaxın gələcəkdə Birləşmiş Ştatlarda ikinci ən böyük dini qrup - ARAŞDIRMA
03 Yanvar 2018 Azər Qasımlı İranda baş verən hadisələrdən yazdı
01 Yanvar 2018 Putinin məxfi ordusu: ondan necə istifadə olunur?
27 Dekabr 2017 "İsrailin Azərbaycanın yanında olması erməni lobbisinə daha bir mesajdır" - ekspert
25 Dekabr 2017 ABŞ-dan şok hesabat – Rusiyanın hərbi imkanları...
19 Dekabr 2017 2018-ci ildə gözlənilən müharibələr:Şimali Koreya, Suriya və Ukraynada nələr baş verəcək?
14 Dekabr 2017 ABŞ YAXIN ŞƏRQDƏ HAKİM ROLUNU İTİRİR –Tramp “yaşıl xətt”i niyə dağıtdı? –TƏHLİL
08 Dekabr 2017 YPG-PYD-RUSİYA HƏRBİ ƏMƏKDAŞLIĞI:Suriya kürdləri indi Moskvaya daha çox meyillənirlər - TƏHLİL
06 Dekabr 2017 Fazil Məmmədov niyə vəzifədən çıxarıldı? – Səbəblər
04 Dekabr 2017 Donald Tramp Qüdsü İsrailin paytaxtı olaraq tanıyacaqmı?
30 Noyabr 2017 KÖRFƏZ ÖLKƏLƏRİNƏ SİLAH KÖÇÜ –Rusiya silah bazarında BƏƏ-nin əsas satıcısına çevrilib - TƏHLİL
© 2016 www.sozcu.az - Bütün hüquqlar qorunur.

Ünvan: Ağsu şəh., Melaratorlar qəs., ev 7. m.6
Direktor Anar Rəsulov
Redaktor Elşən Məmmədov - 055 972 53 53
Mob: 055 637 07 69
Tel: 020 226 42 28
email: sozcu.az@gmail.com

Saytda yerləşdirilmiş hər bir materiala olan hüquqlar Azərbaycan Respublikasının qanunvericiliyinə, həmçinin müəlliflik hüququ qanunlarına əsasən qorunur.
Müəlliflərin mövqeyi redaksiyanın mövqeyi ilə uyğun gəlməyə bilər. Saytdakı materiallardan istifadə zamanı istinad zəruridir.