Xəbər lenti

elcinnnn.jpg
Türkiyənin İqtisadiyyat naziri Nihad Zeybəkçinin açıqlaması, əslində, Almaniya kansleri Angela Merkelə cavabdır.

Sozcu.az  xəbər verir ki, bu sözləri Axar.az-a Türkiyənin Avrasiya İqtisadi Birliyi (AİB) ilə gömrük razılaşması imzalamaq istəməsi fonunda ortaya çıxan bəzi sullara aydınlıq gətirən analitik Elçin Mirzəbəyli deyib.

Ankaranın şansı yoxdur

Analitik Türkiyənin AİB-lə gömrük razılaşması imzalamaq istəməsi haqda səslənən fikirlərin həddindən artıq maksimalist ruhda olduğunu düşünür:

“Türkiyənin İqtisadiyyat naziri Nihad Zeybəkçinin açıqlaması, əslində, Almaniya kansleri Angela Merkelə bir cavabdır. Çünki Merkel Türkiyə ilə Gömrük Birliyi haqqında anlaşmanı təsdiq etməyəcəklərini bəyan etmişdi. Türk nazirin sözügedən açıqlaması da məhz buna adekvat olaraq verilib, üstəlik, nə qədər real olub-olmayacağı ilə bağlı hələ ki, rəsmi açıqlama yoxdur. Ümumiyyətlə, Gömrük Birliyi Avrasiya İqtisadi Birliyinin tərkib hissəsidir və AİB-in rəhbər strukturlarına tabedir. Yəni AİB-ə üzv olmayan dövlətlər bu quruma ayrıca bir formada üzv ola bilməzlər. Əgər Türkiyə Gömrük İttifaqına daxil olmaq istəyirsə, o zaman mütləq AİB-də təmsil olunmalıdır. Bu ittifaqda isə qərarlar konsensusla qəbul olunur. Yəni qəbul edilən qərarlar ittifaqa üzv olan dövlətlərin başçılarının ali şurasında təsdiq olunmalıdır. Hər hansı bir dövlət konsensus yolu ilə qərarlara veto da qoya bilər. Bu isə o deməkdir ki, faktiki olaraq indiki şəraitdə Türkiyənin Avrasiya İqtisadi Birliyinə daxil olmaq üçün heç bir şansı yoxdur. Digər tərəfdən, bu münasibətlər ikitərəfli və çoxtərəfli müqavilələr yoluyla da tənzimlənə bilər. Yəni AİB-in nizamnaməsi imkan verir ki, qurum ayrı-ayrı dövlətlərlə gömrük və digər sahələrdə sadələşdirilmiş prosedur keçmək üçün müqavilələr imzalasın. Türkiyənin ittifaqla əməkdaşlığı ancaq bu müstəvidə mümkün ola bilər”.

Ərdoğanın Bakıya vədi...

Sözügedən məsələnin Ermənistanla sərhədlərin açılması kontekstindən əlaqələndirilməsinə gəlincə, politoloq bunu doğru saymadığını deyib:

“Bunlar tamamilə ayrı-ayrı mövzu və istiqamətlərdir. Türkiyənin indiki şəraitdə Azərbaycanın maraqlarına hər hansı bir zidd addım atacağını düşünmürəm. Bu, Türkiyənin dövlət başçısı səviyyəsində də bəyan edilib. Ərdoğanın verdiyi vəddən geri çəkilməsi üçün hər hansı bir əsas yoxdur. Bu, türk liderin prinsip və davranışlarına da uyğun gələn bir yanaşma tərzi deyil”.

Rusiyanın Türkiyə ümidi...

Məsələyə Türkiyənin Rusiya vasitəsiylə Qərbə həmlə etməsi aspektindən də yanaşan analitik bildirib ki, Ankaranın belə bir oyuna ehtiyacı yoxdur:

“Bu, real deyil. Əslində, Rusiya elə sanksiyalar qarşısındadır ki, indiki şəraitdə Moskvanın Ankaraya daha çox ehtiyacı var. İqtisadi, maliyyə sanksiyaları, enerji sektorunda Rusiyanın fəaliyyətinin məhdudlaşdırılması və rus şirkətlərinə tətbiq olunan embarqolar Moskvanın manevr imkanlarını zəiflədib. İndi Türkiyə ilə iqtisadi əməkdaşlıq Rusiyanın daha çox marağındadır, nəinki Türkiyənin. Bu aspektdən də məsələnin Ermənistanla sərhədlərin açılması şərtiylə bitəcəyi absurd bir yanaşmadır. Ermənistan Azərbaycan torpaqlarının işğalından geri çəkilmədiyi və Rusiya Ermənistana qarşı konkret sanksiya və təzyiqlər həyata keçirmədiyi təqdirdə Türkiyə işğalçıyla sərhədləri açmayacaq”.

Qeyd edək ki, Türkiyənin İqtisadiyyat naziri Nihad Zeybəkçi bir müddət öncə ölkəsinin Avrasiya İqtisadi Birliyi (AİB) ilə gömrük razılaşması imzalamaq niyyətində olduğunu açıqlayıb. Hazırda bu məsələ erməni ekspert dairələrində geniş müzakirə olunur və Türkiyənin Ermənistanın üzv olduğu koalisiya ilə müqavilə bağlamaq istəyi Ermənistan-Türkiyə sərhədinin açılması baxımından şans kimi dəyərləndirilir.

Bölmənin digər xəbərləri

17 Fevral 2018 ABŞ, İsrail, Türkiyə... - Savaşın gizlinləri açıldı
15 Fevral 2018 Tofiq Zülfüqarov: Krakovda bizə dalana dirənmiş istiqamət təklif olunur
05 Fevral 2018 Türkiyənin yeni xarici siyasəti: müdafiədən hücuma –Davutoğlunun "sıfır problem" doktrinasından niyə imtina olundu? - TƏHLİL
05 Fevral 2018 Amerikalı casusdan Türk ordusu və “dərin dövlət”lə bağlı SENSASİYALI ÇAĞIRIŞ
29 Yanvar 2018 Seçkidə İştirak, yoxsa boykot?
25 Yanvar 2018 “STRATFOR” Rusiyanın 2018-ci ildəki xarici siyasətindən yazdı:Avrasiya, Qarabağ, seçkilər –– TƏHLİL
24 Yanvar 2018 Türkiyə hücumu: “Böyük İsrail” və Sevr məhv edildi – General
16 Yanvar 2018 ABŞ DAHA BİR “KÜRDÜSTAN”I DA SURİYADA QURUR –Əsədin ölkəsini parçalamaq planı qüvvədədir - TƏHLİL
09 Yanvar 2018 NİYƏ ETİRAZÇILAR RUHANİYƏ QARŞI BU QƏDƏR QƏZƏBLİ İDİLƏR? –İran prezidentinin 24 milyon seçiciyə borcu var
05 Yanvar 2018 ABŞ-da NƏ QƏDƏR MÜSƏLMAN YAŞAYIR? –Yaxın gələcəkdə Birləşmiş Ştatlarda ikinci ən böyük dini qrup - ARAŞDIRMA
03 Yanvar 2018 Azər Qasımlı İranda baş verən hadisələrdən yazdı
01 Yanvar 2018 Putinin məxfi ordusu: ondan necə istifadə olunur?
27 Dekabr 2017 "İsrailin Azərbaycanın yanında olması erməni lobbisinə daha bir mesajdır" - ekspert
25 Dekabr 2017 ABŞ-dan şok hesabat – Rusiyanın hərbi imkanları...
19 Dekabr 2017 2018-ci ildə gözlənilən müharibələr:Şimali Koreya, Suriya və Ukraynada nələr baş verəcək?
14 Dekabr 2017 ABŞ YAXIN ŞƏRQDƏ HAKİM ROLUNU İTİRİR –Tramp “yaşıl xətt”i niyə dağıtdı? –TƏHLİL
08 Dekabr 2017 YPG-PYD-RUSİYA HƏRBİ ƏMƏKDAŞLIĞI:Suriya kürdləri indi Moskvaya daha çox meyillənirlər - TƏHLİL
06 Dekabr 2017 Fazil Məmmədov niyə vəzifədən çıxarıldı? – Səbəblər
04 Dekabr 2017 Donald Tramp Qüdsü İsrailin paytaxtı olaraq tanıyacaqmı?
30 Noyabr 2017 KÖRFƏZ ÖLKƏLƏRİNƏ SİLAH KÖÇÜ –Rusiya silah bazarında BƏƏ-nin əsas satıcısına çevrilib - TƏHLİL
© 2016 www.sozcu.az - Bütün hüquqlar qorunur.

Ünvan: Ağsu şəh., Melaratorlar qəs., ev 7. m.6
Direktor Anar Rəsulov
Redaktor Elşən Məmmədov - 055 972 53 53
Mob: 055 637 07 69
Tel: 020 226 42 28
email: sozcu.az@gmail.com

Saytda yerləşdirilmiş hər bir materiala olan hüquqlar Azərbaycan Respublikasının qanunvericiliyinə, həmçinin müəlliflik hüququ qanunlarına əsasən qorunur.
Müəlliflərin mövqeyi redaksiyanın mövqeyi ilə uyğun gəlməyə bilər. Saytdakı materiallardan istifadə zamanı istinad zəruridir.