Xəbər lenti

erdoxamne.jpg
İranla Türkiyə qarşıdurma həddinə çatsa, bu, Yaxın Şərqin gələcəyindən ötrü çox təhlükəli olar.

 Axar.az xəbər verir ki, bu barədə “Nyu York Tayms” qəzetində dərc olunan analizdə qeyd olunub.

Məqalədə İranla Türkiyə arasında ziddiyyətlərin artması və bu təhlükəli tendensiyanın yaradacağı fəsadlar qeyd olunub:

“İranla Türkiyə arasında bugünkü qarşıdurma onların əcdadlarının – Bizans və Fars imperiyalarının Mesopotamiya, yəni indiki İraqla Suriya uğrunda mübarizəsinin təkrarıdır. Quruluşunu dəyişmiş iki ölkə 200 ildir qoruyub saxladığı sülhü indi pozmaq üzrədir. Hər ikisi Suriya və İraqdakı sünnilərlə şiələrin münaqişəsinə qoşulub və son illərdə əldə etdikləri iqtisadi əməkdaşlığın üstündən xətt çəkməyə hazırmış kimi görünürlər.

İranla Türkiyə qarşıdurma həddinə çatsa, bu, Yaxın Şərqin gələcəyindən ötrü çox təhlükəli olar. Hadisələrin indiki inkişafı daha çox qan tökülməsinə, stabilliyin bir az da pozulmasına, ehtiyatsızlıq edilərsə, hətta birbaşa hərbi qarşıdurmaya səbəb ola bilər”.

Analizdə Türkiyə və İranın Suriyada aktivliyinin səbəbləri göstərilib. İki ölkənin burada ümumi düşməni və maraqları olsa da, nə Ankara, nə də Tehran əməkdaşlığa tələsir:

“Türkiyə İraq və Suriyada bir neçə səbəbdən fəallıq göstərir. Bir tərəfdən İranın öz tarixi nüfuz dairəsinə müdaxiləsini artırmaq cəhdlərinə cavab verməyə çalışır, digər tərəfdən PKK-nın güclənməsinin qarşısını alır.

Nəticədə Suriyada Türkiyənin arxa durduğu qiyamçılar cənuba irəliləyib, Türkiyə ilə sərhəd yaxınlığında kök salmış İŞİD-i qova biliblər. İndi qiyamçılar Əl Babın astanasındadırlar. Məhz bu şəhər İran və Türkiyənin, həmçinin ABŞ-ın yardım etdiyi qüvvələrin toqquşma nöqtəsinə çevrilib. Rəsmilər noyabrın 24-də Əl Bab yaxınlığındakı əməliyyatlarda türk əsgərlərini İran dronlarının vurduğunu iddia edirlər.

İranla Türkiyə arasında qarşılıqlı etimad qorxulu şəkildə azalmaqdadır. Türkiyə İranı regiondakı şiə yaraqlılarını silahlandıraraq sünnilərin üstünə göndərməkdə, Tehran isə Türkiyəni Osmanlı dövründəki nüfuzunu bərpa etmək cəhdində və Suriyadakı cihadçılara yardım etməkdə günahandırır.

Halbuki hər tərəf qarşısındakını günahlandırdığı tərzdə hərəkət edir: hərbi qüvvələrini sərhədlərindən o tərəfə göndərir, yaraqlılara yardım edir, Suriya və İraqdakı çaxnaşmalardan qalan xarabalıqlara nəzarəti ələ keçirməyə çalışırlar.

Hər iki ölkənin ümumi marağı da var. Ankara və Tehran İŞİD-ə və kürd qüvvələrinə qarşı birləşə bilər. Lakin birinin digərindən üstün olma istəkləri və qarşılıqlı şübhə buna imkan vermir.

Durumun daha da pisləşməsini əngəlləməkdən ötrü İranla Türkiyə hər şeydən öncə etimadsızlığa üstün gəlməli, bir-birinin maraqlarını və təhlükəsizlik problemini açıq etiraf etməlidirlər. Bunun üçün Suriya və İraqla bağlı yüksəksəviyyəli və davamlı danışıqlar aparılmalı, danışıqlar əvvəlkilərdən fərqli olaraq xüsusi xətt üzrə davam etdirilməlidir. Türkiyə Prezidenti Rəcəb Tayyib Ərdoğanla İranın ali lideri Əli Xameneinin bu cür danışıqlardan ötrü xüsusi təmsilçilər təyin etməsi daimi diplomatik kanalın yaranması baxımından çox vacibdir.

Ayrıca, əməkdaşlığın gücləndirilməsi, ümumi düşmənə qarşı mübarizənin effektini təmin etmək, təsadüfi itkilərin qarşısını almaqdan ötrü kəşfiyyat məlumatlarının mübadiləsi əlaqələr yeni nəfəs verə bilər”.

Bölmənin digər xəbərləri

17 Fevral 2017 Generalların Bakı görüşü və ya Moskvanın ikibaşlı oyunu –Politoloqdan şərh
14 Fevral 2017 DTX əməkdaşlığa necə cəlb edir?
06 Fevral 2017 Tramp Qəzzafi və Səddamı niyə müdafiə etdi?
25 Yanvar 2017 Qazaxstanda nə baş verir? — Rus mətbuatından müdhiş iddia
19 Yanvar 2017 İranda Yeni “Türk açılımı”. Türk fraksiyası İranın Qarabağ siyasətinə təsir edə bilərmi..
09 Yanvar 2017 İranın xarici siyasətimizə müdaxiləsi haradan qaynaqlanır?!
07 Yanvar 2017 ABŞ kəşfiyyatı təsdiqlədi: Putin Trampa kömək edib
02 Yanvar 2017 ÜFÜQDƏKİ TRAMP-PUTİN PAKTI – ”Mən Rusiya ilə yola getmək istəyirəm”
28 Dekabr 2016 Stratfor: “2017-ci ildə Rusiya üçün şans yaranacaq”
26 Dekabr 2016 “Putinin İttifaqı”nda dekorativ müvəffəqiyyət: qaliblər və bəxtsizlər
22 Dekabr 2016 Polşada böhran: Avropada ilk inqilab cəhdi, yoxsa şişirdilmiş siyasi qarşıdurma? - TƏHLİL
20 Dekabr 2016 “Səfir o zaman öldürülsəydi...” – Nyu York Tayms
12 Dekabr 2016 Avropanın iç üzü: İstanbul olayı niyə terror sayılmadı?- Heyrәtamiz faktlar
06 Dekabr 2016 RUSİYANIN QARŞISINI YALNIZ NATO ALA BİLƏR! – Britaniyanın müdafiə naziri
04 Dekabr 2016 Kölgə MKİ-dən köhnə SSRİ proqnozu - Stratfor
27 Noyabr 2016 Qloballaşma- ümumbəşəri proses kimi
23 Noyabr 2016 “Türkiyə ABŞ və NATO çərçivəsində müttəfiqliyindən uzaqlaşmayacaq”
20 Noyabr 2016 Yeni Monro doktorinası: ABŞ dünyanı Rusiya ilə bölür?
14 Noyabr 2016 Rus-erməni ordusu Azərbaycana nə vəd edir?- TƏHLİL
12 Noyabr 2016 "Kürdüstan" projesində Azərbaycanı nə gözləyir?
© 2016 www.sozcu.az - Bütün hüquqlar qorunur.

Ünvan: Ağsu şəh., Melaratorlar qəs., ev 7. m.6
Tel: 0202264228
Təsisçi Elşən Əlisoy - Mob: 055 972 53 53
email:Sozcu.az@gmail.com

Saytda yerləşdirilmiş hər bir materiala olan hüquqlar Azərbaycan Respublikasının qanunvericiliyinə, həmçinin müəlliflik hüququ qanunlarına əsasən qorunur.
Müəlliflərin mövqeyi redaksiyanın mövqeyi ilə uyğun gəlməyə bilər. Saytdakı materiallardan istifadə zamanı istinad zəruridir.