Xəbər lenti

adr.jpg
Bu gün ADP İdarə Heyətinin növbəti toplantısı keçirilib.

 Partiyadan Strateq.az-a verilən məlumata görə, toplantıda ölkənin ictimai-siyasi həyatına dair bir sıra məslələr müzakirə edilib.

Müzakirə iştirakçıları ilk növbədə ötən həftə “Economist Intelligence Unit” təşkilatının açıqladığı illik Demokratiya İndeksində Azərbaycanda hüquqi, demokratik, geriləmələr, qanunun aliliyi prinsipinin pozulması, insan hüquq və azadlıqlarının məhdudlaşdırılması, avtoritar dövlət idarə etmənin mövcudluğu barədə səsləndirdiyi fikirlərə münasibət bildirib və bu hesabatın Azərbaycan reallıqlarını obyektiv əks etdirdiyini diqqətə çatdırıblar.

Partiya yetkililəri hakim elitanı bu hesabatdan nəticə çıxarmağa ölkənin iqtisadi siyasi inkişafına yol açan, sosial tərəqqini təmin edən demokratik addımlar atmağa, idarəetmədə olan avtoritar və totalitar meylləri aradan qaldırmağa, qanunun aliliyi prinsipi, insan hüquq və azadlıqlarının pozulması ilə bağlı beynəlxalaq təşkilatlar qarşısında götürdüyü öhdəlikləri yerinə yetirməyə çağırıb.

İdarə Heyəti ABŞ-ın federal xəzinədarlıq idarəsinin sanksiya siyahısına separatçı qondarma "Donets Xalq Respublikası"nın rəhbər heyətinin salınmasını təqdir edib, eyni zamanda, anoloji olaraq qondarma “Dağlıq Qarabağ” rejiminə bu cür sanksiyaların tətbiq edilməməsini eyni tip münaqişələrə ikili standartlardan yanaşma kimi dəyərləndirib və Azərbaycan hakimiyyətini bu sahədə lobbiçilik fəaliyyətini gücləndirməyə çağırıb.

İdarə Heyəti Rusiyanın Federasiya Şurasının “Cənubi Osetiya hərbi birləşmələrinin Rusiya ordusu tərkibinə daxil olması qaydaları haqda” ikitərəfli sazişi ratifikasiya etməsini və V.Jirinovskinin Qarabağ probleminin və postsovet məkanında bu tipli münaqişələrin yeganə həll variantı kimi milli sərhədlər saxlanılmaqla, Rusiya ilə birləşməyin vacibliyi ilə bağlı sərsəm, avantürist bəyanatını qətiyyətlə pisləyib və bu addımların beynəlxalq hüquqa, ölkələrin suverenlik və ərazi bütövlüyünə qarşı yönəlik hərəkət olmaqla yanaşı bu bəyanatın yeni dünya müharibəsinə yol açması kimi dəyərləndirib. Partiya rəsmiləri müstəqil dövlətləri bu cür imperialist düşüncəli hərəkətlərə qarşı vahid mövqedən çıxış etməyə, Rusiyanın ölkələrin müstəqilliyinə qarşı yönəlmiş hərəkətlərinə qarşı birgə mübarizə aparmağa çağırıb.

İdarə Heyəti tanınmış vəkil A.İsmaylova qarşı qondarma ittihamlar irəli sürülərək onun barəsində məhkəmə qurulmasını qətiyyətlə pisləyib bu hadisəni ölkədə hökm sürən siyasi repressiyanın davamı kimi qiymətləndirib və ölkə başçısını ölkədə siyasi mötivli həbslərə son qoymağa çağırıb.

İdarə Heyəti növbəti prezident seçkilərinə vaxtından əvvəl start verilməsi ilə bağlı məsələyə münasibət bildirib və vaxt azlığının, maliyyə resurslarının məhdudluğunu, uzun müddət hakimiyyətin apardığı repressiv siyasət nəticəsində müxalifətlə xalq arasında əlaqələrin zəifləməsi şərtləri daxilində müxalif qüvvələrin bu seçkilərdə iştirakının bir sıra çətinliklər törədə biləcəyini diqqətə çatdırıb və hakimiyyəti qoyulan məhdudiyyətləri ardan qaldırmağa, seçkidə iştirak edəcək bütün tərəflərə bərabər şərait yaratmağa çağırıb.
Sozcu.az

Bölmənin digər xəbərləri

18 Fevral 2018 ABŞ-ın iki eskadra mina gəmisi Qara dənizə daxil olub
18 Fevral 2018 Sarkisyan Azərbaycan dilində danışdı
18 Fevral 2018 ABŞ-ın rəsmən ittiham etdiyi 13 Rusiya vətəndaşının adları açıqlandı – SİYAHI
17 Fevral 2018 MSK daha 7 nəfərin prezidentliyə namizədliyinin irəli sürülməsini təsdiq etdi
14 Fevral 2018 Prezidentliyə iddialıların sayı artır - 11 namizəd
13 Fevral 2018 Rəsul Quliyev kimin dəyirmanına su tökür...?
10 Fevral 2018 Qazax rayonunda xanım Jurnalist aclıq aksiyasına başladı
10 Fevral 2018 Pensiyalar nə qədər artıb?
06 Fevral 2018 Pentaqon iki variantdan birini SEÇDİ – ABŞ-Türkiyə MÜHARİBƏSİ YAXINLAŞIR
05 Fevral 2018 MSK yeni iclas təyin etdi –Növbədənkənar prezident seçkiləri ilə bağlı qərar verəcək
05 Fevral 2018 Terrorçu əsirdən şok etiraf: Qərbdən gələn hərbçilər...
05 Fevral 2018 Ərdoğan Roma Papası ilə görüşdü –59 ildən sonra Türkiyə rəhbəri yenidən Vatikana səfər edib FOTO
05 Fevral 2018 Növbədənkənar seçkilər necə elan edilə bilər? –QANUN
05 Fevral 2018 MSK növbədənkənar prezident seçkiləri ilə bağlı bir həftə ərzində qərar verəcək
05 Fevral 2018 Növbədənkənar seçki hansı ehtiyacdan irəli gəldi?
04 Fevral 2018 ABŞ-Rusiya savaşını yadplanetlilər dayandırıb – Şok
31 Yanvar 2018 Prezident general-polkovniklə bağlı sərəncam verdi
31 Yanvar 2018 Deputat Rövşən Rzayev Sarqisyanın qarşısında baş əyib?– FOTO
30 Yanvar 2018 Azərbaycan ordusunun gücü... - General
30 Yanvar 2018 Hüquq müdafiəçisinə verilən mükafatı Azərbaycanda sındırıblar -FOTOLAR
© 2016 www.sozcu.az - Bütün hüquqlar qorunur.

Ünvan: Ağsu şəh., Melaratorlar qəs., ev 7. m.6
Direktor Anar Rəsulov
Redaktor Elşən Məmmədov - 055 972 53 53
Mob: 055 637 07 69
Tel: 020 226 42 28
email: sozcu.az@gmail.com

Saytda yerləşdirilmiş hər bir materiala olan hüquqlar Azərbaycan Respublikasının qanunvericiliyinə, həmçinin müəlliflik hüququ qanunlarına əsasən qorunur.
Müəlliflərin mövqeyi redaksiyanın mövqeyi ilə uyğun gəlməyə bilər. Saytdakı materiallardan istifadə zamanı istinad zəruridir.