Xəbər lenti

dugin.jpg
Beynəlxalq Avrasiya Hərəkatının lideri, Kremlin ideoloqu hesab olunan rusiyalı filosof Aleksandr Duqin Türkiyəyə ABŞ-ın iqtisadi sanksiyaları ilə bağlı xəbərdarlıq edib.

Publika.az “Habertürk” nəşrinə istinadən xəbər verir ki, Duqin Qərbin Türkiyənin zəif yerlərindən istifadə etməyə çalışacağını bildirib.
Onun sözlərinə görə, Ankara İraq işğalından sonra yeni təhlükənin Qərb olduğunu başa düşüb.
Qərb Türkiyəni öz aralarında görmək istəmir. ABŞ kürdlərə dəstək verərək Türkiyə dövlətini təhdid edir. Ərdoğan (Türkiyə prezidenti Rəcəb Tayyib Ərdoğan –red.) həm müsəlmanlar, həm də Qərblə ittifaq bağladı. Nəticə nə oldu? Dövlət çevrilişinə cəhd. ABŞ islam ideologiyası və FETÖ-dən istifadə edərək dövlət çevrilişinə cəhd etdi. Davudoğlunun (Türkiyənin keçmiş xarici işlər naziri Əhməd Davudoğlu –red.) Suriya siyasəti başqa bir nümunədir. Yenə də islamçı və Qərb tərəfdarı fikirlərinin qarışığı idi. Proseslərin gəldiyi indiki nöqtə Ərdoğana Qərblə əlaqələrin bitdiyini göstərdi”, - Duqin deyib.
Beynəlxalq Avrasiya Hərəkatının lideri hesab edir ki, Ərdoğanın azad və müstəqil olmaq istəyi artdıqca, bir o qədər çox Qərbin hədəfinə çevrilir:
“Türkiyə bütöv qalmaq istəyirsə, bunu Qərb düşərgəsinin içində qalaraq edə bilməz. Türkiyə parlamentinə o bombaları (söhbət 2016-cı il iyulun 15-də qiyamçılar tərəfindən Türkiyə parlamentinin bombalanmasından gedir –red.) Rusiya atmadı.
Duqin Rusiya və Türkiyə arasında təyyarə böhranı ilə pozulan münasibətlərin normallaşması üçün Rusiya prezidenti Vladimir Putini yola gətirdiyini növbəti dəfə etiraf edib:
“Putini Ərdoğanla bağlı mən razı saldım. Bəli, münasibətlərin normallaşması üçün yardım etdim, çünki müharibənin bir addımlığında idik. Prezidentimizin fikrini asanlıqla dəyişdirmək mümkün deyil. Putin rasional və idealistdir. Bəzi mövzularla bağlı dəlilləri varsa, dəyərləndirir”.
Onun sözlərinə görə, Qərb “Ergenekon” və “Balyoz”dan sonra ordunun içində Ərdoğana dəstək verəcək kimsənin qalmadığını düşünmüşdü:
“Amma ordudakı atatürkçülər Ərdoğanı dəstəklədilər. ABŞ Mərkəzi Kəşfiyyat İdarəsi dövlət çevrilişinə cəhd gecəsi Rusiya ilə Türkiyə arasındakı əlaqə kanallarını kəsməyə çalışdı. Onlar Putini Ərdoğana qarşı mövqe tutması üçün razı salmağa çalışdılar. İstənilən liderin Ərdoğandan daha yaxşı olacağını, vətəndaş müharibəsinin baş verəcəyini və Rusiyanın bu müharibəni öz xeyrinə istifadə edə biləcəyini söylədilər. Putinin ətrafındakı təsirli şəxslərdən istifadə etmək istədilər. Amma Putini razı salmaq mümkün olmadı. Çünki bu, Türkiyənin sonu demək idi. Daha əvvəl də dediyim kimi, kürdlər dövlət çevrilişinə cəhddən sonra üsyan hazırlığı görmüşdülər”.
Rusiyalı filosof qeyd edir ki, Qərb bir çox amili bir araya gətirərək Türkiyəyə qarşı hərəkət edəcək. Duqinin fikincə, etnik qarşıdurmalar yaradıla, siyasi və hərbi elitadan Ərdoğana qarşı istifadə oluna bilər:
“Amerikalılar bütün zəif nöqtələrdən istifadə etməyə çalışacaqlar. Bütün iqtisadi əlaqələrdən mütləq istifadə edəcəklər. Daim hücum altında olacaqsınız. İran və Türkiyəyə qarşı sanksiyalar tətbiq olunub. Əminəm ki, onlar Türkiyəyə qarşı da bunu edəcəklər. İqtisadiyyatı xilas etmək üçün Türkiyənin “B” planı olmalıdır”.
Duqinin fikrincə, İran, Türkiyə, Rusiya, Suriya və İraq bir araya gələrək kürdlərə onları razı sala biləcək bir təklif verərsə, hamı öz təhlükəsizliyini təmin edər.
“Kürd kimliyinə laqeyd qalmamalıyıq. Çünki bunu etdikcə, onlar ABŞ və İsrailin əlinə düşürlər. Onların Amerika imperalizminin kuklaları olmasına mane olmalıyıq”, - o söyləyib.
Duqin dövlət çevrilişinə cəhddən əvvəl “orduda hərəkətlilik var” deyərək Ankaranı xəbərdar etmişdi.
Sozcu.az

Bölmənin digər xəbərləri

18 Fevral 2018 ABŞ-ın iki eskadra mina gəmisi Qara dənizə daxil olub
18 Fevral 2018 Sarkisyan Azərbaycan dilində danışdı
18 Fevral 2018 ABŞ-ın rəsmən ittiham etdiyi 13 Rusiya vətəndaşının adları açıqlandı – SİYAHI
17 Fevral 2018 MSK daha 7 nəfərin prezidentliyə namizədliyinin irəli sürülməsini təsdiq etdi
14 Fevral 2018 Prezidentliyə iddialıların sayı artır - 11 namizəd
13 Fevral 2018 Rəsul Quliyev kimin dəyirmanına su tökür...?
10 Fevral 2018 Qazax rayonunda xanım Jurnalist aclıq aksiyasına başladı
10 Fevral 2018 Pensiyalar nə qədər artıb?
06 Fevral 2018 Pentaqon iki variantdan birini SEÇDİ – ABŞ-Türkiyə MÜHARİBƏSİ YAXINLAŞIR
05 Fevral 2018 MSK yeni iclas təyin etdi –Növbədənkənar prezident seçkiləri ilə bağlı qərar verəcək
05 Fevral 2018 ADP İdarə Heyəti toplandı –Növbədənkənar seçki ilə bağlı hakimiyyətə çağırış edildi
05 Fevral 2018 Terrorçu əsirdən şok etiraf: Qərbdən gələn hərbçilər...
05 Fevral 2018 Ərdoğan Roma Papası ilə görüşdü –59 ildən sonra Türkiyə rəhbəri yenidən Vatikana səfər edib FOTO
05 Fevral 2018 Növbədənkənar seçkilər necə elan edilə bilər? –QANUN
05 Fevral 2018 MSK növbədənkənar prezident seçkiləri ilə bağlı bir həftə ərzində qərar verəcək
05 Fevral 2018 Növbədənkənar seçki hansı ehtiyacdan irəli gəldi?
04 Fevral 2018 ABŞ-Rusiya savaşını yadplanetlilər dayandırıb – Şok
31 Yanvar 2018 Prezident general-polkovniklə bağlı sərəncam verdi
31 Yanvar 2018 Deputat Rövşən Rzayev Sarqisyanın qarşısında baş əyib?– FOTO
30 Yanvar 2018 Azərbaycan ordusunun gücü... - General
© 2016 www.sozcu.az - Bütün hüquqlar qorunur.

Ünvan: Ağsu şəh., Melaratorlar qəs., ev 7. m.6
Direktor Anar Rəsulov
Redaktor Elşən Məmmədov - 055 972 53 53
Mob: 055 637 07 69
Tel: 020 226 42 28
email: sozcu.az@gmail.com

Saytda yerləşdirilmiş hər bir materiala olan hüquqlar Azərbaycan Respublikasının qanunvericiliyinə, həmçinin müəlliflik hüququ qanunlarına əsasən qorunur.
Müəlliflərin mövqeyi redaksiyanın mövqeyi ilə uyğun gəlməyə bilər. Saytdakı materiallardan istifadə zamanı istinad zəruridir.