Xəbər lenti

dim.jpg
Bildiyiniz kimi, 2019-cu ildə Azərbaycanda fəaliyyət göstərən ali və orta ixtisas təhsili müəssisələrinə ilk dəfə olaraq yeni formatda qəbul imtahanları keçriləcək. Bu imtahanlar zamanı birinci və ikinci mərhələdə hansı standartlar üzrə şagirdlərin bilik və bacarıqlarının yoxlanılacağı indidən tam şəkildə açıqlanmalıdır ki, hal-hazırda X sinifdə oxuyan şagirdlər daha rahat və yüksək səviyyədə hazırlaşa bilsin.

 Sozcu.az xəbər verir ki,bu sözləri Axar.az-a açıqlamasında təhsil eksperti Kamran Əsədov deyib. O bildirib ki, yeniliyə iki ildən də az müddət qalmasına baxmayaraq, hələ də həll olunmayan, müəllim və şagirdlər üçün açıq qalan suallar var:

“Bütün təhsil ictimaiyyətini narahat edən sual 2019-cu ildə keçriləcək qəbul imtahanlarında hansı dərsliklərdən istifadə olunması ilə bağlıdır. Məlum olduğu kimi, artıq IX sinifdə bütün tədris proqramı başa çatır və şagirdlər X-XI siniflərdə VI-IX siniflərdə öyəndikləri mövzuları təkrar, dərinləşmiş formada oxuyurlar. İndi maraqlıdır ki, qəbul imtahanlarında VI-XI sinif dərsliklərindən istifadə olunacaq, yoxsa yalnız X-XI siniflərdən? Nəzərə alsaq ki, Azərbaycan respublikası Prezidenti İlham Əliyevin 2004-cü il sərəncamından sonra orta məktəbdə təhsil alan bütün şagirdlərə dərsliklər pulsuz olaraq verilir, amma dərs ilinin sonunda həmən kitablar geri yığılır, deməli, ali məktəbə sənəd verən XI sinif şagirdinin aşağı sinif kitabları yoxdur. Bu o deməkdir ki, valideynlər əlavə xərc çəkərək, həmin kitabları əldə etməlidir. Bundan əlavə, şagirdlər aşağı siniflərdəki mövzuları təkrarlamaq, oxumaq üçün yenidən repetitora müraciət etməli olacaqlar. Bu da öz növbəsində valideynləri əlavə məbləğ itkisi ilə qarşı-qarşıya qoyacaq”.

Ekspert qeyd edib ki, 2008-ci ildən başlayaraq, respublikanın ümumtəhsil müəssisələrində yeni təhsil proqramları (kurikulumlar) tətbiq olunur və yeni məzmun standartlarına uyğun hazırlanmış dərsliklərdən istifadə edilir:

“Lakin 2017-ci ildə məhz ilk dəfə kurikulumla təhsil almağa başlayanların IX sinifdə buraxılış imtahanları keçirildi, ortaya heç də xoş olmayan nəticə çıxdı. Məlum oldu ki, 2019-cu ildə 5-6 fənndən qəbul imtahan verəcək şagirdlər 2017-ci ildə 2 fənndən verdikləri buraxılış imtahanları nəticəsinə görə kurikulumu demək olar ki, anlamayıblar, mənimsəməyiblər. Bununla yanaşı, 2019-cu ildə qruplara daxil olan fənlər üzrə bal paylanma əmsalının hələ də açıqlanmaması ciddi narahatlıq doğurur. Doğrudur, 2019-cu ildən etibarən buraxılış imtahanlarında toplanılan balın qəbul imtahanına birbaşa təsir etməsi buraxılış imtahanlarının əhəmiyyətini artırsa da, bu mərhələdə də balların əmsalının fənlər üzrə açıqlanmaması ciddi ajiotaja səbəb olub”.

Ekspert digər bir probleminin 2018-ci ildə keçriləcək qəbul imtahanları ilə bağlı fənlər üzrə proqramların, noyabr ayı olmasına baxmayaraq, çap etməməsi olduğunu vurğulayıb:

“Abituriyentlərin hansı proqram üzrə hazırlaşması ilə bağlı məsələ də həll olunmamış qalır. Hər mərhələdə hansı sayda test tapşırığı olacağı, hansı fənlərin üstünlük təşkil edəcəyi məsələsinə aydınlıq gəlməlidir. Düşünürəm ki, 2019-cu ildə keçriləcək qəbul imtahanlarının qiymətləri də bu illə müqayisədə çox olacaq. Çünki DİM-in yeni tipli imtahanı təşkil etməsi üçün daha çox vəsaitə ehtiyacı olacaq”.

Ekspert kurikulum standartları, yeni təhsil proqramlarının tətbiqi ilə təhsil alan şagirdlərin bacarıqlarının ölçülməsinin ciddi problemə çevrildiyini bildirib:

“2017-ci ildə IX siniflər üzrə keçrilən buraxılış imtahanları zamanı müəyyən sayda yoxlayıcı markerin səhvə yol verməsi səbəbindən yüzlərlə şadirdin biliyi düzgün qiymətləndirilməmişdi. Danılmaz faktdır ki, respublikada qiymətləndirmə sahəsində yeni yanaşmaya ehtiyac yaranmışdır. Bunun üçün dünya təcrübəsindən, konkret olaraq İELTS və SAT imtahanlarının nümunəsindən istifadə etmək lazımdır. Bu həm şagird biliyinin müasir standartlara uyğun qiymətləndirilməsinə imkan yaradacaq, həm də valideyinlərin əlavə xərc çəkərək repetitorlara müraciət etməməsi ilə nəticələnəcək”.

Bölmənin digər xəbərləri

20 Noyabr 2017 Lotu Quli Türkiyədən böyük savaşa hazırlaşır
19 Noyabr 2017 Dünyanın ən çox sərvət toplayan diktatorları - Siyahı
18 Noyabr 2017 Yarımçıq binadan mənzil satılmasına son
18 Noyabr 2017 Norveç də Türkiyədən üzr istədi
17 Noyabr 2017 Şəxsiyyət vəsiqələrinin müddəti dəyişdirildi
17 Noyabr 2017 Bakıda məmur oğlu polisdən qaçıb restoranda gizləndi - VİDEO
16 Noyabr 2017 Gürcüstandakı soydaşlarımız ana dilində dərslik tapa bilmir –Təhsil Nazirliyindən isə səs çıxmır
16 Noyabr 2017 Astarada Şəhid məzarı baxımsızlıqdan uçub dağılır -FOTOLAR
16 Noyabr 2017 Rusiya mətbuatından sensasion iddia:"Ərdoğanla Putin razılaşdı, 5 rayon Azərbaycana qaytarılacaq"
15 Noyabr 2017 Ünvanlı sosial yardım ləğv ediləcək
15 Noyabr 2017 Türkiyəni ayağa qaldıran skandal bitdi – Atatürkün ölüm fərmanı...
15 Noyabr 2017 Bu şəxslərə hərbi xidmətdən möhlət hüququ verilir
15 Noyabr 2017 "Konfirella" adlı Peçenyenin içindən şüşə çıxdı
15 Noyabr 2017 Cəmilov: Kremldə elə kişi yoxdur
15 Noyabr 2017 Mətbuat Şurası məlumat yaydı: "Bizə qarşı kampaniyaya başlayıblar"
14 Noyabr 2017 Azərbaycanın dövlət borcu fəlakətli həddə çatıb
14 Noyabr 2017 Azərbaycanda "qida polisi": Məhsulların reyestrini aparacaq, yoxlamadan keçirəcək
13 Noyabr 2017 Türk ordusu İraqın şimalını vurdu – Əməliyyat
12 Noyabr 2017 Kürdəmirin hələ də qaz xətti olmayan Qarabucaq qəsəbəsi
11 Noyabr 2017 Türkiyə S-400-ü aldı: Bununla kifayətlənməyəcəyik
© 2016 www.sozcu.az - Bütün hüquqlar qorunur.

Ünvan: Ağsu şəh., Melaratorlar qəs., ev 7. m.6
Direktor Anar Rəsulov
Redaktor Elşən Məmmədov - 055 972 53 53
Mob: 055 637 07 69
Tel: 020 226 42 28
email: sozcu.az@gmail.com

Saytda yerləşdirilmiş hər bir materiala olan hüquqlar Azərbaycan Respublikasının qanunvericiliyinə, həmçinin müəlliflik hüququ qanunlarına əsasən qorunur.
Müəlliflərin mövqeyi redaksiyanın mövqeyi ilə uyğun gəlməyə bilər. Saytdakı materiallardan istifadə zamanı istinad zəruridir.