Xəbər lenti

azexerite74747.jpg
Azərbaycan Parlamentinin Sədri Ə.M.Topçubaşovun rəhbərliyi ilə 1919-1920-ci illərdə Paris Sülh konfransında iştirak edən Azərbaycan Nümayəndə heyətinin ingilis və fransız dillərində yaydığı mühüm siyasi-tarixi sənədlərdən biri “Qafqaz Azərbaycanı Cümhuriyyətinin Paris Sülh konfransından tələbləri” kitabçasıdır. Həmin kitabçanı ədəbiyyatşünas, tərcüməçi, filologiya elmləri doktoru Vilayət Quliyev ingilis dilindən tərcümə edərək nəşr etmişdir.

Ardını oxu...


ilham12.jpgPrezident İlham Əliyev “Dövlət ümumi təhsil müəssisələrində çalışan bilik və bacarıqlarının diaqnostik qiymətləndirilməsi aparılan müəllimlərin dərs yükünün və əməkhaqqının artırılması haqqında” Azərbaycan Respublikası Prezidentinin 2015-ci il 16 yanvar tarixli 994 nömrəli Sərəncamında dəyişiklik edilməsi barədə sərəncam imzalayıb.

Ardını oxu...

cccbdd.jpg
Xəbər verdiyimiz kimi bu gün azərbaycanlı dövlət, siyasi və ictimai xadim, dissident, Milli Azadlıq Hərəkatının liderlərindən biri, Azərbaycan Xalq Cəbhəsinin lideri və Azərbaycan Respublikasının ikinci prezidenti Əbülfəz Elçibəyin vəfatından 17 il ötür.

Azərbaycan 24 xəbər verir ki, A24.az saytı Azərbaycanın ikinci prezidenti, SSRİ dövründən müstəqilliyə can atan Elçibəy haqqında sorğu keçirib.

Görəsən, Azərbaycanın tanınmış sənət adamları mərhum prezident Əbülfəz Əliyevi (Elçibəy) necə xatırlayır? Sorğu zamanı onun haqqında maraqlı fikirlərini bölüşənlər olsa da ümumiyyətlə danışmaq istəməyənlər də olub.

Öncə Azərbaycanın xalq artisti Afaq Bəşirqızı zəngə cavab verdiyinə baxmayaraq, sualdan sonra telefonu söndürüb.

Aralarında olan dostluq münasibətindən söhbət açan Əməkdar incəsənət xadimi Baba Vəziroğlu artıq yoxdur deyə, kədərləndiyini bildirib:

“Elçibəy deyiləndə öncə dostum olaraq yadıma düşür. O, millətini, xalqını sevən, dostluğa qiymət verən bir insan idi. Hakimiyyət dövrü çox qalmaqallı idi. Çünki torpaqlarımızın taleyi həll olunurdu. Qürbətdən sonra onu bir dəfə gördüm. Çox kədərli görüşüydü. Artıq onun gözlərindən hiss edirdim ki, bu bizim son görüşümüzdür. O zamanlar televiziyada çalışırdım. Oradan bir bəhanə ilə çıxdım ki, gedim dostumu görüm. Ondan müsahibə almaq, nəsə yazmaq fikrim yoxuydu. Sadəcə görmək istəyirdim. Elçibəylə bağlı iki məqam yadıma düşür. Əvvəllər “Azneft” çayxanası deyilən yer varıydı. Daha sonra Azadlıq Hərəkatında da bir yerdə çıxış edirdik. Bizim öz çevrəmiz varıydı. Kamil Vəli Nərimanoğlu, Firudin Cəlilov, mərhum sənətkar Aydın Məmmədov, şairlərdən Nüsrət Kəsəmənli, Sabir Rüstəmxanlı, Göyçaylı Oqtay Məmmədov (ona “Qara Oqtay” deyirdilər. O həm də Elçibəyin mühafizə xidmətinin rəisi idi), Kamal Abdulla, Ramiz Rövşən eyni çevrənin adamlarıydıq. Çox təəssüf ki, indi onlarla görüşüb, həmin çayxanaya gedə bilmirik. Çünki nə həmin çayxana var, nə də ki o insanlar. Qalanlara Allahdan can sağlığı arzu edirəm. Danışdırdınız çox kədərləndim.”

Həmin sual növbəti müsahib xalq artisti Fəxrəddin Manafova ünvanlanıb. Lakin sualdan sonra Bakıda olmadığını və danışa bilməyəcəyini deyib. Səbəbini soruşanda isə telefonu söndürüb.

Bu gün daşıdığı Xalq artisti adını aldığına görə, Canəli Əkbərov ona minnətdar olduğunu bildirib. “Elçibəy təbiətcə çox sakit, ürəyiaçıq bir insanıydı. Xalq artisti adını onun imzasıyla almışam. Televiziyalarda çıxışlarına qulaq asanda fikir verirdim ki, xalqını sevən biriydi. Bir sözlə deyə bilərəm ki, o xalq adamıdır. Allah rəhmət eləsin!”

Suala cavab verməyən sənət adamları sırasında xalq artisti Rasim Balayev olub. O, səhhətində problem olduğunu və bu barədə danışa bilməyəcəyini deyib.

Xatirəsində mərd, xalqı tərəfindən sevilən biri olduğunu deyən, xalq artisti Mənsum İbrahimov da mərhum prezidentlə bağlı öz təəssüratlarını bölüşüb. “Onunla şəxsi tanışlığım olmayıb. Amma ölkəsinə, xalqına xağlı bir insan kimi yadımdadır. Bir ziyalı olaraq böyük hörmətim olub. Allah rəhmət eləsin. Məkanı cənnət olsun!”

Xalq artisti Nəzakət Teymurova onun hakimiyyəti dövründə tələbə olduğunu və mərd bir insan kimi xatırladığını bildirib. “Heç vaxt ünsiyyətimiz olmayıb. Onun hakimiyyəti dövründə tələbə idim. Belə xasiyyətcə saf, əzmkar, mərd biri kimi xatirəmdədir. Allah rəhmət eləsin!”

Danışmaq istəməyən sənət adamlarından daha biri xalq artisti Mələkxanım Eyyubova olub. O, “Qubadayam və yol gedirəm. Buna görə də danışa bilməyəcəm”- deyərək sualdan imtina edib.

Qeyd edək ki, Azərbaycanın ikinci prezidenti Əbülfəz Elçibəy 22 avqust 2000 tarixində uzun sürət xəstəlikdən sonra dünyasını dəyişib.

O, Birinci Fəxri Xiyabanda dəfn edilib.

abbasovrafiq.jpg
Polis general-mayoru Rafiq Abbasovun Naxçıvan Muxtar Respublikasının daxili işlər naziri vəzifəsinə təyin edilməsi ilə bağlı yayılan məlumatlar həqiqəti əks etdirmir.

Ardını oxu...

© 2016 www.sozcu.az - Bütün hüquqlar qorunur.

Ünvan: Ağsu şəh., Melaratorlar qəs., ev 7. m.6
Tel: 0202264228
Təsisçi Elşən Əlisoy - Mob: 055 972 53 53
email:Sozcu.az@gmail.com

Saytda yerləşdirilmiş hər bir materiala olan hüquqlar Azərbaycan Respublikasının qanunvericiliyinə, həmçinin müəlliflik hüququ qanunlarına əsasən qorunur.
Müəlliflərin mövqeyi redaksiyanın mövqeyi ilə uyğun gəlməyə bilər. Saytdakı materiallardan istifadə zamanı istinad zəruridir.