Xəbər lenti

ruhaniermen.jpg
İranın dini liderinin nümayəndəsi Axund Seyid Mehdinin İsrailin baş nazirinin Azərbaycana səfəri zamanı dövlətimizin daxili işlərinə qarışaraq vətəndaşlarımızı Netanyahunun səfərinə etiraz etməyə çağırması bir mənalı qarşılanmadı. Bunun qarşılığında Tanınmış tarixçi Alim Dilavər Əzimli  özünün "Facebook" səhifəsində yazaraq Cənubi Azərbaycanda yaşayan soydaşlarımızı İran prezidenti Həsən Ruhaninin Ermənistana gözlənilən səfərinə etiraz etməyə səslədi. Əldə etdiyimiz məlumata görə, İran İslam Cümhuriyyətinin prezidenti Həsən Ruhani dekabrın 21-də region və qonşu ölkələrlə əlaqələrin dərinləşməsi və gücləndirilməsi adı ilə  Ermənistana səfər edəcək. Sozcu.az saytı Azərbaycanın tanınmış ziyalılarının Güney Azərbaycan türklərinə müraciət edərək Ruhaninin Ermənistan səfərinə mane olmaq üçün çağırış etməsinin lazım olub-olmaması haqqında  Bütöv Azərbaycan ideologiyası daşıyıcısı olan təşkilatların funksionerlərinin  münasibətlərini öyrənib.
b_800_600_0_00_images_xeber_sekilleri_6noyabr2016_zekasa.jpg
Bütöv Azərbaycan Ocaqları (BAO) başqanının müavini Zəka Sahib İran Prezidentinin Ermənistana səfərinə etiraz etməsi üçün ölkəmizin ziyalılarının Cənubi Azərbaycanda olan soydaşlarımıza müraciət etmələrinin vacib bir iş olduğunu deyib:
“İsrailin baş nazirinin Azərbaycana səfəri öncəsi İranın hansısa ayətullahının Azərbaycanın siyasətinə müdaxilə edərək çağrışlar etməsi ölkəmizin daxilinə işinə qarışmaqdır, İran hər zaman bu ayətullahların dili ilə Azərbaycan dövlətinin  siyasətinə müdaxilə etməyə çalışıbdır.  Azərbaycan İsraillə münasibətilərini davam etdirməsi normal haldır. İsrail İrandan fərqli olaraq ölkəmizin işğal olunmuş əraziləri məsələsində hər zaman ədalətli mövqe ortaya qoyaraq Xocalı soyqrımının tanınmasında Azərbaycana dəstək olub. Bütün bu məsələlərdə isə İran Ermənistana iqtisadi – siyasi dəstəyini gün-gündən artırıb. İsraillə Azərbaycanın əməkdaşlığı hazırda hərbi sahədə geniş inkşaf etməkdədir. Bu isə bizim üçün çox önəmlidir, çünki Azərbaycan İsraildən aldığı silahlarla özünün tarixi torpağlarını işgaldan azad etməyi düşünür. İsraili qətliamda suçlayan İran özü Suriyada müsəlmanların başına bomba yağdır. İran prezidentinin müsalman torpağını işğal edən, müsalman qız gəlinlərinə təcavüz edən,  Allahın evləri sayılan məsçidlərimizi təhqir edən terrorçu Ermənistana səfəri İranın növbəti dəfə anti-islam mövqeinin ortaya qoymasının sübutudur.  Mən hesab edirəm ki, nüfuzlu ziyalılarımız Güney Azərbaycan Türklərinə müraciət edərək Həsən Ruhaninin terrorçi Ermənistana səfərinin qarşısının alınması  üçün çağırış etmələri doğru addım olmaqla yanaşı, Fars şovnizminə ciddi xəbərdarlıq olar. Mən həm də Azərbaycandakı şiə qardaşlarımıza səslənirəm ki,  siz ədalətin tərəfində olun, İrandan gələn fitnələrə uymayın. Əgər Xamneyi haqqı ədalətli önəmli hesab edirsə İranin Ermənistanla əlaqələrinə aydınlıq gətirməlidir, axi o, özünü şiələri rəhbəri hesab edir. Bu şəxs nece islam rəhbəridirki Xocalıda körpə yavruların qatili olan terrorçularla ölkəsinin əməkdaşlığına göz yumur. Məsələyə vicdanla yanaşsaq görərik İran özü hazirda millətlər həbsxanasıdır. Mən də öz növbəmdə İranda olan soydaşlarımızı   Ruhanin Ermənistana səfərinə qarşı təpki verməyə səsləyirəm”.  

b_800_600_0_00_images_xeber_sekilleri_6noyabr2016_vusalefendiii7.jpg
Bütöv Azərbaycan Mühafizəkarları Təşkilatının (BAMT) idarə heyyətinin üzvü Vüsal Əfəndi "Əli qanlı birinin əlini sıxıb sonra da o əllərlə səcdəyə gedənlər nə qədər günah etdiklərinin fərqindədirlərmi?” deyərək münasibət bildirib: “Birinci növbədə buna həm İranda, həm də Azərbaycanda yaşayan müsəlman qardaşlarımız etiraz etməlidirlər. Bu gün Ermənistan rəhbərliyində təmsil olunan şəxslərin demək olar ki, hamısı XX əsrin faciəsi olan Xocalı soyqırımının bir başa iştirakçıları olublar. Bu gün Xocalıda şəhid olan insanların hələ də qanı qurumayıb. Əsrin faciəsi olan Xocalı soyqırımını törədənlərlə hər səfərində qol boyun olan İran rəsmiləri unudurlar ki, əslində bununla Azərbaycanda olan şiə müsəlmanlarına növbəti zərbəni vururlar. Unutmamalıdırlar ki, Xocalıda qətlə yetirilənlər həm də şiə müsəlmanları olublar. Bu qətliyamın bir başa iştirakçısı isə onların qol boyun olduqları ermənilərdir. Əli qanlı birinin əlini sıxıb sonra da o əllərlə səcdəyə gedənlər nə qədər günah etdiklərinin fərqindədirlərmi? İran öz əməllərini bu günki Azərbaycan hakimiyyətinin əməlləri ilə müqayisə etməyə çalışır. Amma bir şeyi unudur ki, adının önündə İslam olan bir respublikanın özünü kiminləsə deyil bu adın yaradıcısının əməlləri ilə müqayisə etməlidir. Bu yerdə istərəm bir hədislə fikirlərimə davam edim. Bu hədis həm də bu gün İranın əməllərinə haqq qazandırmağa çalışan mömin qardaşlarımıza bir xatırlatma olar. Ola bilər hədisin hansısa bir yerində yanlışlığa yol verim öncədən buna görə  üzrxahlığımı bildirirəm. Bir qadının Peyğəmbərimizi görməyə gözü yox idi. Hər gün Peyğəmbərimiz bu qadının eyvanının altından keçməli olurdu. Qadın gün ərzində topladığı zibili yuxarıdan onun başına tökürdü. Peyğəmbərimiz isə bir dəfə də olsun başını qaldırıb ona güldən ağır söz deməmişdi. Bir gün eyvanın altından keçən Peyğəmbərimiz başına zibilin atılmadığını görür. Ətrafdakı qonşulardan qadını soruşanda, qadının möhkəm xəstələndiyini eşidir. “Gedim ona dəyim” deyəndə qonşuların, “axı o qadın həmişə sizin başınıza zibil tökürdü siz istə onu ziyarət etmək istəyirsiniz” deməsinə, Peyğəmbərimiz, “o pisliyindən qalmırsa, mən niyə yaxşılığımdan qalmıyım?”  deyərək münasibət bildirmişdi. Peyğəmbərimizin bu əməlindən sonra qadın ona iman gətirmişdi. Bax budur İslamda siyasət!  İran bu gün adının önünə İslam yazdırıbsa Peyğəmbərimizin siyasəti ilə hərəkət etməlidir. Hakimiyyətlər gəldi gedərdi, amma xalqlar arasında salınan nifaq əbədi qalacaq. Bu gün bu nifaqı İran salır. Buna əgər həm İranda, həm də Azərbaycanda yaşayan müsəlman qardaşlarımız etiraz etmirsə, təbii ki bu etiraz hər zaman olduğu kimi bu dəfə də Güneydə mücadilə verən soydaşlarımızın üzərinə düşür.

Anar Rəsul
 
 
 

Bölmənin digər xəbərləri

18 Noyabr 2017 "5 rayon qarşılığında Dağlıq Qarabağ...?"-TƏHLİL
11 Noyabr 2017 Göyçayın icra başçısı jurnalisti həbs etdirmək istəyir
08 Noyabr 2017 İran terrorçulara raket satır: İDDİA
28 Oktyabr 2017 Elşən Əlisoy: “Əgər jurnalist yazdığı yazıya görə həbsxanaya salınırsa, hansı azadlıqdan danışmaq olar?”
25 Oktyabr 2017 Elçibəy sağ olsaydı…
18 Oktyabr 2017 Həbsxanada vəziyyəti pisləşən jurnalist müalicə müəssisəsinə aparılıb
27 Sentyabr 2017 Sayt rəhbəri separatizm dəstəkçiləri ilə bağlı Mədət Quliyevə müraciət etdi
21 Sentyabr 2017 Şaumyanın Azərbaycanda olan "balaları" baş qaldırır - FOTOLAR
17 Sentyabr 2017 Ziya Məmmədovun lisey direktoru olan bacısının "pul yığımı" davam edir" - VİDEO
07 Sentyabr 2017 "İlham Əliyev bu ciddi ittihamlarla bağlı xalq qarşısında izahat verməlidir"
19 Avqust 2017 Ərdoğanın mühafizəçiləri ülküçülərdir? - FOTOLAR
14 Avqust 2017 Müsəlman ermənilər Qarabağı erməni torpağı kimi qəbul edir
05 Avqust 2017 Azərbaycanın və Gürcüstanın başı üzərində bir Putin kabusu dolaşır
27 İyul 2017 "Rusiya Azərbaycana mesaj verir ki, Ermənistanla bir yerdəyəm" -HİKMƏT HACIZADƏ
26 İyul 2017 Lamiyyə Əhmədova: "Aziz Orucova qarşı aqqressiv rəftarın arxasında hakimiyyətin mahiyyəti durur"
07 İyul 2017 Körpə balamıza dəstək olaq!
27 İyun 2017 “Hakimiyyət gənclərin arzularını əllərindən almaq istəyir” – ŞURA ƏMİRASLANOVA
17 İyun 2017 QAT Ağsu rayonunda tədbr keçirib -FOTO +VİDEO
02 İyun 2017 Tural Abbaslı: "Hələ çox dəhşətlər görməli olacağıq"
23 May 2017 Nisəxanım Vəliyeva:”Kişilər oğul istəyir, amma onun tərbiyəsini qadına həvalə edir”
© 2016 www.sozcu.az - Bütün hüquqlar qorunur.

Ünvan: Ağsu şəh., Melaratorlar qəs., ev 7. m.6
Direktor Anar Rəsulov
Redaktor Elşən Məmmədov - 055 972 53 53
Mob: 055 637 07 69
Tel: 020 226 42 28
email: sozcu.az@gmail.com

Saytda yerləşdirilmiş hər bir materiala olan hüquqlar Azərbaycan Respublikasının qanunvericiliyinə, həmçinin müəlliflik hüququ qanunlarına əsasən qorunur.
Müəlliflərin mövqeyi redaksiyanın mövqeyi ilə uyğun gəlməyə bilər. Saytdakı materiallardan istifadə zamanı istinad zəruridir.