Xəbər lenti

b_800_600_0_00_images_xeber_sekilleri_6noyabr2016_baoqubad.jpg
Bütöv Azərbaycan Ocaqlarının (BAO) Siyasi-analitik Klubunun (SAK) təşkilatçılığı ilə “Ölkə iqtisadiyyatının bu günü və sabahı”mövzusunda növbəti diskussiya keçirildi.

“Feysbuk” kanalında canlı yayımlanan tədbir Azərbaycan Respublikasının dövlət himni ilə açıq elan edildi. Sonra bir müddət öncə İranın Semnan əyalətində sərnişin qatarlarının qəzaya uğraması nəticəsində faciəvi şəkildə həlak olmuş  soydaşlarımızın xatirəsi bir dəqiqəlik sükutla yad edildi.

Daha sonra tanınmış iqtisadçı və ictimai-siyasi xadim, “Azərbaycan Demokratiya və Rifah Hərəkatı”nın və “İqtisadi Tədqiqatlar Mərkəzi”nin sədri, ABŞ-ın Şimali Karolina ştatında yerləşən Dyuk Universitetinin professoru Qubad İbadoğlumövzu üzrə geniş məruzə ilə çıxış etdi. O, faktlar və rəqəmlərlə  Azərbaycan iqtisadiyyatının hazırkı durumunun nə qədər ağır olduğunu göstərdi: “Neftdən ən çox gəlir 2011-ci ildə götürülüb –   19 mld. dollar. 2016-cı ildə bu gəlir 7 mld.-a yaxındır. Gələn il daha az olacağı gözlənilir. Azərbaycan iqtisadiyyatında gəlirlərin azalması ilə əlaqədar ötən illərə nisbətən xərclər də artıb. Bu qurulmuş infrastruktura göstərilən daimi xidmətlərlə bağlıdır. İndiyə qədər regionlara 50 mld. dollara yaxın vəsait qoyulub. Amma bu gün büdcədə regionlardan gələn gəlirin payı cəmi 3 faizdir. Rəsmi məlumatlara görə cari ildə 50 minə yaxın insan öz işini itirib. Dünya təcrübəsi isə göstərir ki, işsizliyin artması cəmiyyətdə cinayətkarlığın artmasına səbəb olur. 2016-cı ildə gözlənilən islahatlar aparılmadı. Formal da olsa aparılan islahatlar isə bəzən biri-birinə tamamı ilə zidd xarakterdə olub. Mənim son hesablamalarıma görə Azərbaycanda gizli iqtisadiyyat 46 faiz təşkil edir.”.

Məruzəçi növbəti il üçün öz proqnozlarını da dedi: “2017-ci ilin büdcəsi də neftdən asılı olacaq. Belə ki, burada neft sektorunun payı 49.2 faizdir. Bütün bunlar göstərir ki, 2017-ci il çətin il olacaq.  Hesablamalara görə hazırda neftin bir bareli 110 dollar olmalıdır ki, 2013-cü ildəki gəlirləri əldə etmək mümkün olsun. Bu isə mümkün deyil. Kommunal xidmətlərin qiymətinin artırılması böhranı daha da gərginləşdirəcək. Növbəti ildə də manatın dəyərdən düşməsi qaçılmazdır. Cəmiyyətdən ciddi müqavimət olmadıqca hakimiyyət bu siyasətini daha rahat şəkildə davam etdirir. İqtisadiyyatımızı böhrandan çıxarmaqçün xarici kapitala yox, Azərbaycan insanına güvənmək lazımdır. Ən böyük qüvvə məhz Azərbaycan insanıdır.”

Q.İbadoğlu həmçinin başçılıq etdiyi qurumun dövlətə islahatlar paketi hazırlayıb təqdim etdiyini, lakin dövlətin başqa bir ABŞ qurumundan böyük məbləğdə pul müqabilində islahatlar paketini qəbul etdiyini dedi.

Daha sonra tədbir iştirakçılarından Südabə Babazadə, Bəxtiyar Tuncay, Dilavər Əzimli, Cavanşir Beydullayev, Elvin Abdulla və b.-nın sual və fikirləri ilə diskussiya davam etdirildi.

Bölmənin digər xəbərləri

13 Fevral 2018 Gəncədə polis özbaşınalığı - QHT rəhbərindən prezidentə müraciət
10 Fevral 2018 "Seçkidə iştirak etmək lazım idi, boykot nə verəcək? Bir-iki qotur bəyanat" - ƏHMƏD ORUC
30 Yanvar 2018 Türk ordusu daha bir yüksəkliyi ələ keçirdi
28 Yanvar 2018 Mirmahmud Mirəlioğlunun prezidentliyə namizədliyi elan edildi
28 Yanvar 2018 Türk ordusunun zərərsizləşdirdiyi terrorçuların sayı 484 nəfərə çatıb –Açıqlama
27 Yanvar 2018 TSK-nın Afrin hesabatı: 394 terrorçu, 340 hədəf...
25 Yanvar 2018 Türkiyə HHQ Suriyanın Mənbic şəhərinə zərbələr endirdi- İlk dəfə
14 Yanvar 2018 Tanınmış siyasətçilər Xamneyiyə "dəstək aksiyası"na münasibət bildirdilər
08 Yanvar 2018 "Azərbaycan gəncliyinin gələcəyi sual altındadır" - Gənclər problemlərdən danışdılar
01 Yanvar 2018 Gənclərin Bütöv Azərbaycan arzusu: “Vahid təşkilata ehtiyac var”
28 Dekabr 2017 İşdən çıxarılan ermənipərəst müəllimlə bağlı - Rəsmi açıqlama
26 Dekabr 2017 “ İT İLİ” KİMLƏRƏ DÜŞƏRLİ, KİMLƏRƏ QƏNİM OLACAQ?!”
18 Dekabr 2017 220 saylı məktəbdə erməni təbliğatı aparan müəllim kimdir? - FOTOLAR
17 Dekabr 2017 BAO Məhəmməd Əmin Rəsulzadənin məzarını təmir etdi - VİDEO
15 Dekabr 2017 Senator Dik Durbin Mehman Əliyevlə görüşüb
13 Dekabr 2017 AXCP sədri Azərbaycanda hakimiyyətin necə dəyişəcəyini açıqladı - VİDEO
04 Dekabr 2017 Bütöv Azərbaycan Birliyinin dirçəldilməsi təklif edildi - ZİYALILAR DƏSTƏK VERİR
18 Noyabr 2017 "5 rayon qarşılığında Dağlıq Qarabağ...?"-TƏHLİL
11 Noyabr 2017 Göyçayın icra başçısı jurnalisti həbs etdirmək istəyir
08 Noyabr 2017 İran terrorçulara raket satır: İDDİA
© 2016 www.sozcu.az - Bütün hüquqlar qorunur.

Ünvan: Ağsu şəh., Melaratorlar qəs., ev 7. m.6
Direktor Anar Rəsulov
Redaktor Elşən Məmmədov - 055 972 53 53
Mob: 055 637 07 69
Tel: 020 226 42 28
email: sozcu.az@gmail.com

Saytda yerləşdirilmiş hər bir materiala olan hüquqlar Azərbaycan Respublikasının qanunvericiliyinə, həmçinin müəlliflik hüququ qanunlarına əsasən qorunur.
Müəlliflərin mövqeyi redaksiyanın mövqeyi ilə uyğun gəlməyə bilər. Saytdakı materiallardan istifadə zamanı istinad zəruridir.