Xəbər lenti

b_800_600_0_00_images_xeber_sekilleri_1mart2017_mehribanvezir1.jpg
Bu gun, nəhayət, çoxdan gözlənilən “test üsulu ləğv ediləcək” bəyanatı rəsmi şəkildə səsləndi. Bu ləğv əhvalatı indinin söhbəti deyil, uzun tarixçəsi var.

 İzninizlə həmin tarixçəni ilk dəfə danışım.

Məlum olduğu kimi Elçi Bəy hakimiyyətinin ən mühüm töhvələrindən biri test üsuludur. Bu töhvənin gətirdiyi faydalar haqqında geniş danışmağa ehtiyac yoxdur. Çünki, proses hər birimizin evindən keçib, hər birimiz olanların şahidiyik. Eləcə də, müəyyən istisnalar olsa belə hər birimiz sovet dövründə ali məktəblərə, texnikumlara kütləvi şəkildə rüşvətlə girilməsinin şahidiyik. Ümumiyyətlə, bir mənalı şəkildə bildirirəm ki, təhsildə rüşvət sovet dövründən qalma xərcəngdir, indi sadəcə, metastaz verib.

Test üsulunun tətbiq edilməsi hər yay evə çanta dolu pul gətirən unuversitet müəllimlərinin bazarını bağlamış, nəticədə onların böyük çoxluğu Elçi Bəy hakimiyyətinə düşmən kəsilmişdilər. Ona görə də 1993 çevrilişindən həmən sonra müəllim və professor heyəti, yəni rüşvətdən harınlamış və xüsusiləşmiş bir zümrə itirdiklərini geri qaytarmaq üçün var gücləri ilə hərəkətə keçdilər.
Testin ləğv edilməsi üçün prezidentə, Milli Məclisə, baş nazirə məktublar, müraciətlər yazdılar, toplantılat təşkil etdilər, geniş lobbiçilik işi apardılar.

Cəmiyyətdə ziyalı və savadlı insan sayılan bu rüşvətxor test düşmənləri çox dərin, şaxəli və sistemli bir iş aparmağa başladılar. Eləcə də mətbuatda və efirlərdə test sisteminin qüsurlu və milli maraqlara zidd olması haqqında təbliğat apardılar. O professor və müəllim heyətini nə gənclik, nə gələcək, nə təhsil, nə də Vətənin mənafeyi maraqlandırırdı. Bir dərdləri vardı; hər yay sel kimi gələn rüşvətin önünü açmaq üçün test üsulu ilə qəbulu ləğv etdirib köhnə zamanlara qayıtmaq.

Bu prosesin ən yüksək səviyyədə himayədarları aravermədən testin ləğvinə çalışır və finala yaxınlaşırdılar. Artıq ictimaiyyət və cəmiyyət də buna hazır idi. Lazımı təbliğat yetərincə aparılmış, test artıq düşmən elan edilmişdi.

İşin gerisini Elçi Bəy belə nağıl edir;

– Test üsulu ilə bağlı ciddi bir əkstəbliğat vardı, universitetlərin professor və müəllim heyəti bərk çalışırdılar bu üsulu ləğv etdirsinlər, bunu görürdüm. Lakin Kələkidə mənə xəbər çatdı ki, məsələ son dərəcə ciddiləşib, artıq hər şey hazırdır. Bu gün sabah testin ləğvi haqqında fərman olacaq.

Çox məyus oldum. Test üsulunun böyük inqilab etdiyini bilirdim, son illərdə ilk dəfə bilikli məzunlar, kasıb övladları, bir sözlə yetim-yesir öz biliyi hesabına ali məktəbə daxil olur, rüşvət verməyə adam gəzənlər kənarda qalmışdılar. Bu, mənim üçün böyük məsələ idi. Ən böyük təssəlilərimdən biri idi. Hətta ölüm-dirim məsələsi idi, deyə bilərəm.

Bu mütərəqqi üsulun ləğv edilərək yenə geriyə – rüşvət sisteminə qayıdılması çox acınacaqlı idi. Düşündüm, nə edim. Nə edə bilərəm. Testi necə xilas edə bilərəm.

Oturub o vaxt Azərbaycanda ABŞ-ın səfiri olan Kozlariçin həyat yoldaşına bir məktub yazdım.

Məktubda bu işin bütün tarixini anlatdım, təhsildə olan rüşvətin bizim faciəmizin mənbəyi olduğunu, bunun bizə sovetlərdən miras qaldığını yazdım. Əxlaqını, mənəviyyatını, müəllim heysiyyatını itirmiş professor, müəllim heyətinin rüşvəti yenidən qaytamaq üçün çalışdıqlarını izah etdim.

Nəhayət, səfir xanımındam test üsulunun ləğv edilməməsi üçün xalqıma kömək istədim. Yazdım ki, sizdən acizanə xahiş edirəm, prezident Heydər Əliyevin qəbuluna gedin, test üsulunun mütərəqqiliyi və bütün xalqlara nə qədər faydalı olduğunu ona izah edin. Ondan xahiş edin ki, test üsulunun ləğv edilməsinə yol verməsin. Bu işin qarşısını alsın.

Yazdım ki, əminəm ki prezident sizin xahişinizi nəzərə alacaq və bu, sizin Azərbaycan xalqı qarşısında ən böyük xidmətiniz olacaq. Bu xidmət heç zaman unudulmayacaq.

Səfirin xanımı xahişimi yerinə yetirdi, H. Əliyevlə görüşdü və testin ləğvinin gündəmdən çıxarılmasını ondan xahiş etdi.
Bununla da test üsulunun ləğvi mövzusu gündəmdən birdəfəlik çıxarıldı. Məsələnin müzakirəsi bitdi.

Elçi Bəyin ricası ilə bu mərhəmətli xanımın (heyif, adını bilmirəm) H. Əliyevə xahişə getməsi ciddi şəkildə körüklənmiş bir ictimai dalğanın- test düşmənçiliyinin önünü kəsdi.

Bununla da Elçi Bəy xalqına töhvə etdiyi testi üsulunu, ali məktəbə rüşvətsiz qəbul sistemini 20 ildən çox, hətta özündən sonra belə yaşatdı.

Bu günkü bəyanat illər öncə Elçi Bəyin mənə danışdığı bu əhvalatı xatırlatdı. Demə, testlə savaş bitməyibmiş.
İndi testin taleyi necə olacaq? Gəncliyimizin, insanımızın, təhsilimizin taleyi necə olacaq? Testi qoruyan olacaqmı? Xalq əlindəki bu imkanı qorumaq istəyəcəkmi? İnsanlar bu barədə düşünüb narahat olacaqlarmı?

Testlə savaşda adı müəllim olan bu güruh və onların yüksək dövlət qulluğu tutan havadarları qələbə çalacaqlarmı?
Yoxsa əlimizdə qalan bu son uğurumuzu da itirəcəyik?

Nə olacaq, necə olacaq, bilmirəm…

Mehriban Vəzir

Bölmənin digər xəbərləri

15 Noyabr 2017 "Fəzail Ağamalının ilə eyni adı daşıdığım üçün əziyyət çəkirəm" - DEPUTATLARIN QALMAQALI
14 Noyabr 2017 Rafiq Əliyev: “Ancaq 3-5 nadan adam hesab edər ki, Rafiq Əliyev niyə pulu özünə götürmədi"
10 Noyabr 2017 İlham Rəhimov:"Sülhməramlıların yerləşdirilməsində Moskvanın şərti var" - MÜSAHİBƏ
31 Oktyabr 2017 İspaniya Azərbaycan üçün presedent yaradır - Politoloq
30 Oktyabr 2017 Tahir Kərimlidən müxalifətə sərt ittihamlar:“Ölkədə YAP-dan başqa sabitliyi saxlaya biləcək partiya yoxdur”
20 Oktyabr 2017 Elçibəyin köməkçisindən Ayaz Mütəllibova – Şillə kimi suallar
13 Oktyabr 2017 Türkiyə generalı: “ABŞ türk millətini hədəfə alıb” – Şok sözlər
26 Sentyabr 2017 Türkiyəyə qurulan böyük tələ: “kürd oyunu” – Türk tarixçi açıqladı
23 Sentyabr 2017 Millət vəkili: “Bakıda erməni deputatların başına araq butulkası çırpsaydılar, ürəyimdən tikan çıxardı...”
18 Sentyabr 2017 “Çingiz Qənizadə haqqında həqiqətləri söyləsəm, heç kəs ona salam verməz” — şeyxin qudasından SENSASSİON AÇIQLAMA
15 Sentyabr 2017 Jirinovskidən Türkiyəyə təhdid:“Ağrı dağını Ermənistana qaytaracağıq”
07 Sentyabr 2017 "Təəssüf ki, müxalifət qüvvələri bu gedişata sağlam münasibət bəsləmirlər" - VİP sədri
06 Sentyabr 2017 Azərbaycan Sarkisyanı Qarabağa gətirən helikopteri vura bilərmi?
16 Avqust 2017 "Astan Şahverdiyevə qulaqburması veriləcək" - Ağacan Abıyev
12 Avqust 2017 Mənasız yerə idmanımıza "Köçəri quşlar" gətiririk -FAZİL MUSTAFA
08 Avqust 2017 "Nəzarətsiz pulların mənbəyi kəsilərsə..." - QAT sədri
04 Avqust 2017 "Ox yaydan çıxıb, Rusiyanın çökdürülməsi prosesinə başlanılıb" - POLİTOLOQ
23 İyul 2017 “2018-ci ilə kimi həbslərin sayı daha da artacaq” – ZÜMRÜD YAĞMUR
15 İyul 2017 Aqil Abbas: "Azərbaycanda benzinin qiyməti 2 manat olmalıdır"
14 İyul 2017 "Müxalifətdəkilərin övladları bu millətə fəxarət gətirib" - ƏLİ ƏLİYEV
© 2016 www.sozcu.az - Bütün hüquqlar qorunur.

Ünvan: Ağsu şəh., Melaratorlar qəs., ev 7. m.6
Direktor Anar Rəsulov
Redaktor Elşən Məmmədov - 055 972 53 53
Mob: 055 637 07 69
Tel: 020 226 42 28
email: sozcu.az@gmail.com

Saytda yerləşdirilmiş hər bir materiala olan hüquqlar Azərbaycan Respublikasının qanunvericiliyinə, həmçinin müəlliflik hüququ qanunlarına əsasən qorunur.
Müəlliflərin mövqeyi redaksiyanın mövqeyi ilə uyğun gəlməyə bilər. Saytdakı materiallardan istifadə zamanı istinad zəruridir.