Xəbər lenti

elieliyevv.jpg
Əli Əliyev
Vətəndaş və İnkişaf Partiyasının (VİP) sədri 

Prezidentin son sərəncamı maraqlı mətləblərə yol açır. Novruzəli Orucovun işdən çıxarıldıqdan sonra verdiyi açıqlama olmasa idi, bəlkə də bu yazını yazmayacaqdım.
Hadisənin bir neçə rakursdan ictimai köklərini araşdıraq:

1. Novruzəli müəllim övladlarını prezident Əliyevə qurban deyir;
2. Yüksəkçinli məmur övladlarının əksəriyyətinin harınlıq etməsi, hakimiyyətdəki ailələrin psixoloji durumunun indikatorudur;
3. Prezident Əliyevin məmur harınlığı ilə bağlı dəfələrlə xəbərdarlığına məhəl qoyulmadığı ortadadır.

Azərbaycan müsəlman ölkəsidir. Dinimizin əsas kitabında – Quranda İslam qaydaları təsbit edilib. Biz müsəlmanlara Kitab vasitəsilə cəhalət dönəmində baş verənlər, Peyğəmbərlərin həyatındakı vaqeələrlə bağlı xeyli ibrətamiz nümunələr göstərilib. Müsəlmanlar Allaha etiqad edən, Peyğəmbərə şəhadətini bildirən və Kitabı müqəddəs sayanlardır. Kitabımızda “Bütlərə sitayiş etməyin, onları yıxın!” kimi göstərişlər vardır. Övladını, altını xüsusi cızaraq deyirəm ki, Allah yolunda qurban vermək istəyən İbrahim peyğəmbərin hekayəsi də yer alan Allahın əmrlər məcmuəsi Quranımızda cəhalətdən insanların təfəkkürünün qoparılması üçün çox ibrətamiz misallar mövcuddur.

İndi ictimaiyyətə bir sual ünvanlamaq istəyirəm: “ Övladını insana, Allah quluna qurban deyənə müsəlman demək olarmı?” Cavabını Allah bilir. Görün, YAP-ın üst eşelonu, generalları nə kökdədir. Novruzəli müəllimin övladı silsilə xuliqanlıq etməsə idi, yəqin ki, beləsi yenə də ordu səfərbərliyi, övladlarımızın taleyi ilə məşğul olan həlledici adamlar sırasında olacaq idi.
Son illər, prezident İlham Əliyevin idarəçiliyi dönəmində məmurların özlərinin, ailələrinin cəmiyyətə həqarət püskürməsi adi hala çevrilib. Əksər məmurların ailələri, övladları London, İstanbul, Paris, Nyu-York və digər böyük şəhərlərdə yaşayır, oranı özlərinə Vətən, Azərbaycanı isə “sağmal inək” misalı obyekt bilirlər. Bu, gizlin deyil. Belə məmurların adları da, kimlikləri də bilinir. Qaldırdığım problemin fərdi deyil, ictimai əhəmiyyətli olduğundan ümumi olaraq tendensiyaya qiymət verməyi düzgün sayıram. Adəti üzrə oliqarxlar qrupuna aid etdiyimiz şəxslərdən mütləq əksəriyyəti bu kateqoriyaya aiddirlər. Övladı, ailəsi, aşnası xaricdə məskunlaşmış hansı şəxs Azərbaycanı sevib, ona qulluq edər? İctimai fəsadlarımızın kökü də burada yatır. Ona görə korrupsiya, xəzinə talançılığı, məmur harınlığı gündəlik məişət mövzusu qədər adiləşib. Ona görə Qarabağı azad edə bilmirik, milyardlarla pul oğurlayan yenə vəzifədədir, ali kastaya aid olan qanunları, ictimai rəyi ayaqları altında tapdalayır, orduda, maliyyə sistemində, təhlükəsizlik orqanlarında çetelər “at oynadır”… Dövlət büdcəmiz son 3 ildə dollar ekvivalentində 3 dəfə azalıb. Bu iqtisadi antirekordun müəllif heyəti tam tərkibdə öz kürsülərindədirlər.

Məhz bu səbəbdəndir ki, zaman-zaman İlham Əliyevin pul və səlahiyyət verib millətin “başına çıxardığı” şəxslər , onların övladları İsmayıllıda pulla samovar qaynadır, əhalini təhqir edir, iğtişaş yaradır, bahalı maşınlarla şəhər küçələrində milli formula yarışları təşkil edir, müxtəlif gecə tusovkalarından şəkillərini və bununla da “üstünlüklərini” göstərməyə cəhd edirlər. Pulu yeganə üstünlük meyarı bilən bu təbəqəyə aid olanlar, elə Novruzəli müəllimin uşaqları xislətində olmalıdırlar. Çünki bunların psixoloji durumu yuxarıdan aşılanır, “Millət boz kütlədir” təxəyyülü hakimiyyətin ideloqlarının endirdiyi tezisdir.

Bu naqisliklərin fonunda müxalifətdəkilərdən kiminsə övladının tərbiyəsizliyinə, debilliyinə kimsə şahidlik etdimi? Müxalifətdəkilərin övladları da harada olmasından asılı olmayaraq yalnız bu millətə fəxarət gətirib. Tək Elşad Musayevin 2 qız övladının (Allah onları xoşbəxt etsin) son 1 ayda Azərbaycan üçün etdiyi, dediklərimin bariz təsdiqidir. Müqayisə üçün nümunələr həddən artıq çoxdur. Belə övladların dədələri də hakimiyyətdəkilərdən bu fərq qədər üstündürlər. Ona görə müxalifətin hakimiyyətə gəlməsi və iqtidarın millətə xidmət etməsi zəruri tələbə çevrilib.

Bütün bu hadisələr prezident Əliyevin dəfələrlə ictimai qaydada xəbərdarlıqlarından sonra baş verir. Dəfələrlə bütün ölkənin gözü qarşısında İlham Əliyev bunlara barmaq silkələyib. Olmazdımı ki, bu işdən qovulma harınlıq mərəzi baş qaldıranda ediləydi? İsmayıllı hadisələrində İsmayıllı camaatının təəssübünü çəkənlər deyil, o işi başlayanlar cəzalanaydı? Suallar çoxdur.

Yekunda bildirmək istəyirəm ki, hadisədən məlum olur ki, hakimiyyətdə təmsil olunan bir qism insan müsəlman deyil, cahildir, düzgün bütpərəst belə ola bilməyiblər. Belələrinin böyütdükləri uşaqlar cəmiyyətimiz üçün ictimai təhlükədirlər. Hakimiyyətdəkilərin içində elə qudurmuşları var ki, düşmən üstümüzə gəldiyi, 2 yaşlı körpəni qətl etdiyi, müstəqilliyəmizə təcavüz edildiyi dönəmdə sürücünü döyür, insanları qorxuya salır, döyülmüş fağır birisini telefonla təhdid edir, heç kəsi də saymır. İşin üstü açılanda isə bütün olub-olmayanını ayaqlar altına atır. Bizim iqtidarın yetirdiyi belə standartlı homo y(s)apienslərə nifrət etməyə bilmirsən – zalımın yalağı, fağırın qənimi.

Baş vermiş hadisə YAP iqtidarının daxildən çürüməkdə olmasının göstəricisidir.

Bölmənin digər xəbərləri

15 Noyabr 2017 "Fəzail Ağamalının ilə eyni adı daşıdığım üçün əziyyət çəkirəm" - DEPUTATLARIN QALMAQALI
14 Noyabr 2017 Rafiq Əliyev: “Ancaq 3-5 nadan adam hesab edər ki, Rafiq Əliyev niyə pulu özünə götürmədi"
10 Noyabr 2017 İlham Rəhimov:"Sülhməramlıların yerləşdirilməsində Moskvanın şərti var" - MÜSAHİBƏ
31 Oktyabr 2017 İspaniya Azərbaycan üçün presedent yaradır - Politoloq
30 Oktyabr 2017 Tahir Kərimlidən müxalifətə sərt ittihamlar:“Ölkədə YAP-dan başqa sabitliyi saxlaya biləcək partiya yoxdur”
20 Oktyabr 2017 Elçibəyin köməkçisindən Ayaz Mütəllibova – Şillə kimi suallar
13 Oktyabr 2017 Türkiyə generalı: “ABŞ türk millətini hədəfə alıb” – Şok sözlər
26 Sentyabr 2017 Türkiyəyə qurulan böyük tələ: “kürd oyunu” – Türk tarixçi açıqladı
23 Sentyabr 2017 Millət vəkili: “Bakıda erməni deputatların başına araq butulkası çırpsaydılar, ürəyimdən tikan çıxardı...”
18 Sentyabr 2017 “Çingiz Qənizadə haqqında həqiqətləri söyləsəm, heç kəs ona salam verməz” — şeyxin qudasından SENSASSİON AÇIQLAMA
15 Sentyabr 2017 Jirinovskidən Türkiyəyə təhdid:“Ağrı dağını Ermənistana qaytaracağıq”
07 Sentyabr 2017 "Təəssüf ki, müxalifət qüvvələri bu gedişata sağlam münasibət bəsləmirlər" - VİP sədri
06 Sentyabr 2017 Azərbaycan Sarkisyanı Qarabağa gətirən helikopteri vura bilərmi?
25 Avqust 2017 "Elçi Bəy xalqına töhvə etdiyi testi üsulunu, ali məktəbə rüşvətsiz qəbul sistemini 20 ildən çox, hətta özündən sonra belə yaşatdı."
16 Avqust 2017 "Astan Şahverdiyevə qulaqburması veriləcək" - Ağacan Abıyev
12 Avqust 2017 Mənasız yerə idmanımıza "Köçəri quşlar" gətiririk -FAZİL MUSTAFA
08 Avqust 2017 "Nəzarətsiz pulların mənbəyi kəsilərsə..." - QAT sədri
04 Avqust 2017 "Ox yaydan çıxıb, Rusiyanın çökdürülməsi prosesinə başlanılıb" - POLİTOLOQ
23 İyul 2017 “2018-ci ilə kimi həbslərin sayı daha da artacaq” – ZÜMRÜD YAĞMUR
15 İyul 2017 Aqil Abbas: "Azərbaycanda benzinin qiyməti 2 manat olmalıdır"
© 2016 www.sozcu.az - Bütün hüquqlar qorunur.

Ünvan: Ağsu şəh., Melaratorlar qəs., ev 7. m.6
Direktor Anar Rəsulov
Redaktor Elşən Məmmədov - 055 972 53 53
Mob: 055 637 07 69
Tel: 020 226 42 28
email: sozcu.az@gmail.com

Saytda yerləşdirilmiş hər bir materiala olan hüquqlar Azərbaycan Respublikasının qanunvericiliyinə, həmçinin müəlliflik hüququ qanunlarına əsasən qorunur.
Müəlliflərin mövqeyi redaksiyanın mövqeyi ilə uyğun gəlməyə bilər. Saytdakı materiallardan istifadə zamanı istinad zəruridir.