Xəbər lenti

farslar.jpg
İran parlamentinin Bəndər Abbasdan seçilən deputatı Əhməd Muradi, noyabrın 2-də jurnalistlərə açıqlamasında ölkə parlamentində Türkdilli Deputatlar Fraksiyasının yaradılmasına etiraz bildirib.

Əhməd Muradi, İran İslam Respublikası Ana Yasasının 19, 20 və 84-cü əsllərinə istinad edərək bildirib ki, 100-dən çox türkdilli deputatın yaratdığı fraksiya, sözü gedən  əsllərdəki müddəaları pozur: “Parlament millətin səsidir. Elə buna görə də vəhdət və plüralizmin carçısı olmalıdır. Əgər bu proses davam etsə, biz gec-tez digər etniklərdə də bölünmələrin və parçalanmaların şahidi olacağıq. Bu isə ixtilafa gətirib çıxaracaq. Təəssüflər olsun ki, bu fraksiyanın yaradılmasından sonra bəzi separatçı (bölücü) və terrorçu saytlar ona dəstək verdilər. Bu isə nigaranlığa səbəb olur”.

Bildirilir ki, Əhməd Muradinin bu etirazından sonra Türkdilli Deputatlar Fraksiyasının sədri, təbrizli deputat Məsud Pezeşkiyan onun bu tənqidini cavabsız qoymayıb. O bildirib ki, Türkdilli Deputatlar Fraksiyasının yaradılmasının millətçiliyə heç bir dəxli yoxdur və onun yaranması sadəcə olaraq ölkədə türklərin toplu şəkildə yaşadığı bölgələrdəki problemlərin həllinə yardım etmək üçündür.

Xatırladaq ki, oktyabrın 30-da İranda 100-dən çox türk deputatının iştirakı ilə yaranmış Türkdilli Deputatlar Fraksiyasının ilk iclası keçirilib.

Türklərin toplu şəkildə yaşadığı əyalət və bölgələrdən parlamentə yol tapan deputatların ilk iclasında təbrizli deputat, İran parlamenti sədrinin canişini Məsud Pezeşkiyan Türkdilli Deputatlar Fraksiyasının sədri vəzifəsinə, urmiyalı deputat Nadir Qazipur ilə ərdəbilli deputat Rza Kərimi isə onun canişinləri vəzifəsinə seçilib. İclasda həmçinin Mərənd və Culfa şəhərlərindən seçilən deputat Məhəmməd Həsən Nəjad və təbrizli deputat Şəhabəddin Bimiqdar katib, təbrizli deputat Zəhra Sai isə fraksiyanın sözçüsü vəzifəsinə təyin edilib.

Fraksiyanın fəaliyyətə başlaması və onun funksiyası barədə jurnalistlərə açıqlama verən sözçü Zəhra Sai deyib ki, İran parlamentinin 25 deputatı artıq Türkdilli Deputatlar Fraksiyasının mərkəzi şurasının üzvüdür: “Türklərin yaşadığı bölgələrin probleminin həlli istiqamətində strateji idarəçiliyin təmin edilməsi, həmin bölgələrin potensialından maksimum dərəcədə istifadə olunması, ölkədə müvazinətli inkişafı təmin etmək, eləcə də milli birliyin gücləndirilməsi və inkişafı, fraksiyanın əsas hədəflərindən sayılır”.

Bölmənin digər xəbərləri

19 İyul 2017 Urmu gölü can verir
11 İyul 2017 Türkləri təhqirə etiraz edən xanım məhkəməyə çağırıldı
09 İyul 2017 Güney Azərbaycanda Zəhranın qətlinə etirazlar davam edir
01 İyul 2017 Daha bir azərbaycanlı fəal yoxa çıxdı
05 İyun 2017 Cənubi Azərbaycan hərakatının süqutunun gizlinləri: İ.Stalin – M.Bağırov- S.C.Pişəvəri
04 İyun 2017 Göytəpənin də adı farslaşdırılır – Müraciət
25 May 2017 Xamenei Azərbaycan nümayəndəsini dəyişir
17 May 2017 Təbrizdə Azərbaycan üçün koalisiya yaradıldı
13 May 2017 İranda Azərbaycan Bayrağı ilə şəkil çəkdirdiyi üçün həbs edilən fəal azadlığa çıxdı
27 Aprel 2017 "Güney təkcə yaralı bir aslana deyil, həm də intiqam alovuna çevrilib"
07 Mart 2017 İranda türk və ərəb fəallara basqılar artıb
16 Fevral 2017 İran parlamentini silkələyən Azərbaycan çıxışı - Video
28 Yanvar 2017 İranda milli fəala 10 il həbs, 2 il sürgün cəzası verilib
17 Yanvar 2017 Çöhrəqanlı Rəfsəncanidən danışdı: “Xəyanət qarşılığında mənə vəzifə təklif etdilər”
16 Yanvar 2017 İran rəsmisi: “İran, Səudiyyə Ərəbistanı hökumətini devirmək niyyətində deyil”
11 Yanvar 2017 İRAN TÜRK DİLİ İLƏ BAĞLI YENİ OYUN OYNAYIR
31 Dekabr 2016 KXCP İran səfirliyinin önündə aksiya keçirdi - QƏTNAMƏ
28 Dekabr 2016 Güney azərbaycanlı fəal 65-ci gündən sonra aclıq aksiyasına son qoydu
23 Dekabr 2016 "Güney Azərbaycanda son durum və milli vəzifələrimiz" adlı konfrans keçirildi
20 Dekabr 2016 Fars rejimi Təbriz Məhkəməsi önündə piket keçirən türk fəalları həbs edib
© 2016 www.sozcu.az - Bütün hüquqlar qorunur.

Ünvan: Ağsu şəh., Melaratorlar qəs., ev 7. m.6
Tel: 0202264228
Təsisçi Elşən Əlisoy - Mob: 055 972 53 53
email:Sozcu.az@gmail.com

Saytda yerləşdirilmiş hər bir materiala olan hüquqlar Azərbaycan Respublikasının qanunvericiliyinə, həmçinin müəlliflik hüququ qanunlarına əsasən qorunur.
Müəlliflərin mövqeyi redaksiyanın mövqeyi ilə uyğun gəlməyə bilər. Saytdakı materiallardan istifadə zamanı istinad zəruridir.