Xəbər lenti

zzelmix.jpg
Dekabrın 23-də Beynəlxalq Mətbuat Mərkəzində Bütöv Azərbaycan Hərəkatının təşəbbüsü ilə "Güney Azərbaycanda son durum və milli vəzifələrimiz" adlı konfrans keçirilib. 

Bu barədə Sozcu.az-a verilən məlumatda deyilir ki,  konfransda bir neçə məruzələr edilib. 

"İran Parlamentində Türk fraksiyasının yaradılması və milli vəzifələrimiz" adlı məruzə ilə BAH sədri , filosof alim Yasəmən Qaraqoyunlu, "İran-Ermənistan əlaqələri və Milli strategiyamız" adlı məruzə ilə politoloq Elxan Şahinoğlu, "1946-cı ilin dekabrında Təbrizdə Millətimizə qarşı aparılmış milli –mədəni soyqırım" adlı məruzə ilə isə Güney Azərbaycan Konqresinin sədri Abdulla Əmir Haşimi Cavanşir çıxış ediblər.   

BAH sədri Yasəmən Qaraqoyunlu məruzəsində qeyd edib ki, İran İslam Şurası məclisində Türk Fraksiyaının yaradılması nəticəsində 1925-ci ildən etibarən yeridilən Fars kimliyinə əsaslanan "Tək millət , tək dövlət" ideyası fiaskoya uğradı. Dolayısıyla rəsmi şəkildə İranın çox millətli dövlət olduğu etiraf edildi. Eyni zamanda 90 ildir İran-fars stratejistlərinin Türk Milli kimliyində kimlik bunalımı yaratmaq məqsədilə ortalığa atdığı saxta "Azəri" kimliyi də fiaskoya uğradı. Türk kimliyi, Türkçülük, Milli Hərəkatın sahibləndiyi əsas ideyadır.

 Lakin"Azəri kimliyi"və "Tək millət, tək dövlət " siyasətində uğursuzluğa düçar olan İran-Fars dövləti Türkiyə,Türküstan, Güney Azərbaycan,Quzey Azərbaycan türkləri arasında bölücülük aparmaq məqsədilə yeni siyasi paradiqmalar və problemlər yaradırlar. İnqilab mühafizəçisi komandiri Cavad Cəfərinin Hələbdəki türklərlə bağlı yanaşması bu siyasətin bəlirtiləridir və bu gələcəyə hesablanmış siyasətdir. Hədəf isə  İran türkləri ilə Türkiyə-Azərbaycan türkləri arasında ayrıseçkilik açmaq və beləliklə Milli Hərəkatımıza zərbə vurmaqdır. Başqa bir paradiqma isə "Vahid Plüralist İran" siyasəti formalaşdırmaqdır. Yəni İranın çox millətli ölkə olması etiraf olunsa da, bütün İran xalqları arasında vahid İran millətçiliyinin formalaşdırılması planlaşdırılır.  Bu nəzəriyyədə  İranın çox millətli olması etiraf olunur, lakin eyni coğrafiya,eyni tarix,eyni din ,eyni  mədəniyyət ətrafında İran xalqlarının birləşdirilməsi hədəf alınır. İran Parlamentində Türk Fraksiyasının yaradılmasına da Həsən Ruhani hökuməti bu şərtlər  daxilində icazə vermişdir. Lakin Milli hərəkatımızın da Türk Fraksiyasından yararlanma siyasəti formalaşmalıdır.  

Türk dilinin dövlət dillərindən biri olması, Urmiya bölgəsinin kürdləşdirilməsinin qarşısının alınması, İranın Ermənistanı dəstəkləməsinin qarşısının alınması, Qarabağ müharibəsində İranın ermənipərəst siyasətinin önlənməsi kimi məsələlərdə Türk fraksiyası böyük rol oynaya bilər. Buna görə də biz də bu Fraksiyanın varlığından maksimum yararlanmağa çalışmalıyıq. 

 Sonra məruzələr ətrafında çıxışlarda DAK həmsədri Sabir Rüstəmxanlı, AMİP lideri Etibar Məmmədov, Borçalı Cəmiyyətinin sədri Zəlimxan Məmmədli, politoloq Vasif Əfəndi, Milli Mədəniyyətin təbliği İB-nin sədri Jalə Cəfərova, flosif alim Faiq Ələkbərov, jurnalist Sərdar Əlibəyli,  Nəriman Qəhrəmanlı və başqaları öz nəzərlərini bildiriblər. 

 

Konfransda İranda Türkdilli deputatlar fraksiyasının təşkil olunması haqda fərqli mövqelər səslənsə də, güneyli milli fəalların azadlığa buraxılması, xüsusilə aclıq aksiyasının 60 -cı gününü keçirən Mürtəza Muradpurun nigaranedici durumu ilə bağlı ortaq fikirlər ifadə edilmişdir.

Bölmənin digər xəbərləri

20 Sentyabr 2017 Güney Azərbaycan təşkilatları bəyanat yaydılar
19 Sentyabr 2017 “Ərdəbil əhalisi sürətlə azalır” - Millət vəkili
16 Sentyabr 2017 İran adlanan yerdə azərbaycanlı fəallara qarşı ittiham irəli sürülüb
26 Avqust 2017 İranda Türk ləhcəsində danışanlara qadağa qoyuldu
14 Avqust 2017 Bələdiyyə işçilərinin döydüyü azərbaycanlı öldü - Aksiya
11 Avqust 2017 İrandan parlamentində Türk Fraksiyası ləğv edildi
11 Avqust 2017 İrandan şok qərar: Türk Fraksiyası ləğv edildi
31 İyul 2017 Güney Azərbaycan davası məlum irindən qurtulmalıdır! ( üç il gecikmiş cavab)
19 İyul 2017 Urmu gölü can verir
11 İyul 2017 Türkləri təhqirə etiraz edən xanım məhkəməyə çağırıldı
09 İyul 2017 Güney Azərbaycanda Zəhranın qətlinə etirazlar davam edir
01 İyul 2017 Daha bir azərbaycanlı fəal yoxa çıxdı
05 İyun 2017 Cənubi Azərbaycan hərakatının süqutunun gizlinləri: İ.Stalin – M.Bağırov- S.C.Pişəvəri
04 İyun 2017 Göytəpənin də adı farslaşdırılır – Müraciət
25 May 2017 Xamenei Azərbaycan nümayəndəsini dəyişir
17 May 2017 Təbrizdə Azərbaycan üçün koalisiya yaradıldı
13 May 2017 İranda Azərbaycan Bayrağı ilə şəkil çəkdirdiyi üçün həbs edilən fəal azadlığa çıxdı
27 Aprel 2017 "Güney təkcə yaralı bir aslana deyil, həm də intiqam alovuna çevrilib"
07 Mart 2017 İranda türk və ərəb fəallara basqılar artıb
16 Fevral 2017 İran parlamentini silkələyən Azərbaycan çıxışı - Video
© 2016 www.sozcu.az - Bütün hüquqlar qorunur.

Ünvan: Ağsu şəh., Melaratorlar qəs., ev 7. m.6
Tel: 0202264228
Təsisçi Elşən Əlisoy - Mob: 055 972 53 53
email:Sozcu.az@gmail.com

Saytda yerləşdirilmiş hər bir materiala olan hüquqlar Azərbaycan Respublikasının qanunvericiliyinə, həmçinin müəlliflik hüququ qanunlarına əsasən qorunur.
Müəlliflərin mövqeyi redaksiyanın mövqeyi ilə uyğun gəlməyə bilər. Saytdakı materiallardan istifadə zamanı istinad zəruridir.