Xəbər lenti

fezaill.jpg
Mən siyasi həyata başlayandan qarşıma bir məqsəd qoymuşam ki, əxlaqımı siyasətə dəyişməyim. Dövlətçilikdən kənar addımlarım olmasın. Millətimə, xalqıma xidmətimdə ədalətli olum. Ancaq çox təəssüf ki, bəzən mərdi qova-qova namərd edirlər. Mən siyasi həyata başlayandan eyni adı daşıdığım üçün Fəzail Ağamalının addımlarına görə əziyyət çəkirəm. Məni namərdlikdə ittiham etmək onun üçün ayıbdır.

Sozcu.az xəbər verir ki, bu sözləri Axar.az-a millət vəkili Fəzail İbrahimli adaşı, digər millət vəklili Fəzail Ağamalının öz açıqlamasında onu oğlunun törətdiyi qəzanı bilərəkdən onların üzərinə atmaqda ittiham etməsinə cavab olaraq deyib.

F.İbrahimli bildirib ki, adaşı ilə gənc illərindən tanış olsa da, heç vaxt xüsusi münasibət saxlamayıblar. Bildirib ki, üzərindən 2 aya qədər vaxt keçdikdən sonra baş vermiş xoşagəlməz hadisəni F.Ağamalının yenidən gündəmə gətirməsində başqa məqsədi var:

“O məsələ gündəmə gələndə agentliklərdən biri Fəzail Ağamalının oğlunun adını qeyd etdi. Həmin gün Fəzail bəy açıqlama verib yanlışlıq olduğunu bildirdi. Günün ikinci yarısı agentlik yanlış məlumata görə Fəzail bəydən üzr istədi. Mən də müsahibə verdim və bildirdim ki, oğlum kömək məqsədilə bu addımı atıb, hadisə bizim başımıza gəlib. Bununla da Fəzail Ağamalı və onun oğlu ilə bağlı olan məsələlərə nöqtə qoyuldu. Hadisədən iki gün sonra hər şey tam aydınlaşdırıldı. Onlar da, biz də açıqlama verdik. Jurnalistlər kifayət qədər maraqlandı, yıxılan gəncin ailəsi danışdı.

Mənə təəccüblüdür ki, üzərindən iki ay vaxt keçəndən sonra Fəzail Ağamalı yenidən bu hadisəni niyə gündəmə gətirir. Məni və oğlumu ittiham edir ki, guya mən onun adından, kölgəsindən istifadə etmişəm. Guya xəstəxanadan saytlarla əlaqə yaradıb onların adını vermişəm. Bu məntiqdən çox uzaq bir şeydir. Mən axı niyə belə edim ki? İndi jurnalistlər özləri bir məsələnin axırına tam çıxa bilirlər. Hüquq-mühafizə orqanları da məsələni araşdırır. Mən belə bir yalanı niyə yayıb özümü biabır edim? Belə məsələlər gizli qalmır. Həqiqət üzə çıxacaqdı gec-tez. Mən o xarakterdə adam deyiləm”.

F.İbrahimli bildirib ki, 70 yaşlı millət vəkilinə öz həmkarına namərd demək yaraşmaz:

“Adaşım məni namərdlikdə ittiham edir. Deyir ki, mən müsahibə verib deməliydim ki, qəzanı törədən Ağamalının oğlu deyil. Axı mən müsahibə verib qəzanı Fəzail Ağamalının oğlu törətdiyini deməmişəm. Yanlış məlumatı yayan sayt idi, o da sonradan təkzib verdi, üzr istədi. Bu məlumatı mən yaymamışam ki, mən də üzr istəyim. Cəmi bir gün ərzində bu məsələ həllini tapdı. Ancaq Fəzail Ağamalı yenidən gündəmə gətirir hadisəni. Mənə yaraşmaz bu yaşda iki adaş millət vəkilinin açıqlamaları ilə gündəm yaransın, şou düzəldilsin. Mən açıqlama vermək də istəmirdim. Ancaq görürəm susduqca, daha çox üzərimə gəlirlər. Mən siyasi həyata başlayandan eyni adı daşıdığımı üçün Fəzail Ağamalının addımlarına görə əziyyət çəkirəm. Onun 70 yaşı var. Onun etdiyi hərəkətlər 70 yaşlı kişinin etdiyi hərəkətlər deyil. Onun söz sərhədi yoxdur”.

Qeyd edək ki, oktyabr ayında Fəzail İbrahimlinin oğlu, 1987-ci təvəllüdlü Tural İbrahimli “Cip Vangler” markalı 90 BJ 555 dövlət nömrə nişanlı avtomobil ilə yolu keçmək istəyən 1999-cu il təvəllüdlü Azərbaycan Dövlət İqtisad Universitetinin tələbəsi Nurullayev Qərib Şakir oğlunu vurmuşdu.

Tibb Universitetinin qarşısında baş vermiş hadisə zamanı piyada xəsarət alıb. O, sürücünün köməyi ilə 1 saylı Kliniki Tibbi Mərkəzə (“Semaşko”) çatdırılıb. Əvvəlcə qəzanın Fəzail Ağamalının oğlu tərəfindən törədildiyi barədə məlumat yayılsa da, qısa müddət sonra qəza törədən gəncin digər millət vəkili F.İbrahimlinin oğlu olduğu bildirildi.

F.İbrahimli və xəsarət alan tələbənin atası Şakir Nurullayev əslində qəza olmadığı, Qərib Nurullayevin yıxılaraq xəsarət aldığı və bu zaman təsadüfən yoldan keçən Tural İbrahimlinin onu xəstəxanaya çatdırdığı haqda açıqlama vermişdilər.

F.Ağamalı dünən Musavat.com-a geniş müsahibəsində bu hadisəni xatırladaraq, qəzada adının qəsdən hallandığını və bunun həmkarı tərəfindən edildiyini bildirib.

Bölmənin digər xəbərləri

24 Noyabr 2017 Səlim Müslümov Zahid Oruca cavab verdi:“Niyə əlillərin deputatlığa namizədliyini irəli sürmürsünüz?!”
21 Noyabr 2017 Yalçın İmanovun Vəkillər Kollegiyasından çıxarılmasına sərt reaksiyalar
21 Noyabr 2017 Bakı heç vaxt status-kvo ilə razılaşmayacaq - Ariye Qut
14 Noyabr 2017 Rafiq Əliyev: “Ancaq 3-5 nadan adam hesab edər ki, Rafiq Əliyev niyə pulu özünə götürmədi"
10 Noyabr 2017 İlham Rəhimov:"Sülhməramlıların yerləşdirilməsində Moskvanın şərti var" - MÜSAHİBƏ
31 Oktyabr 2017 İspaniya Azərbaycan üçün presedent yaradır - Politoloq
30 Oktyabr 2017 Tahir Kərimlidən müxalifətə sərt ittihamlar:“Ölkədə YAP-dan başqa sabitliyi saxlaya biləcək partiya yoxdur”
20 Oktyabr 2017 Elçibəyin köməkçisindən Ayaz Mütəllibova – Şillə kimi suallar
13 Oktyabr 2017 Türkiyə generalı: “ABŞ türk millətini hədəfə alıb” – Şok sözlər
26 Sentyabr 2017 Türkiyəyə qurulan böyük tələ: “kürd oyunu” – Türk tarixçi açıqladı
23 Sentyabr 2017 Millət vəkili: “Bakıda erməni deputatların başına araq butulkası çırpsaydılar, ürəyimdən tikan çıxardı...”
18 Sentyabr 2017 “Çingiz Qənizadə haqqında həqiqətləri söyləsəm, heç kəs ona salam verməz” — şeyxin qudasından SENSASSİON AÇIQLAMA
15 Sentyabr 2017 Jirinovskidən Türkiyəyə təhdid:“Ağrı dağını Ermənistana qaytaracağıq”
07 Sentyabr 2017 "Təəssüf ki, müxalifət qüvvələri bu gedişata sağlam münasibət bəsləmirlər" - VİP sədri
06 Sentyabr 2017 Azərbaycan Sarkisyanı Qarabağa gətirən helikopteri vura bilərmi?
25 Avqust 2017 "Elçi Bəy xalqına töhvə etdiyi testi üsulunu, ali məktəbə rüşvətsiz qəbul sistemini 20 ildən çox, hətta özündən sonra belə yaşatdı."
16 Avqust 2017 "Astan Şahverdiyevə qulaqburması veriləcək" - Ağacan Abıyev
12 Avqust 2017 Mənasız yerə idmanımıza "Köçəri quşlar" gətiririk -FAZİL MUSTAFA
08 Avqust 2017 "Nəzarətsiz pulların mənbəyi kəsilərsə..." - QAT sədri
04 Avqust 2017 "Ox yaydan çıxıb, Rusiyanın çökdürülməsi prosesinə başlanılıb" - POLİTOLOQ
© 2016 www.sozcu.az - Bütün hüquqlar qorunur.

Ünvan: Ağsu şəh., Melaratorlar qəs., ev 7. m.6
Direktor Anar Rəsulov
Redaktor Elşən Məmmədov - 055 972 53 53
Mob: 055 637 07 69
Tel: 020 226 42 28
email: sozcu.az@gmail.com

Saytda yerləşdirilmiş hər bir materiala olan hüquqlar Azərbaycan Respublikasının qanunvericiliyinə, həmçinin müəlliflik hüququ qanunlarına əsasən qorunur.
Müəlliflərin mövqeyi redaksiyanın mövqeyi ilə uyğun gəlməyə bilər. Saytdakı materiallardan istifadə zamanı istinad zəruridir.