Xəbər lenti

seckigurcus.jpg
2018-ci il prezident seçkiləri yaxınlaşdıqca, Azərbaycanın siyasi mühitində canlanma müşahidə olunur.

Partiyalar prezident seçkilərində iştiraka təşviq etmək üçünsə maliyyə də böyük rol oynayır.
Bu mənada bir neçə il əvvəl Mərkəzi Seçki Komissiyası dövlət büdcəsindən prezidentliyə namizədlərə maliyyə ayırırdı.

Misal üçün, 2003-cü ildə prezidentliyə namizədlərə dövlət büdcəsindən 12 min manat vəsait ayrılmışdı, lakin 8 nəfər namizəddən yalnız üç nəfəri 3 faizlik baryeri keçmişdi.

2008-ci ilin prezident seçkilərində namizədlərin hər biri üçün dövlət büdcəsindən 12 min manat vəsait ayrılmışdı. Bu seçkilərdə 3 faizlik baryeri keçməyən partiyalara isə pul verilməmişdi. Bütöv Azərbaycan Xalq Cəbhəsi Partiyasının sədri Qüdrət Həsənquliyev və Müasir Müsavat Partiyasının sədri Hafiz Hacıyev 2003 -cü ilin prezident seçkisində 3% - dən az səs topladıqlarına və dövlət büdcəsindən ayrılan pulu geri qaytarmadıqlarına görə onlara 2008-də maliyyə verilmədi.

Lakin sonradan istər parlament, istərsə də prezident seçkilərində iştirak edən partiyalara dövlət büdcəsindən pul ayrılması dayandırıldı. Belə ki, 2010-cu ildə Seçki Məcəlləsinə edilmiş əlavə və dəyişikliklərə əsasən, dövlət büdcəsindən istər prezident, istərsə də parlament seçkilərində namizədlərə vəsait ayrılmasının yolverilməzliyi təsdiqləndi.
Bəs 2018-ci ilin prezident seçkiləri öncəsi namizədlərə dövlət büdcəsindən pul ayrılması üçün Seçki Məcəlləsinə yenidən baxıla bilərmi?

Milli Məclisin İctimai birliklər və dini qurumlar komitəsinin sədri, hakim Yeni Azərbaycan Partiyasının icra katibinin müavini Siyavuş Novruzov mövzu ilə bağlı Modern.az saytına danışıb.

Deputat bildirib ki, hazırda Seçki Məcəlləsinə belə dəyişiklik edilməsi gündəmdə deyil.

"Əvvəllər prezident seçkilərində namizədlərin hər birinə təxminən 15 min manat civarında pul ayrılırdı. Bu vəsait tələb olunan səs toplanmadıqda, geri qaytarılmalı idi”-deyə S. Novruzov söyləyib.

YAP funksioneri qeyd edib ki, prezidentliyə namizədlər lazım olan səsi yığa bilməsələr də, onlara ayrılan pulu geri qaytarmırdılar.
"Buna görə də, bu məsələ açıq vəziyyətdə qaldı”.

"Bəs siyasi aktivliyi artırmaq və partiyaları prezident seçkilərində iştiraka təşviq etmək üçün namizədlər üçün yenidən pul ayrıla bilərmi” sualına isə parlamentin komitə sədrinin cavabı belə olub:

"Siyasi aktivlik onsuz da var. Kifayət qədər insan bəyanat verib ki, prezident seçkilərində iştirak edəcək. Bir çoxları istər parlament, istərsə də prezident seçkilərində seçilmək üçün yox, məhz o pulu almaq üçün namizədliklərini verirdi. Buna görə də, qanunvericiliyə dəyişiklik edildi”.

Bölmənin digər xəbərləri

20 Fevral 2018 Erməniləri susduran jurnalistin evi əlindən alınır - Foto
20 Fevral 2018 İran “qaynayır” – Ölənlərin sayı 5-ə çatdı, 300 saxlanılan var
19 Fevral 2018 Ağsuda övladının əlillik dərəcəsini ala bilməyən ailə çıxış yolunu intihar etməkdə görür
19 Fevral 2018 Şəhid ailəsi kredit borcuna görə prezidentdən kömək istəyir - MÜRACİƏT
19 Fevral 2018 “Gündəm Xəbər” xaker hücumuna deyil, vəzifə sahiblərinin hücumuna məruz qalıb--ŞOK OLAY
18 Fevral 2018 Türk ordusunun zərbəsi: 1614 meyit...
17 Fevral 2018 Türk ordusu Afrində 1595 terrorçunu məhv etdi
16 Fevral 2018 Biləsuvarda abonentlərə edilən qaz fırıldağı - Əsassız cərimələr necə yazılır?
15 Fevral 2018 Yerevan ABŞ-ın “qara siyahı”sında
15 Fevral 2018 Bloqqerin ölümü ilə bağlı cinayət işinə xitam verildi
15 Fevral 2018 Zakir Fərəcova yeni müavin təyin olundu
13 Fevral 2018 Akif Nağı da prezidentliyə namizəd olur
12 Fevral 2018 Ana Vətən Partiyası İlham Əliyevi dəstəklədi - BƏYANAT
11 Fevral 2018 ADR Hərəkatı prezident seçkiləri ilə bağlı bəyanat verdi
10 Fevral 2018 Müsavat Partiyası seçkilərdə iştirak etməyəcək -VİDEO
09 Fevral 2018 Hacıbala Abutalıbovun oğlu adını dəyişib Abu Bəkr qoydu
06 Fevral 2018 Nazirlik açıqladı: aprelin 11-i qeyri-iş günü, 9-u və 10-u isə…
04 Fevral 2018 “Zeytun budağı” əməliyyatı:daha 5 hədəf məhv edildi, 32 terrorçu öldürüldü
01 Fevral 2018 Əli Əhmədovdan YAP-çı gənclərə çağırış:"Sosial şəbəkədə fəal olun"
01 Fevral 2018 İçində azərbaycanlıların da olduğu gəmi Qara dənizdə qəzaya uğradı (YENİLƏNDİ)
© 2016 www.sozcu.az - Bütün hüquqlar qorunur.

Ünvan: Ağsu şəh., Melaratorlar qəs., ev 7. m.6
Direktor Anar Rəsulov
Redaktor Elşən Məmmədov - 055 972 53 53
Mob: 055 637 07 69
Tel: 020 226 42 28
email: sozcu.az@gmail.com

Saytda yerləşdirilmiş hər bir materiala olan hüquqlar Azərbaycan Respublikasının qanunvericiliyinə, həmçinin müəlliflik hüququ qanunlarına əsasən qorunur.
Müəlliflərin mövqeyi redaksiyanın mövqeyi ilə uyğun gəlməyə bilər. Saytdakı materiallardan istifadə zamanı istinad zəruridir.