Xəbər lenti

muellimeqad.jpg
Xəzər rayonu Şüvəlan qəsəbəsində yerləşən, sağlamlıq imkanları məhdud uşaqlar üçün nəzərdə tutulmuş 12 nömrəli xüsusi internat məktəbinin keçmiş əməkdaşı Gülnar Ələsgərovanın məktəbin direktoru Allahverdi Vəliyevin əxlaqsız təklifinə “yox” cavabı verdiyi üçün işdən çıxarılması iddiası hazırda gündəmi zəbt edib.

Təəssüf ki, bu, ilk belə problem deyil. Müxtəlif özəl şirkətlərdə, hətta bəzi dövlət müəssisələrində qadın işçilərə olan münasibət, onlara qarşı əxlaqsız təkliflərin edilməsi hallarına tez-tez rast gəlinir.

Sozcu.az xəbər verir ki, məsələ ilə bağlı Axar.az-a danışan millət vəkili Fazil Mustafa bildirib ki, bu gün Azərbaycandakı bir sıra müəssisədə tabeçilikdəki işçilərə qarşı belə xoşagəlməz hallara rast gəlinir:

“Hər kəsin şəxsiyyəti var. İşçilərin iradəsinə zidd olaraq qulluq mövqeyindən istifadə edərək belə bir təkliflə çıxış etmək yolverilməzdir. Belə hərəkət edən insanlar qanunla məsuliyyətə cəlb oluna bilər. Amma öncə bu məsələlər mütləq sübut olunmalıdır.

Bütövlükdə bu problem təkcə qadınlarla bağlı deyil. Ümumiyyətlə, tabelikdə olan işçilərə münasibətlərlə bağlı hallar kifayət qədərdir. Bəzən görürsən ki, rəhbərlikdə olan şəxsin işçilərindən birinin hansısa addımı xoşuna gəlmirsə, onu təhqir edir, söyür, hətta əsassız şəkildə təqib edir və ya işdən çıxarır. Qanunla bu məsələdə işçilərin hüquqlarının qorunması xeyli çətinləşib. Məhkəmələr bir çox hallarda bu cür şikayətləri inzibati qaydada nəzarətə götürür. Bu məsələ üzərində ciddi şəkildə düşünmək lazımdır. Məmurların, müəllimlərin, həkimlərin müəyyən dərəcədə qorunması ilə daha çox həmkarlar təşkilatları maraqlanmalıdır.

Əgər belə bir şey varsa, Müəllimlərin Həmkarlar İttifaqı öz güclərini qorumaq barədə konkret addımlar atmalıdır. Hazırda söhbət həmin məktəbdən gedirsə, Həmkarlar İttifaqının bu işə qarışması vacibdir. Ən azı müəllimin həm əmək hüququnun, həm də ki, digər hüquqlarının qorunması istiqamətində ona köməklik göstərilməlidir. Yəni burada əsas problem əslində qoruyucu mexanizmlərin olmamasındadır. Ona görə də belə təkliflər, davranışlar tez-tez baş verir”.

Millət vəkilinin sözlərinə görə, maddi asılılıq, tabeçilik və başqa məsələlərdən istifadə edən ləyaqətsiz insanlar qadınların durumunun ağır olduğunu görüb belə təkliflər edirlər:

“Günümüzdə telefon, eləcə də sosial şəbəkələr vasitəsilə qadınlara qarşı dələduzluq edən şəxslərin sayı kifayət qədər çoxdur. Amma bu, qadınların təkliflərə pozitiv yanaşaraq müəyyən mənada özlərinin imicinə xələl gətirən addımlar atmasına əsas vermir. İnsan gərək birinci növbədə öz ictimai statusunu, mövqeyini ciddi şəkildə düşünsün. Amma hansısa qadın müəyyən ehtiyaclar ucbatından yanlış hərəkət edirsə və burada məsuliyyət elementləri varsa, onda həmin şəxsə qarşı müvafiq qoruyucu mexanizmlər işə düşməlidir. Çünki bu təkcə inzibati qaydada həll olunacaq bir şey deyil. Yəni elə məsələlər var ki, mənəvi kateqoriyaya aiddir. Məsələləri daha dərindən araşdırıb dəqiq nəticə ortaya qoymaq lazımdır. Çünki hər dəfə ittiham olunan tərəfin haqsızlığını əvvəldən söyləmək çətin olur. Ola bilər ki, kimsə məqsədyönlü şəkildə başqasına böhtan atsın. Ona görə də bu məsələləri ciddi araşdırmaq və yalnız bundan sonra münasibət bildirmək olar”.

F.Mustafa vurğulayıb ki, cəmiyyətdə qadın işçilərə qarşı bu münasibəti qısa zamanda həll etmək çətindir:

“Hazırda bu problem fərdi şikayətlərin araşdırılması formasında həll olunur. Amma ümumilikdə qanunlar işləməyəcəksə, məhkəmələr məsələyə obyektiv yanaşmayacaqlarsa, bu proses davam edəcək.

Tabeçilikdə çalışan şəxslərin hüquqları qorunsa və hamı bilsə ki, belə narahatedici problemlər yoxdur, onda qadınların çalışmasını məhdudlaşdırmağa da meyillilik azalar. Əslində, qadınların işləməsi daha vacibdir. Qadın maşın idarə edə bilirsə, niyə taksi, yaxud avtobus sürücüsü olmasın?! Amma qadınlarla davranış mədəniyyəti aşağı olarsa, onlara qarşı tərbiyəsizlik, hörmətsizlik edilərsə, bu, başqalarının da gözünü qorxudacaq. Ona görə də məsələyə bu konteksdən yanaşmaq lazımdır. İctimai davranış əxlaqımız xeyli dəyişməlidir ki, bunu normal qəbul edək və insanlar bundan çəkinməsin”.

Bölmənin digər xəbərləri

20 Fevral 2018 Erməniləri susduran jurnalistin evi əlindən alınır - Foto
20 Fevral 2018 İran “qaynayır” – Ölənlərin sayı 5-ə çatdı, 300 saxlanılan var
19 Fevral 2018 Ağsuda övladının əlillik dərəcəsini ala bilməyən ailə çıxış yolunu intihar etməkdə görür
19 Fevral 2018 Şəhid ailəsi kredit borcuna görə prezidentdən kömək istəyir - MÜRACİƏT
19 Fevral 2018 “Gündəm Xəbər” xaker hücumuna deyil, vəzifə sahiblərinin hücumuna məruz qalıb--ŞOK OLAY
18 Fevral 2018 Türk ordusunun zərbəsi: 1614 meyit...
17 Fevral 2018 Türk ordusu Afrində 1595 terrorçunu məhv etdi
16 Fevral 2018 Biləsuvarda abonentlərə edilən qaz fırıldağı - Əsassız cərimələr necə yazılır?
15 Fevral 2018 Yerevan ABŞ-ın “qara siyahı”sında
15 Fevral 2018 Bloqqerin ölümü ilə bağlı cinayət işinə xitam verildi
15 Fevral 2018 Zakir Fərəcova yeni müavin təyin olundu
13 Fevral 2018 Akif Nağı da prezidentliyə namizəd olur
12 Fevral 2018 Ana Vətən Partiyası İlham Əliyevi dəstəklədi - BƏYANAT
11 Fevral 2018 ADR Hərəkatı prezident seçkiləri ilə bağlı bəyanat verdi
10 Fevral 2018 Müsavat Partiyası seçkilərdə iştirak etməyəcək -VİDEO
09 Fevral 2018 Hacıbala Abutalıbovun oğlu adını dəyişib Abu Bəkr qoydu
06 Fevral 2018 Nazirlik açıqladı: aprelin 11-i qeyri-iş günü, 9-u və 10-u isə…
04 Fevral 2018 “Zeytun budağı” əməliyyatı:daha 5 hədəf məhv edildi, 32 terrorçu öldürüldü
01 Fevral 2018 Əli Əhmədovdan YAP-çı gənclərə çağırış:"Sosial şəbəkədə fəal olun"
01 Fevral 2018 İçində azərbaycanlıların da olduğu gəmi Qara dənizdə qəzaya uğradı (YENİLƏNDİ)
© 2016 www.sozcu.az - Bütün hüquqlar qorunur.

Ünvan: Ağsu şəh., Melaratorlar qəs., ev 7. m.6
Direktor Anar Rəsulov
Redaktor Elşən Məmmədov - 055 972 53 53
Mob: 055 637 07 69
Tel: 020 226 42 28
email: sozcu.az@gmail.com

Saytda yerləşdirilmiş hər bir materiala olan hüquqlar Azərbaycan Respublikasının qanunvericiliyinə, həmçinin müəlliflik hüququ qanunlarına əsasən qorunur.
Müəlliflərin mövqeyi redaksiyanın mövqeyi ilə uyğun gəlməyə bilər. Saytdakı materiallardan istifadə zamanı istinad zəruridir.