Xəbər lenti

tramp111.jpg
ABŞ-ın yeni seçilmiş prezidenti Donald Trampın inauqurasiya mərasiminə sayılı günlər qalıb. Yanvarın 20-də D.Tramp and içəcək və yanvarın 21-dən ABŞ prezidenti vəzifəsini həyata keçirməyə başlayacaq. İnauqurasiya komitəsinin yaydığı məlumata görə, mərasimin rəsmi hissəsi yanvarın 19-da səhər saatlarında başlayacaq. Yanvarın 20-də prezident və vitse-prezident Konqresdə and içəcək və ardınca Ağ Evə qədər davam edəcək inauqurasiya paradında iştirak edəcəklər.

Yanvarın 21-də duaların oxunduğu mərasimlə səhər yeməyi veriləcək. Mərasimə müxtəlif dinlərin bir neçə min nəfərdən ibarət təmsilçisi, həmçinin ABŞ siyasəti və işgüzar elitasının nümayəndələri qatılacaq.

Mərasimə son dərəcə ciddi təhlükəsizlik hazırlıqları da aparıldığı bildirilir. ABŞ-ın xüsusi xidməti və paytaxt polisi hesab edir ki, yeni seçilən prezident Donald Trampın yanvarın 20-də keçiriləcək inauqurasiyası zamanı Vaşinqtonda dünyanın ən çətin əməliyyatlarından biri qeydə alına bilər. “Nyu York Tayms”ın yazdığına görə, hazırda Tramp tərəfdarları ilə seçkinin nəticələrindən narazı qalanlar arasında mümkün qarşıdurmaların qarşısının alınması üçün ciddi hazırlıq gedir.

İnauqurasiyaya Trampın bir milyona yaxın tərəfdarının gələcəyi gözlənilir.

İnauqurasiya mərasimində iştirak üçün Bakıya heç kimə dəvət gəlmədiyi barədə diplomatik mənbələrdən Yeni Müsavata daxil olan məlumatda bildirilib ki, Azərbaycan adına dəvət ölkəmizin ABŞ-dakı səfiri Elin Süleymanova olub.

ABŞ-ın Azərbaycandakı səfirliyinin əməkdaşı Mehdi Hüseynquliyev açıqlamasında bildirib ki, Bakıya dəvət gəldiyi barədə məlumata malik deyil.

Azərbaycanın Xarici İşlər Nazirliyi və digər müvafiq rəsmi dövlət orqanları da ABŞ prezidentinin inauqurasiya mərasiminə Bakıya dəvət gəldiyi barədə rəsmi açıqlama yaymayıb.

Xatırladaq ki, 2013-cü ilin yanvarında Barak Obamanın inauqurasiya mərasimində də ölkəmizi Azərbaycanın ABŞ-dakı səfiri təmsil etmişdi. Belə görünür ki, ABŞ bu dəfə də səfirlə kifayətlənəcək. Bununla belə, ekspertlər bildirir ki, Bakıya xüsusi dəvətin olmaması Azərbaycan iqtidarı ilə Tramp hakimiyyəti arasında problemlərin olacağını söyləmək üçün əsas sayıla bilməz. Azərbaycan hakimiyyətinə əvvəlki dönəmlərdə də respublikaçılarla işləmək demokratlarla işləməkdən daha rahat olub. Yeni seçilmiş prezident Trampla da işləmək ən azından Obama administrasiyası ilə işləməkdən daha asan olacaq.(axar.az)

Bölmənin digər xəbərləri

24 Noyabr 2017 Zərdabda bir ailə Azərbaycan vətəndaşlığından imtina edir
23 Noyabr 2017 "Yeni doğulan uşağa 45, buzova görə 140 manat verilir" - Fazil Qəzənfəroğlu
23 Noyabr 2017 Abdin Fərzəliyev gözdən əlillərin evinə göz dikib-VİDEO
23 Noyabr 2017 Siyasi Partiyaların Əməkdaşlıq Mərkəzi Qarabag Forumu keçirəcək
19 Noyabr 2017 Siyasi məhbus siyahısı yeniləndi
16 Noyabr 2017 İnsan Haqları Məhkəməsi İlqar Məmmədovun ikinci şikayətini də təmin etdi
13 Noyabr 2017 Ülvi Həsənlinin şikayəti yenə təmin edilməyib
12 Noyabr 2017 Nazirlik Xədicə İsmayılın bank hesabına həbs qoyulmasını istəyir
11 Noyabr 2017 Tramp Putinə vaxt ayıra bildi
10 Noyabr 2017 Tramp Putinlə görüşməyəcək
09 Noyabr 2017 Ankarada 110 İŞİD-çi tutuldu
08 Noyabr 2017 Müsavat başqanı Brüsselə getdi - FOTO
06 Noyabr 2017 Leysan, qar yağacaq, temperatur 4-6° enəcək - XƏBƏRDARLIQ
06 Noyabr 2017 Elmira Axundovanın oğlu ölən modelə hansı maşını alıbmış? - FOTO
04 Noyabr 2017 Parlamentin qərarı hüquqşünasları hərəkətə gətirdi –Bakıda mitinq keçirməyə qərar verdilər
04 Noyabr 2017 Dilqəm və Şahbaz üçün petisiya başladı – Səs verin!
03 Noyabr 2017 Lənkəranskinin qardaşı həbsdən buraxıldı
03 Noyabr 2017 “Lənkəranski”nin qardaşının deportasiyası gözlənilir-"Lotu Quliyə sui-qəsdə görə
02 Noyabr 2017 Bakıda keçirilən xüsusi əməliyyatda "Qoca" və daha bir nəfər öldürülüb, bir nəfər yaralanıb
01 Noyabr 2017 “Ya Qarbağ, ya istefa!” tələbi ilə mitinq qərarı verildi
© 2016 www.sozcu.az - Bütün hüquqlar qorunur.

Ünvan: Ağsu şəh., Melaratorlar qəs., ev 7. m.6
Direktor Anar Rəsulov
Redaktor Elşən Məmmədov - 055 972 53 53
Mob: 055 637 07 69
Tel: 020 226 42 28
email: sozcu.az@gmail.com

Saytda yerləşdirilmiş hər bir materiala olan hüquqlar Azərbaycan Respublikasının qanunvericiliyinə, həmçinin müəlliflik hüququ qanunlarına əsasən qorunur.
Müəlliflərin mövqeyi redaksiyanın mövqeyi ilə uyğun gəlməyə bilər. Saytdakı materiallardan istifadə zamanı istinad zəruridir.