Xəbər lenti

gedebeyy.jpg
Su İstehsalçıları Birliyinin sədri Dövlət Məmmədovun irəli sürdüyü bir iddia sosial şəbəkədə ciddi müzakirələrə yol açıb.

D.Məmmədov facebook səhifələrindən birində paylaşılan Gədəbəy rayonunun tarixinə aid məlumatı müzakirəyə çıxarıb. Məlumatda bildirilir:


"İran şahı Gədəbəyi erməni Ohon bəyə bağışlayır...

1696-cı ildə İran şahı Gəncə bəylərbəyliyinə məktub göndərərək bildirir ki, Gədəbəy əhalisi ilə birgə Osmanlı Türkiyəsinə qarşı müharibədə xüsusi fərqlənən, Naxçıvanda yaşayan Ohon bəyə bağışlayır və Gədəbəydə yaşayan əhalidən yığılan bütün vergilər də ona çatır".
dovletmm.jpg
Dövlət Məmmədov

Bu məlumata D.Məmmədovun facebook profilində etirazlar gəlib. İstifadəçilər bildiriblər ki, Ohon bəy əslində erməni yox, alban olub. Bundan başqa, məlumatın guya Azərbaycanın iki bölgəsi - Naxçıvan və Gəncə arasında ərazi iddiası olması qənaəti yaratdığını bildirən və buna etiraz edənlər də olub. AFN məsələ ilə bağlı tarixçilərin fikirlərini alıb.
ramilrust.jpg
Ramil Rüstəmov

AMEA Şərqşünaslıq İnstitutunun elmi işçisi Ramil Rüstəmovun sözlərinə görə, məlumat yanlışdır: "Guya 1696-cı ildə İran şahı Gədəbəyi erməni bəyinə verir. Əslində isə heç 1696 cı ildə İran adında nə coğrafi nə də siyasi məfhum mövcud deyildi. Bu anlayış 1935-ci ildə siyasi səhnəyə çıxıb. O dövrdə şah sultan Hüseyn (1694-1722) olmuşdur ki, o da səfəvilər hökmdarı idi. Səfəvi şahlarının yazışmalarında və ya məktublarında erməni adına təsadüf edilmir və belə bir sənəd də mövcud deyildir. Bu, yalan və iftiradır, Azərbaycan hökmdarlarının adına ləkə vurmaq üçün atılmış bir addımdır. Türkmənçay müqaviləsinə qədər Qafqazda və Azərbaycanda erməni olmayıb. Ümumiyyətlə Səfəvi şahları indiki Gürcüstan və Ermənistan ərazisini fəth edərkən həmin ərazilərə türk canişinləri təyin ediblər. Eyni zamanda bu ərazilərdə türk - Azərbaycan mədəniyyəti daim dominant olub".
b_800_600_0_00_images_xeber_sekilleri_6noyabr2016_dilaver.jpg
Dilavər Əzimli

Tarixçi alim  Dilavər Əzimlinin sözlərinə görə, bu cür fikirlərin yayılması təhlükəlidir: "Üzümü Dövlət Təhlükəsizlix Xidmətinə tutaraq bütöv Azərbaycanın vətənpərvərləri adından bu məlumatı yayanların fəaliyyətinin yoxlanılmasını tövsiyə edirəm. Bu informasiya birbaşa ermənilərin mənafeyinə xidmət edir. Birincisi, o zaman Naxçıvanda erməni yox idi. Orada yaşayan xristian albanlar olublar. İkinsisi, o zaman İran adlı dövlət dünya xərtisənində olmayıb. O zaman Azərbaycan Səfəvilər dövlət adlı bir Türk dövləti olub. Bu yazını yazan da səfəvilərə nifrətini ortaya qoyur. Bu adam qanmır ki, Azərbaycan Səfəfi dövləti olmasaydı, bugünki bütöv Azərbaycan coğrafiyası olmayacaqdı. İran adı isə 1935-ci ildən ingilis-rus-fars işbirliyi nəticəsində ortaya çıxıb. Üçünsü isə Gədəbəy camaatı bu fikrə etiraz etməlidir. Bu insan Azərbaycanın bu tarixi ərazisinə özünün məzhəbi baxımından yanaşmışdır. Bu isə qəbuledilməzdir. Bu yazı ermənilərin dəyirmanına birbaşa su tökür. Dördüncüsü, qardaş Türkiyə ilə Azərbaycan arasına nifaq salınmasına xidmət edir. Bu adamın mənbələrdən xəbəri yoxdur və bu mənada yazdığının məsuliyyətini daşımalıdır. Bu adam həmin məktubu hansı mənbədən götürüb, onu dəqiq yazsın.
Biz Bütöv Azərbaycan Ocaqları olaraq bütün vətənpərvər saytları bu cür yazılar dərc edənlərə qarşı mübarizəyə çağırırıq. Azərbaycan özünün özəl keyfiyyətləri ilə xüsusi seçilən bir ölkədir. Bu ərazilərdə min illərlə çoxluq təşkil edən türklərlə, digər xalqlar çiyin-çiyinə yaşayıblar. O zaman hansısa ərazinin kiməsə bağışlanmasından söhbət gedə bilməzdi. Onda o zaman bu dövlətin ərazilərindən heç nə qala bilməzdi. Dövlətin bəylərbəylikləri var idi. Həmin ərazilərə onlar nəzarət edirdi. Dövlət töycüsünün kiməsə bağışlanması isə mümkün deyildi. Biz bu cür yazılara qarşı kəskin olmalıyıq! Bizə ötürülən Vətən adlı əmanəti göz bəbəyi kimi qorumalı və uğrunda hər zaman döyüşə hazır olmalıyıq!”
ceyhuntae.jpg
Ceyhun Nəbiyev

Gəbədəyli gənc fəal Ceyhun Nəbiyev də məsələyə münasibət bildirib. Onun sözlərinə görə, günümüzdə Azərbaycanı gözü götürməyən qonşu dövlətlərin təxribatçı məlumatlarından qorunmaq üçün sosial şəbəkərlərdə ayıq-sayıq olmalıyıq: "Bu mənada əsas məsələ tarix, təhlükəsizlik öndə dayanır. Ən böyük sosial şəbəkələrdən biri olan Facebook-da yönəticisi Dövlət Məmmədov adlı şəxs olan "Gedebeyin SESİ" adında səhifədə təxribat xarakterli məlumat yer alıb. Açıq-aşkar erməni təxribatı xarakterli yazının gədəbəyli ziyalı tərəfində işıqlandırılması fəal gədəbəyli gənclərin və ziyalıların ciddi narahatlığına səbəb olub. Gədəbəy gəncləri və ziyalılarına maraqlı olan daha bir məsələ isə ixtisası tarix olmayan birinin bu cür təxribat xarakterli heç bir mənbəsi olmayan və saxta mənbə göstərərək "tariximiz budur, bilməliyik" kimi məsləhət verməklə yazmasıdır. Məqsəd nədir ciddi suallar doğurur".

AFN

 

Bölmənin digər xəbərləri

20 Fevral 2018 Erməniləri susduran jurnalistin evi əlindən alınır - Foto
20 Fevral 2018 İran “qaynayır” – Ölənlərin sayı 5-ə çatdı, 300 saxlanılan var
19 Fevral 2018 Ağsuda övladının əlillik dərəcəsini ala bilməyən ailə çıxış yolunu intihar etməkdə görür
19 Fevral 2018 Şəhid ailəsi kredit borcuna görə prezidentdən kömək istəyir - MÜRACİƏT
19 Fevral 2018 “Gündəm Xəbər” xaker hücumuna deyil, vəzifə sahiblərinin hücumuna məruz qalıb--ŞOK OLAY
18 Fevral 2018 Türk ordusunun zərbəsi: 1614 meyit...
17 Fevral 2018 Türk ordusu Afrində 1595 terrorçunu məhv etdi
16 Fevral 2018 Biləsuvarda abonentlərə edilən qaz fırıldağı - Əsassız cərimələr necə yazılır?
15 Fevral 2018 Yerevan ABŞ-ın “qara siyahı”sında
15 Fevral 2018 Bloqqerin ölümü ilə bağlı cinayət işinə xitam verildi
15 Fevral 2018 Zakir Fərəcova yeni müavin təyin olundu
13 Fevral 2018 Akif Nağı da prezidentliyə namizəd olur
12 Fevral 2018 Ana Vətən Partiyası İlham Əliyevi dəstəklədi - BƏYANAT
11 Fevral 2018 ADR Hərəkatı prezident seçkiləri ilə bağlı bəyanat verdi
10 Fevral 2018 Müsavat Partiyası seçkilərdə iştirak etməyəcək -VİDEO
09 Fevral 2018 Hacıbala Abutalıbovun oğlu adını dəyişib Abu Bəkr qoydu
06 Fevral 2018 Nazirlik açıqladı: aprelin 11-i qeyri-iş günü, 9-u və 10-u isə…
04 Fevral 2018 “Zeytun budağı” əməliyyatı:daha 5 hədəf məhv edildi, 32 terrorçu öldürüldü
01 Fevral 2018 Əli Əhmədovdan YAP-çı gənclərə çağırış:"Sosial şəbəkədə fəal olun"
01 Fevral 2018 İçində azərbaycanlıların da olduğu gəmi Qara dənizdə qəzaya uğradı (YENİLƏNDİ)
© 2016 www.sozcu.az - Bütün hüquqlar qorunur.

Ünvan: Ağsu şəh., Melaratorlar qəs., ev 7. m.6
Direktor Anar Rəsulov
Redaktor Elşən Məmmədov - 055 972 53 53
Mob: 055 637 07 69
Tel: 020 226 42 28
email: sozcu.az@gmail.com

Saytda yerləşdirilmiş hər bir materiala olan hüquqlar Azərbaycan Respublikasının qanunvericiliyinə, həmçinin müəlliflik hüququ qanunlarına əsasən qorunur.
Müəlliflərin mövqeyi redaksiyanın mövqeyi ilə uyğun gəlməyə bilər. Saytdakı materiallardan istifadə zamanı istinad zəruridir.