Xəbər lenti

nuvelilahi65.jpg
Aparılan araşdırmaya görə, dünya üzərində 14.995 nüvə silahı var.

Hər ölkənin əlində olmayan nüvə silahları həmin dövlətin rəqibləri üzərində böyük üstünlüyü deməkdir. "Business İnsider"ə görə olan siyahını sizə təqdim edirik.

Nüvə silahı XX əsrdə dünya elminin kəşf etdiyi ən dağıdıcı silahdır. Real hərbi əməliyyatlarda bu silahdan yalnız bir dəfə - 1945-ci il avqustun 6-sı və 9-da Yaponiyanın Xirosima və Naqasaki şəhərlərində istifadə olunub. ABŞ təyyarələrinin Yaponiyanı sülhə təhrik etməsi üçün bu dəhşətli silahı tətbiq etməsi nəticəsində 300 min insan həlak olmuşdu. Məhz dağıdıcı gücünə görə müasir dünyada bir sıra dövlətlər, terroçu qruplaşmalar bu silahı öz arsenalında görmək istəyir. BMT-nin təşəbbüsü ilə imzalanan "Nüvə silahının yayılmaması barədə müqavilə"yə əsasən, nüvə dövlətləri 1967-ci il yanvarın 1-nə qədər nüvə sınaqları keçirən ölkələr hesab olunur. Bu tarixdən sonra sınaq keçirən ölkələrin nüvə dövləti olması qanunsuz elan olunub. Lakin dünya xəritəsinə diqqət yetirdikdə, 1967-ci ildən sonra da nüvə sınağı keçirən ölkələrin, hətta bunu gizli gerçəkləşdirən ölkələrin olduğunu görə bilərik.

Sozcu.az dünyanın nüvə dövlətlərinin siyahısını təqdim edir.

ABŞ - dünyanın ilk nüvə dövlətidir. Məhz bu ölkə 1945-ci il iyulun 16-da Nyu-Meksiko ştatının Alamoqoro səhrasında 20 kilotonluq atom bombasının ilk sınağını keçirib. Hazırda ABŞ-ın arsenalında 6800 nüvə başlığı var.

SSRİ/Rusiya - tarixdə ikinci nüvə dövləti. 1949-cu il avqustun 29-da Qazaxıstanın Semipalatinsk poliqonunda 22 kilotonluq ilk sovet nüvə silahının sınağı keçirilib. SSRİ-nin süqutundan sonra bütün nüvə silahları onun varisi Rusiya Federasiyasına verilib. 7000 aktiv nüvə başlığı olan Rusiya dünyanın ən böyük nüvə dövlətidir.

Böyük Britaniya - ilk nüvə silahı sınaqlarını 1952-ci il oktyabrın 3-də Sakit okeanındakı Monte-Bello adasında həyata keçirib. Hazırda ölkə ərazisində 215-dən artıq nüvə başlığı saxlanılır.

Fransa - 1960-cı il fevralın 13-dən nüvə dövlətidir. Dəhşətli silahın ilk sınaqları o zamanlar Fransanın tərkibinə daxil olan Əlcəzairdə həyata keçirilib. Hazırda Fransa 300 aktiv nüvə başlığına malikdir.

Çin - 1964-cü il oktyabrın 16-da Lobnor gölü yaxınlığında 20 kilotonluq nüvə silahını sınaqdan keçirməklə nüvə dövlətləri ailəsinə daxil olan 5-ci ölkədir. Rəsmi Pekinin arsenalında 270-dən artıq nüvə başlığı var.

Adı sadalanan dövlətlər "köhnə nüvə dövlət"ləri hesab olunur. Onlar nüvə silahının yayılmaması barədə müqaviləni imzalayıblar. Lakin bəzi dövlətlər bu müqaviləyə qoşulmaqdan imtina edərək öz nüvə silahlarını yaradıblar.

Hindistan - müqavilədən kənar ilk nüvə dövlətidir. 1974-cü il mayın 18-də ilk nüvə sınağını gerçəkləşdirib. Hindistanın 130-a yaxın nüvə başlığı var.

İsrail - 1979-cu il sentyabrın 22-də qeyri-rəsmi nüvə sınağı keçirib. Xarici kəşfiyyat məlumatlarına əsasən, 80 nüvə başlığı olan yəhudi dövləti rəsmi şəkildə bunu təsdiqləmir.

Pakistan - 1998-ci il mayın 28-dən nüvə dövləti sayılır. Arsenalında 140 nüvə başlığı olan Pakisan həm də nüvə silahına sahib olan ilk və yeganə müsəlman dövlətidir.

Şimali Koreya - 2006-cı il oktyabrın 9-da ilk dəfə nüvə sınağı həyata keçirib. 2003-cü ilə qədər "Nüvə silahının yayılmaması haqda müqavilə"yə üzv olan sosialist ölkə təxminən 60 nüvə başlığına sahibdir.

MAQATE və "Nüvə silahının yayılmaması haqda müqavilə" bu dəhşətli silaha sahib olmaq istəyən ölkələrin planlarını ləngitsə də, tam şəkildə bunun qarşısını ala bilməyib. Beynəlxalq ekspertlərin fikrincə, yaxın 5-10 il ərzində İran, Yaponiya, Kanda, Almaniya, Braziliya, Misir və Səudiyyə Ərəbistanı da nüvə dövlətlərinə çevrilə bilər.

Qeyd olunmalıdır ki, ABŞ-ın nüvə potensilaının bir hissəsi - NATO üzvlərində və müttəfiq ölkələrdə yerləşdirilib. Almaniya, Türkiyə, İtaliya, Belçika, Hollandiya, Kanada, Cənubi Koreya və Yaponiyada ABŞ-ın nüvə potensialının bir hissəsi yerləşdirilib.

Bütün dövlətlər nüvə silahına malik olmaq isməmir. Tarixdə nüvə silahından könüllü imtina edən dövlətlər də var. Məsələn, Lissabon protokoluna əsasən, Ukrayna, Qazaxıstan və Belarus ərazilərindəki nüvə silahlarını könüllü əsasda Rusiyaya təhvil veriblər, yaxud məhv ediblər. Argentina, Braziliya və Cənubi Afrika Respublikası da könüllü əsasda nüvə texnologiyası tədqiqatlarından imtina edərək, "Nüvə silahının yayılmaması barədə müqavilə"yə qoşulublar.

 

 

b_800_600_0_00_images_xeber_sekilleri_1mart2017_mehmanelit.jpg
“ Ölkə mediasında “Mehman 10 günlüyü” keçirmək niyyətindəyik”.

Sozcu.az xəbər verir ki, bunu Azadlıq Radiosuna “Mehman Əliyevə Azadlıq Komitəsi”nin təmsilçisi Əvəz Zeynallı bildirib.

Ardını oxu...

millimeclisss.jpg
Milli Məclis tətildən qayıdaraq 2017-ci ilin payız sessiyasında işə başlayıb.

Ardını oxu...

qenireatasova.jpg
Fəaliyyəti dayandırılmış ANS televiziyasının qalmaqallı aparıcısı Qənirə Ataşova Amerika Birləşmiş Ştatlarına (ABŞ) köçüb. Teleaparıcının ABŞ-a köçməsi isə bu ölkədə təhsil alması ilə bağlıdır.

Ardını oxu...

nailee.jpgBakı şəhəri Sabunçu rayon 187 saylı tam orta məktəbinin müəllimlərindən biri Təhsil naziri Mikayıl Cabbarova məktub yazaraq, məktəb direktorundan şikayət edib və onun özbaşınalıqlarına qarşı tədbir görülməsini xahiş edib.

Ardını oxu...

ZERDAAZZ.PNG

Sozcu.az saytına müraciət edən Zərdab rayonunun Bıçaqçı kənd sakini Əbülhəsənli Zaur Ağahəsən oğlu Dövlət Sosial Müdafiə Fondunun Zərdab rayon şöbəsinin sədri Canpolad Vəliyev barəsində bəzi mətbuat orqanları və Sozcu.az vasitəsi ilə Azərbaycan Respubıikasının 1-ci vitze-prezidenti Mehriban Əliyevaya etdiyi müraciətdən sonra DSMF sədri Canpolad Vəliyevin onu həbs etməklə hədələməsi ilə bağlı şikayət məktubu göndərmişdir.
Yenidən Sozcu.az-a müraciət edən Əbülhəsənli Zaur Ağasən bildirib ki, Canpolad Vəliyev onu və l qrup əlil və yataq xəstəsi olan qardaşı Fəridi məhkəməyə verib. Şikayətçi bildirib ki, yataq xəstəsi olan əlili məhkəməyə xətrəkdə aparıblar.

Həmin şikayət məktubunu olduğu kimi təqdim edirik:

Ardını oxu...

zehraninatas.jpg
Ermənistan ordusunun təxribatı nəticəsində şəhid olan 18 aylıq Zəhranın ailəsi Füzuli Rayon İcra Hakimiyyətinin rəhbərliyi tərəfindən aldadılıb.

Ardını oxu...

turkpoliss.jpg
Türkiyə Silahlı Qüvvələri son bir həftədə Şırnak, Diyarbəkir və Hakkaridə 43 terrorçu zərərsizləşdirib.

Ardını oxu...

b_800_600_0_00_images_xeber_sekilleri_1mart2017_fuadffd.jpgTuran agentliyinin direktoru Mehman Əliyevin saxlanılması zamanı qanun pozuntusuna yol verilib. Bu barədə Turan-a vəkil Fuad Ağayev bildirib.

Ardını oxu...

aga33.jpg
Tanınmış meyxana ustası Bayram Kürdəxanlını avtomobillə vuran adam tanınmış meyxanaçı Ağamirzənin qohumu imiş.

Ardını oxu...

© 2016 www.sozcu.az - Bütün hüquqlar qorunur.

Ünvan: Ağsu şəh., Melaratorlar qəs., ev 7. m.6
Direktor Anar Rəsulov
Redaktor Elşən Məmmədov - 055 972 53 53
Mob: 055 637 07 69
Tel: 020 226 42 28
email: sozcu.az@gmail.com

Saytda yerləşdirilmiş hər bir materiala olan hüquqlar Azərbaycan Respublikasının qanunvericiliyinə, həmçinin müəlliflik hüququ qanunlarına əsasən qorunur.
Müəlliflərin mövqeyi redaksiyanın mövqeyi ilə uyğun gəlməyə bilər. Saytdakı materiallardan istifadə zamanı istinad zəruridir.