Xəbər lenti

agentt.jpg
Məlum olduğu kimi, ləğv olunmuş MTN-nin Antiterror Mərkəzinin sabiq rəisi Elçin Quliyev və polkovnik Azər Mehdiyevin işi üzrə İttiham aktında bir sıra MTN agentlərinin adları açıqlanıb. 7 milyon manatdan artıq dövlət vəsaitinin mənimsənilməsi epizodunda bəzi agentlərin “kod adları”, bəzilərinin isə həqiqi adları öz əksini tapıb.

Ardını oxu...

555intih.jpg

Bir qrup vətəndaş cəmiyyətinin fəalları Bakı İstintaq Təcridxanasında müəmmalı şəkildə dünyasını dəyişən siyasi məhbus Mehman Qələndərova hüzr məclisi keçirmək üçün qərar qəbul edib.  Bu haqda məlumatı hüquq müdafiəçisi Oktay Gülalıyev özünün feysbuk səhifəsində yazaraq məlumat verib.

Ardını oxu...

ilkineh.jpg13 saylı cəzaçəkmə müəssisəsində 4 ildir həbs həyatı yaşayan NİDA üzvü İlkin Rüstəmzadə ona təzyiqlər edildiyini deyir. O, ailəsi ilə telefon danışıqlarında Dövlət Təhlükəsizlik Xidmətinin işçilərinin onu əməkdaşlığa dəvət etdiyini bildirib.

Ardını oxu...

bayrambayr.jpg
“Heykəl məhbusu” Bayram Məmmədova saxlanıldığı 13 saylı CŞM-də işgəncə verilib. Bu barədə Bayramın vəkili Elçin Sadıqov məlumat yayıb.

Məlumatda deyilir:

29 aprel 2017-ci il tarixdə Bayram Məmmədovla görüşmək üçün 13 saylı CÇM-ə getdim. Qapıda məni bir saatdan çox gözlətdilər, halbuki görüş məktubum var idi və bundan əvvəl də görüşmüşdüm, məktubu tapa bilmirik deyə bəhanəsi ilə 1 saatdan çox gözlətdilər. Hiss etdik ki, istəkləri gözləməkdən bezib Bayram Məmmədovla görüşdən imtina edib geri qaytımağım idi. Bir saatdan sonra görüşə icazə verdilər. Lakin, qol saatımı və ilk dəfə olaraq avtomobilimin açarını qanunsuz olaraq onlara verməli olduğumu bildirdilər. Etiraz etsəm görüşə icazə verilməyəcəyi bildirildiyindən avtomobilin açarını da verdim və Bayram Məmmədovla görüşdüm.

Görüş zamanı Bayram Məmmədov bildirdi ki, CÇM-nin rəhbərliyinin ona münasibəti çox pisdir, ona çatdırıblar ki, o ulu öndərin heykəlinə qarşı hörmətsilik etdiyinə görə daim press altında olacaq. Bayram Məmmədov CÇM-ə yerləşdirildiyi gündən bəri xəstədir, səbəb isə odur ki, ona yatmaq üçün yeri tualetin yanından və daim soyuq havanın oynadığı yerdən veriblər. Dəfələrlə CÇM-nin rəhbərliyinə müalicə olunmaq və yerinin dəyişdirilməsi üçün müraciət etməsinə baxmayaraq ona heç bir əhəmiyyət verilməyib. CÇM-nin tibb hissəsində çitramon və aspirin adlı dərmanlardan başqa dərmanın olmadığını bildirdi. Ona edilən bu pis münasibətin nəticəsində ağır xəstədir və hətta 24 aprel 2017-ci il tarixdə ağır qızdırmalı xəstə olduğuna görə dəstə rəhbərini və başqa nəzarətçiləri xəbərdar edib ki. yataq xəstəsi olduğundan axşam “razvoduna” (sıra baxışı) çıxa bilməyəcək, onun xəstə olmasına görə sıra baxışına çıxa bilməyəcəyini İlkin Rüstəmzadə də müəisissə rəhbərliyinə çatdırıb. Bütün bunlara baxmayaraq xəstə-xəstə Bayramı proqulkaya (gəzinti yeri) aparıblar və qollarını arxadan qandalla bağlayaraq gözlədiblər. Bayram Məmmədov xəstə olduğu üçün sıra baxışına çıxmadığı barədə iki izahatını cırıblar və bildirblər ki, o sadəcə sıra baxışına çıxmamışam yazmalıdır. Soyuqdan dondğundan 5-6 saatdan sonra qısa izahat yazıb ki, sıra baxışına çıxmamışam. B.Məmmədov bildirdi ki, bundan əvvəl də Bayram Məmmədovu müəsissə əməkdaşları işləməyə məcbur ediblər və o bildirib ki, bura cəzaçəkmə müsəsissəsidir islah əmək koloniyası deyil, əgər məcburi əməyə cəlb edilirsə yazılı qərar verilsin ona. Bayram Məmmədovun bu sözündən sonra onu paltarları məcburi soyundurulub karsın (cərimə kamerası) darısqal, üstü açıq, dörd divardan ibarət gəziti yerinə salınıb və saatlarla orada saxlanılıb. Bayram Məmmədov bildirir ki, bu qanunsuz hərəkətlər onun sağlamlığına ciddi təsir göstərir və müəsissəyə daxil olduğu gündən ağır xəstədir və bu hərəkətlərin nəticəsində sağalmır, sanki bu hərəkətlər onun fiziki məhv edilməsinə yönəlib.

Bayram Məmmədovun bildirdikləri ilə bağlı rəsmi qurumlara sabah şikayət göndərəcəm. Əlavə olaraq xahiş etdi ki, Ombudsman və Qırmızı Xaç Komitəsinin nümayəndələri ona baş çəksin və onun fiziki məhvinin qarşısını alsınlar.

Bayram Məmmədova qarşı edilən qanunsuz hərəkətlərin qarşısının alınması ilə bağlı müəsissə rəhbərliyi ilə əvvələr də söhbət etsəm də heç bir səmərəli nəticə olmayıb.

© 2016 www.sozcu.az - Bütün hüquqlar qorunur.

Ünvan: Ağsu şəh., Melaratorlar qəs., ev 7. m.6
Tel: 0202264228
Təsisçi Elşən Əlisoy - Mob: 055 972 53 53
email:Sozcu.az@gmail.com

Saytda yerləşdirilmiş hər bir materiala olan hüquqlar Azərbaycan Respublikasının qanunvericiliyinə, həmçinin müəlliflik hüququ qanunlarına əsasən qorunur.
Müəlliflərin mövqeyi redaksiyanın mövqeyi ilə uyğun gəlməyə bilər. Saytdakı materiallardan istifadə zamanı istinad zəruridir.